للرجال فقط..؟؟؟

[بيسان]

[align=center]السلام عليكم ورحمة الله وبركاته

اتمنى من الجميع المشاركه وابداء الرأي بكل صراحه موضوعي مجرد أسأله لك أنت أيها الرجل ؟؟؟
لو تزوجت بنت تدخل الأنترنت سواء كانت عضوه بمنتدى او لأ هل سوف تمنعها من دخول الأنترنت بعد زواجك بها ولماذا؟؟
هناك صديقه لي سألت خطيبها انا أدخل انترنت لكن ليس بكثير وأنا عضوه في منتدى بريده ولاأدخل كثيرا لكني لا أشارك بمواضيع او ردود طبعا هي تكتب مواضيع وتشارك لكن ارادت ان توجس نبضه فرد عليه بصوتا عااااالي ((نت مافيه سكري الموضوع))قالت انا مادخل شيء يخالف الشرع أو الدين او اني ادخل مواقع قليلة أدب أنا أدخل (منتدى بريده) رد عليه ((بعد بعد كملت منتدى بريده))
فلما قالت الأنترنت بدمي وأهلي مامنعوني انت تشك فيني فرد بلا انا اثق بك كامل الثقه قالت خلاص انت ماتبيه أدخله عند أهلي فرد بلا وألا سوف امنعك عن أهلك فلما أصرت رد بعصبيه أختاري ((أنا ام الأنترنت))فقامت بالبكاء وهو زعل منها كأنه هو اللي أنهاش مو هي ؟؟
قالت هي لأبوها فجاوبها ابوها ليش عصب وقيمته يراضيك ويقولك يصير خير دامك عندنا ولايرفض لك طلب او يجامل على الاقل او يقولك السبب اللي رفض النت عشانه ؟؟فقامت بسؤاله مالسبب ايها الزوج العزيز فرد بعصبيه أخرى وأقفل الخط بكلمة أذاكر وانام أحسن ؟؟.........أنتهى حديثها بقول يانملة كاشخه سوف أدخل الأنترنت رغما عنه وهذا ماقاله لي أبي وسوف أدخله في بيت أهلي علم او لم يعلم سوف أدخله وأدخل منتدى بريده واشارك أيضا واللي يصير يصير حتى لو طلقني بسبت الأنترنت ومنتدى بريده فجاوبتها النت والمنتدى مو كل شيء وكل شي بالهداوه ياصديقتي الغاليه حاولي بعدين مو اللحين لأنه راح يشك فيك<<خذ الحكمه من أفواه المجانين
أنا بسألكم انتم لأنكم تدخلون الأنترنت ويمكن بكثره بعد ؟؟
ليش انا أسألكم أنتم يأ أعضاء منتدى بريده ويامشرفين؟؟
ما السبب مالسبب ؟؟هل هو عقده اما عدم ثقه ؟؟
مع انه من عائله متعلمه ومثقفه ويثق بخطيبته ويحترمها ؟؟لكن لماذا أراد ان يقفل موضوع الأنترنت لماذا لم يناقشه علما ان خطيبها جامعي وصغير بالسن بالعشرين يعني شبابي ليش وهي ايضا تسألني ليش ؟؟
وهل ستمنع زوجتك من الأنترنت؟؟ ومنتدى مثل منتدى بريده تمنعها منه؟؟
وماحل مشكلتها جاوبوني باقرب فرصها قبل المجنونه ماتهدم بيتها بيدها ؟؟
أرجو الرد من المختصين ؟؟؟؟موضوع جاد ؟؟؟

نمله كاشخه[/align]

[][(مشعل)][]

يوخيتي اللي يمنع في دخول البنات الواتي يدخلن النت الا من يدخل وقصده اللعب

فمن لعب ببنات الناس ربك سينتقم منه باخواته وبناته وزوجته

ولا يشترط ان يكون الانتقام عبر النت ... فلله سننه في الانتقام


ما يشك في البنات الا فاسد الطوية خبيث النية .. يشك في تربية اخواته واخلاق زوجته وهذا نابع من عقدة النقص لانه بلا اخلاق وانه اذا دخل النت فقصده اللعب والمجون والعبث مع بنات الناس

هناك بنات كثيرات يدخلن النت .. وهن والله اشرف من الف رجل على النت وافضل منه وظفر الواحدة منهم بالف من امثال اولئك العابثين الذين اعتبرهم حثالة المجتمع وزبالة الارض

دعوكم من عبثكم ولهوكم وبطلوا شك وخرافات وخرابيط وارتقوا قليلا

المرأة قديما كانت تخرج وتداوي الجرحى وتتاجر وتخرج للاسواق لوحدها فلم يكن يشك احد او يتهمها

العيب في نفوس الناس المرضى مو في النت العيب في من يستخدم النت

[المعروف]

اقتباس:  المشاركة الأصلية كتبت بواسطة نملة كاشخه     [align=center].........أنتهى حديثها بقول يانملة كاشخه سوف أدخل الأنترنت رغما عنه وهذا ماقاله لي أبي وسوف أدخله في بيت أهلي علم او لم يعلم سوف أدخله وأدخل منتدى بريده واشارك أيضا واللي يصير يصير حتى لو طلقني بسبت الأنترنت ومنتدى بريده [/align]

وهل هذا حل ..؟
او شطاره ومفهومية
اذا كانت بيتت لتكون مطلقة فلتمسك بيتها من يومها
ولاتورط ابناء الناس معها..

التفاهم ممكن ان يحل الامر
لكني ارى ان الانفصال من الان احسن لكليهما
واضح ان البنت منفتحة بزيادة وهذا يتعارض مع ثقافة الرجل

[ملاك الحبر]

"يا حبيلها راح تكون موجودة خويتك بالردود أو ما قدرت تطرح الموضوع عشانه مانعها "!!


ألا زالوا لا يحترمون حريات الآخر في ممارسة الهوايات ...!

بنظر عايشة لوحدي هذي أنانية ، وإغلاق لأفواه الممارسة والرغبه ،،،

دعيها تسأله عن مدى استمرارية استخدامه هو للنت بعد الزواج ،، وأنها لن ترضى

باستخدامه له بالرغم من ثقتها فيه واحترامها له !!


كما قال براد/
قاعدة أكل عليها الدهر وشرب ,,

ثم أن الذي لا يتأقلم مع الحياة المُتغيرة بتفاعل ناجح وايجابي
هو الذي يخسر فعلاً ،، بل ويخسر الكثير


دعيها تُعلمهـ أن الرحيل عن منتدى متنوع الاهتمامات او شبكة انترنت
هو اشبه بفصل الجسد عن العالم الخارجي


فالدين والفتوى والمُعاصرات
و
الطب والصحة
والاستشارات
والتسجيلات والطلبات والتسوق
والعلم والتعليم
والقراءة والكتابة والمعرفه
جديد العصر والثقافات المُعاصره
والصحافة والأخبار
والأدب
والاستمتاع
والتسلية
والكثيـــر الذي لا يسعني ذكرة



لو كانت باحد تلك الاتجاهات واحد فقط ,,,!!

فمن حقها أن تمارس ما تريد ،، ومن الأنانية منعها



تحتاج الآنسه إلى مواجهه منطقيه ، لا تبكي فالبكاء لن يجدي نفعاً
لا تستخدم عواطفها ,,,


بل تُخاطب عقلهــ وتنتظر الحكم




تمنياتي ، بالتواجد المستمر في المنتدى

[المطلوب]

[align=center]اتوقع بالهداوه تحل الامور

لو استجابت في البداية

وقالت (سـم)

ثم فيما بعد

حاولت الاقناع

حتما ستجد الاجابة افضل من سابقتها


الرجل و المراه وحتى الطفل!

يحبون التملك في البداية (شعور لا إرادي)

بعدها يقدمون تنازلات اكثر


الطفل اول ما تشتري له لعبة

لا يسمح لاحد ان ياخذها منه

بعدها

يسمح للجميع بمشاركته


كذا الرجل مع زوجته

مع فارق التشبيه[/align]

[مياسة]

يختي قولي لها موب لازم انترنت..!! تصدقين عاد ,, ما ابطيت اسولف على ماماتي.. أقولها تراني ابشرط بعرسي ما بوش بالبيت دي اس ال !!!
يختي اغار من انوثة الشاشة طول الوقت مقابلها.. خليه يقابل وجهي اللي تعب لين ما حصله


اعلمي ياوفقكِ الله,, ولـِ تعلم صاحبتكِ ,, بـ أن الانترنت تكميلي,, وللأسف الشديد أن أغلب مشكالنا بسبب أشياء تكملية .. لا اساسية ..!!


وبعدين من قالها تكب العشاء على طول ؟؟؟؟ ترى مو ضروري الوحدة لا كلمت زوجها تجيب العيد... وتجيب كل اللي وراها,, من أقصاه لـ أدناه .. الوحدة لازم تصير ثقل شوي.. حبة حبة,, يعني المفروض ما جابت طاري انها تشارك في منتدى أصلاً.. لين يتزوجون .. وبعد شهور بعد ما يصير بينهم عِشرة يعرف طبيعتها واخلاقها وتفكيرها .. وبعد مايثق فيها... يحلها الحلال رب العالمين ,,


مممم,, إيه.. وقولي لها,, كل شي بالتفاهم يصلح ,, ترى ما بوش بالعرس شي اسمه بمشي رايي.. او بمشي رايك.. الزواج لـ حياة مستقرة ... مو شيل وحط!!



أهم شي خليها تكبر عقلها... وتنظر للأمور الكبيرة ..و التي تستحق الوقوف عندها ,,,
وعفى الله عن ما سلف ...


عذراً .... مدري وش فيني متحمسة !!!!

[عجوز سمنسي]

والله انها سخيفة اللي تدمر حياتها ومستقبلها وتقول اتطلق علشان منتدى بريدة

وشو منتدى بريدة عاد علشان اوقف حياتي ومستقبلي عليه

مالت عليه مير

ترى كلامي هذا بغض النظر عن مسلة دخول المرأة للمنتديات لاني ارى انه مافيه شي

[•°سـرىآ اللـيـل°•]

[align=center]

اقتباس:  المشاركة الأصلية كتبت بواسطة عجوز سمنسي     والله انها سخيفة اللي تدمر حياتها ومستقبلها وتقول اتطلق علشان منتدى بريدة وشو منتدى بريدة عاد علشان اوقف حياتي ومستقبلي عليه مالت عليه مير ترى كلامي هذا بغض النظر عن مسلة دخول المرأة للمنتديات لاني ارى انه مافيه شي

صدقت يعني لو هي قايلة منتدى يستاهل فيه فائدة اقول والله حرام تقطع هالفوائد .,

وبعدين هالعضوة اللي بمنتدى بريدة وش له شفقانه للجلوس ؟! عساه علشان بالإستراحة وإلا بالواحة تخربط عليهم .,

وإذا كانت تدخل وتدعُ إلى الله بالحكمة والموعظة الحسنة ,, وإلا بالطرقات

فقولي ترى أعضاء منتدى بريدة مايبون هالأشكال يعني تتركهم بلاش دعوة بطقااق .,

أجل أقول يطلقن علشان خرابيط!! وراااااه مصدقة إنه أسماء الرويشد ياشيخه قولي ليه تتعوذ من الشيطان وتترك النت مايحتاج .,

وبس الله يوفقه .,

اقتباس: يختي اغار من انوثة الشاشة طول الوقت مقابلها..

جميل يامياسة وإن كنت لاأصدق ((فمن ماتت غيرته على غيره ماتت فيه)) ولكن سأصدق مجاملة لنفسي .,

طيب وين إحساس الأخوة ؟! وإلا الأنانية طغت على فتياتنا ؟!

تغارين على زوجك من أنوثة الشاشة !!!!!! وهي جماد !! إذن ماذا لو كانت إنسانة !!

تأكدي إن غيرك يغارن على أزوجهن من أنوثة بعض العضوات إللي مايخافن الله ويطرحن كل مايثير إهتمامهم بإسم هرطقة الأدب!!!

لكن ثقتهن بأخواتهن جعلهن في راحة البحث ورائهم ,, وللإسف الأخوات لم يحسن الثقة بل يتسابقن للإثارة ولفت الإنتباه .,

ياليت تدركين أنتِ وغيرك هالأمر وتفكرن بزوجات أصحابكن في الصومعة ياأخوات الإسلام !!

إن كنتن تعتبرنهن أخوات في الإسلام فطبقن ذلك عملي لا كتابي .,

وكفي أنتِ وهن عن الثرثرة التي لاموجب لها مراعاة لزوجات من يلهثون خلفكن وخلف أهازيجكن الفاتنة .,

وإلا سيأتي مقدماً فتيات كحالكن يبعثرن مشاعرهن أمام أزواجكن بكل وقاحة ولن تراعي أقلامهن غيرتكن << كما تدين تدان

نصيحتي في زمن لاتقدم النصائح فيه بالمجان ., وهي غير قابله للرد فقط للفهم الباطني إن كان هناك عقول باطنية تفهم .,

أهذب تاهيه’ للقائلين الغير فاعلين [/align]

[ابوناصر الرسيني]

بسم الله الرحمن الرحيم


الزوجه هاذي مفروظ تستانس لان زوجه يغار عليها
والي يغار عليك دليل حبه لك وكل مازاد حبه زاد غيرته
يعني مفروظ تقولين له استانسي وفرحي تراه خطيبك يحبك قوه
اما الانترنت مافيه شي للشخص الموثوق طبعاً
انتي اذا كنتي تبين تدخلين الانترنت لاتقولين له الحين علاطول يعني ابي انترنت ادخله غصب
اصبر شهر شهرين لمين يعرفك زوجك زين ويتعود علا الطلبات وبعدين كل شي بتدريج
اول استخدمي خط التلفون قولي له ابكتب بحث لختي او قريبه
همن افتحي الانترنت ووريه المواقع الزينه وسولفيله عنهن.وشوفي ميوله الي يحب من المواقع. وشوي اشوي باالهداوه قولي له ملية من بطأ خط التلفون ابي اشترك باالdsl
وبعدها يدخله لا مشاكل ولا غيره
والسلام

[الطاحونة]

تقول مو مشكلة اطلق من أجل منتدى بريدة...!!!!!!!!!!!!!!!!!!!!!!!!!

يا حليل تفكيركن يالحريّم...!!

[راعي الضحى]

ياحول ياواحد مسكين لقيته يبي يصيح قلت وش فيك قال انسرق بريدي وهو مدمن ماسنجر
قلت افتح ثانب>>> انا على نيتي قال اي ثاني تدري كم فيه بنت الماسنجر قلت كم قال ستين بنت من المنتديات الله يحفظ بنات المسلمين اقول خلي خويتك تعرس بلا هالخرابيط والله لو يتركن البنات المنتديات ليقفل نصها وتبدى تزدهر البلد
ههههه الف بنت تبي تلقا الزوج الصالح وهذي منتدى ايه نعيش ونشوف

[@النادر@]

ابور ريناااااااد ورحاااااااااال
اكبر تحية لكم مني.....،،

[الغالي...]

الزواج اكبر من النت والمنتديات.


يااااااااناس الزواج حب وتضحيه ووفاء وعيشه مع بعض ع الحلووه والمره. مو انتر نت!!!!!

الانتر نت تكميلي وليس اساسي.



اما بنسبة لي يعتمد على عقلية الزوجه وماهدفها من الانتر نت اذ كان بتستفيد وتقراء شيء ينفعها مو مشكله وبالعكسس برحب فيه.

[أبو ريان القصيم]

ياسلام على النمله الكاشخه ولابسه غتره !!!!

كل هذه الاسئله واضحه ومعروف اجاباتها والسبب هي الغيرة بين الزوجين
فكل شخص رجل او امراة يغار من الشخص الاخر

واعتذر عن اختصار الاجابه يانمله

[راعي القصيم]

أختي/ نملة كاشخة
رأيي إذا كانت الفتاة مقتنعة بهاذا الشاب والعائلة مقتنعة فيه ومازال جامعي فرأيي كما قال صلى الله عليه وسلم ( من ترك شيأًً لله عوضه الله بخير منه)
فإذا تركت الانتر نت وضحت بهاذا المنتدى الطيب من أجل إرضاء زوجها فأبشرها بشارة بأن الله سيوفقها ويسعدها في حياتها الزوجية وتنسى كل مامضى ومقتنع بأنه يوم من الأيام سايوافق لها بهاذا المنتدى ونحن في هذا المنتدى اسرة واحدة يؤسفنى فراقها ولاكن سعادتها تهمنا وتهم الجميع وكل عضو مشارك سيوافقني بهاذا الرأي والراي للجميع ...