آآآآآه من ليل التجافي ما اطوله.... السمنسي في مستوصف خاص

[عجوز سمنسي]

[align=center]ان العيون التي في طرفها حور *** قـــتلنـنا ثم لم يحيـين قتلانا

يصرعن ذا اللب حتى لاحراك به *** وهن اضعف خلق الله انــسانا

في ساعه من الليل كان لي موعد في احد المستوصفات الخاصة

كان في الاستقبال غنادير يلوح الجمال من خلف الغطاء والبياض كبرق من تحت العيون

كن ثلاث فتيات

اضطررت ان اجلس في الكراسي التي امامهن لامتلاء غرفة الانتظار

الساعه الحادية عشر ليلا وانا اتسمع لتلك الضحكات والكلمات بينهن وكل فتاة بصوتها العذب تقول لصاحبتها : افتحي بلوتوثك


اياك اعني واسمعي ياجارة؟ تراني دلخ اصير احيانا

التهميش طبع عندي والتطنيش لهذه الاشكال يروق لي

تقوم احداهن لتحظر اوراقا فإذ بي ارى ساقها الى قرب ركبتها

ابيض يلق لق

وجع يوجعها حاطة فتحة في تنورتها الى الركبة ؟

ياويل حالي يتسدح الشيبان كلهم

حدث اخر

المسؤول عن المستوصف ابو سكسوكة مقصقصة يشوف وكأنة مدير مدينة الملك فهد الطبية

على قده ياويلي

ينادي الممرضة السورية ويجلس معها بالغرفة المقابلة لي ويقهقهون وهم يعدون مبلغا من المال

تلتفت السورية تشوفني اناظرهم تقوم وتسكر الباب بالقفل

تخرج بعد وقت طويل

تأتي ممرضة مصرية هبلتني وربي

احسبها سعودية

تدخل بغرفة المسؤول وتغلق الباب بالمزلاج

وش سالفة المزلاج هذا كل متبليه وحاقد عليه

بدر في خاطري امر

فقلت هل هذا هو عمل المرأة الذي ينادون به ؟

هل عمل المرأة ان تسهر الليل مع الاجانب وتحاكي فلان وعلان وان يسمح لها بلبس فاضح؟

الى متى يحاولون ان يبرروا عمل المرأة على انه حاجة ويسردون لنا القصص حتى نرحمهن ونرأف بحالهن ونسمح لهن بالعمل حتى انصاف الليالي مع شباب ورجال ؟

انني استغرب دياثة انتشرت في وقتنا واقسم ان الكلب يتقزز منها

يافتاة السعودية والخليج والاسلام : انهم يضحكون عليك في تطريز عمل المرأة وخروجها عن حصنها لتفتضح امام الله والناس

لتكون سلعة سائغة لمن هب ودب

انني لست ضد عمل المرأة بل من مؤيديه

لكن ليس من حق الظروف التي نسمعها عبر القصص ان تجبرنا على ان نتخلى عن اعراضنا وقيمنا ومبادئنا

ان اشباه الرجال ولارجال اصابتهم لوثة الحضارة الزائفة حتى استملست قلوبهم وعقولهم على ترك محارمهم يسرحن مع كل ناعق وفاجر وشهواني

اصبحت كثير من الفتيات لاتبالي بنفسها فتعرض نفسها لكل احد يدخل ويخرج

وما اكثر من تعجب بهم تلك الفتاة

كم من وسيم يدخل المستوصفات؟ ياكثرهم وربي

كلهم تعجب بهم ؟

ايها السادة والسيدات ؟ ماحالكم اليوم ؟ مادهاكم اليوم ؟ اين القيم ؟ اين العادات والتقاليد ؟

اصابنا الوهن حتى اتبعناهم حذو القذة بالقذة فدخلنا جحور الضبان خلفهم

لله ما اكرم احد المرأة مثل الاسلام فأعزها وحصنها واعلى شأنها فمالكم يا اشباه الرجال ومالكن يانساء المدينة تبحثن عن من يهتك استاركن ويعبث بكرامتكن


لقد قلت غيض من فيض وليس كل مايرى يقال

فأنني اعلم اشياء واشياء فهل تعقلون ؟

تف لما تصف السنة العلمانيين والليبراليين من كذب وافتراء

دمتم بحب العجوز السمنسي[/align]

[& جمال الطفوله &]

عجوزنــا ...

اقتباس: تلتفت السورية تشوفني اناظرهم تقوم وتسكر الباب بالقفل

اقتباس: تأتي ممرضة مصرية هبلتني وربي

اللي شفتهم مو سعوديآآت ...

يعني هذا الوضع ببلدهم عااادي ...

[عجوز سمنسي]

[align=center]

اقتباس: & جمال الطفوله & عجوزنــا ...

هلا بالاخت جمال الطفولة

اقتباس: اللي شفتهم مو سعوديآآت ...

لكن اللي بالاستقبال سعوديات للاسف

اقتباس: يعني هذا الوضع ببلدهم عااادي

الممرضات غير سعوديات لكنهن في بلد يجب انهن يحترمن قانونه ويحترمن الناس اللي فيه ويستحن على انفسهن ودين لله مهب للسعودية بس لكل الناس وبعدين السعوديات مطهرات ؟ السعودية اذا استلعنت وربي مافيه العن منها[/align]

[إلينـ اليوم]

آه من الليل التجافي مطوله<<الله رجعتنا لاايام الكرسيدا

حبيبي سمنسي الشق اوسع من الرقعه رحت الاسبوع اللي راح للرياض
ورجع معي واحد من الشباب يشتغل ممرض بمستوصف حكومي
قالي عن اشياء تهول العقل يحلفلي ان سبع بنات ممرضات سعوديات راكبات
معوه باالسياره رايحين مهمه تبع الدوام يعني السالفه مدرعمه
وترى المستوصف اللي تقول عنوه عرفتو اذكر دخلت عندهم قسم اني خقيت
ونا مالي من الشيطان طريق كلامهن وضحكهن اشوي والانقطت سعابيلي
ماصدقت على الله اني اطلع .


تشكرات سمنسيات.

[عجوز سمنسي]

[align=center]

اقتباس:  المشاركة الأصلية كتبت بواسطة خوان بابلو سورين     آه من الليل التجافي مطوله<<الله رجعتنا لاايام الكرسيدا حبيبي سمنسي الشق اوسع من الرقعه رحت الاسبوع اللي راح للرياض ورجع معي واحد من الشباب يشتغل ممرض بمستوصف حكومي قالي عن اشياء تهول العقل يحلفلي ان سبع بنات ممرضات سعوديات راكبات معوه باالسياره رايحين مهمه تبع الدوام يعني السالفه مدرعمه وترى المستوصف اللي تقول عنوه عرفتو اذكر دخلت عندهم قسم اني خقيت ونا مالي من الشيطان طريق كلامهن وضحكهن اشوي والانقطت سعابيلي ماصدقت على الله اني اطلع . تشكرات سمنسيات.

هلا بخوان بابلو

ياحبي خويك هذا مايعرف يتصرف وسلم لي عليه

وبعدين لاتستغرب هذي بنات داشرة ومولية وبايعتها اللي يركبن مع واحد باسم مهمة

الله يلعن المهمة ويلعن ابوها اللي تخلي البنت تركب معه وتكهكه وهي مستانسة

وش بقى ؟ وراه ما اخذ لهم شاليه وطب يسبح معهن بعد؟

سلملم ياحبي ولاتنسى تقول لخويك اذا ركبن معه يتصل عليك واذا جوالك مقفل يدق علي[/align]

[& جمال الطفوله &]

اقتباس: ورجع معي واحد من الشباب يشتغل ممرض بمستوصف حكومي قالي عن اشياء تهول العقل يحلفلي ان سبع بنات ممرضات سعوديات راكبات معوه باالسياره رايحين مهمه تبع الدوام يعني السالفه مدرعمه

تصدقـــون ان هذي السالفه سمعتها ...

من حوالي سنتين


من خالي ( القصيمي ) << الله يمسيه بالخير

[كويتيه]

عمل المرأه في وضح النهار وفي اماكن محترمه وعدم خلوتها بالرجال
شي..... وعملها بنص الليل وبين الرجال وعدم احتشامها واحترامها لنفسها
شي آخر......



والعتب كل العتب على ولي امرهااا إذا كان يعد نفسه رجل .....وماظنتي انه رجل
واهله بهاذي الشاكله ......


مشكووووور على غيرتك على النساء إلي مالهم والي يغار عليهم ....

[عجوز سمنسي]

[align=center]

اقتباس:  المشاركة الأصلية كتبت بواسطة كويتيه     عمل المرأه في وضح النهار وفي اماكن محترمه وعدم خلوتها بالرجال شي..... وعملها بنص الليل وبين الرجال وعدم احتشامها واحترامها لنفسها شي آخر...... والعتب كل العتب على ولي امرهااا إذا كان يعد نفسه رجل .....وماظنتي انه رجل واهله بهاذي الشاكله ...... مشكووووور على غيرتك على النساء إلي مالهم والي يغار عليهم ....

هلا بالكويتيه

والله ياستي دائما انظر الى عمل المرأة على انه مهم لها جدا لكن اللي يضيق الصدر هو العمل في اخر الليل

وشلون ترضى او يرضى وليها بسهر بنت بين رجال ويمكن يكونون لحالهم

واعتقد لو كل من الاعضاء صار صريح وقسدح لنا من القصص اللي يعرفونهن كان طلع المستخبي

لكننا مجتمع نخاف من نشر الحقيقة

شكرا لاطلالتك

يمدحون طحينكم الابيض اشوف الحريم ماتشتري غيره للفطاير والخرابيط هههه[/align]

[بــرمــودا]

والله ياسمنسي بعض بناتنا وهن الكثره إذا إشتغلت وراحت للدوام تحلف إنها رايحة لعرس ,,برفانات وحركات والعين مدعوجة بالكحل وجينز وكعب عالي ,,,بس تبي الصدق الله يكون بعون العزوبيه اللي يروحون للمستوصفات أو الأسواق ,,وأنا أقول ليش نفسية الشباب زفت آثاريه علشان كذا!!!!!!!! الله يعينك ياسمنسي من خلق الله يبون يقولون وشوله رايح هالحزه للمستوصف أكيد إنك رايح تغازل !!!!

[عجوز سمنسي]

[align=center]

اقتباس:  المشاركة الأصلية كتبت بواسطة بــرمــودا     والله ياسمنسي بعض بناتنا وهن الكثره إذا إشتغلت وراحت للدوام تحلف إنها رايحة لعرس ,,برفانات وحركات والعين مدعوجة بالكحل وجينز وكعب عالي ,,,بس تبي الصدق الله يكون بعون العزوبيه اللي يروحون للمستوصفات أو الأسواق ,,وأنا أقول ليش نفسية الشباب زفت آثاريه علشان كذا!!!!!!!! الله يعينك ياسمنسي من خلق الله يبون يقولون وشوله رايح هالحزه للمستوصف أكيد إنك رايح تغازل !!!!

هلا بالصديق ابو خالد

ياحبي قسم يالله قسم بالله اني اشوفهن اقول شكلها تبي تاخذ حاجة وتروح لعرس الحين

لعنبو ابليسهن وش الزين وش الكشخة وش الحلا ؟ من وين جايباته ؟

اللي يقهرك اذا لبسن الروب الابيض اللي مخصر الجسم والنقاب

قسم تتسدح يابو خالد

الله يعين العزوبية من ذيك الاشكال

وصدقت ويقولون وش فيهم الشباب نفسياتهم زفت الزفت

بلاهم اذا شافوا الغصون تتمايل مه هبة الريح وهي تسقط ثمار التفاح من شفايفها [/align]

[فيصل...........]

عجوز سمنسي

لقد فقدت الغيرة واختلط الحابل بالنابل فاصحاب المستوصفات

يستقدمون ويوظفون الجميلات ويفرضون شروط خاصة على كيفية

التعامل مع المراجعين لكي يكسبوا من خلف هذه الشروط الخبيثة

المزيد من المال والضحية هم الشباب الذين يخكون حينما يرون هذا

الجمال الذي يدعمه همسة واشارة مصطنعة هدفها تجاري بحت

فالمسالة لاتتجاوز كونها علامة تجارية تشمل كل المستوصفات

الاهلية فعندما ترى هذه الاشكال اثق بان هذا المستوصف لا يوجد

لدية اطباء موهلين للكشف ومعالجة المراجع

دمت بود

[عجوز سمنسي]

[align=center]

اقتباس:  المشاركة الأصلية كتبت بواسطة فيصل...........     عجوز سمنسي لقد فقدت الغيرة واختلط الحابل بالنابل فاصحاب المستوصفات يستقدمون ويوظفون الجميلات ويفرضون شروط خاصة على كيفية التعامل مع المراجعين لكي يكسبوا من خلف هذه الشروط الخبيثة المزيد من المال والضحية هم الشباب الذين يخكون حينما يرون هذا الجمال الذي يدعمه همسة واشارة مصطنعة هدفها تجاري بحت فالمسالة لاتتجاوز كونها علامة تجارية تشمل كل المستوصفات الاهلية فعندما ترى هذه الاشكال اثق بان هذا المستوصف لا يوجد لدية اطباء موهلين للكشف ومعالجة المراجع دمت بود

هلا بالحبيب الى قلبي فيصل

والله ياحبي وربي انه هو اللي حاصل

المستشفيات او المستوصفات الخاصة اصبحت تبحث عن المادة باساليب الاغراء

يبحثون عن الفتيات الجميلة والتي تسمح لنفسها بأن تكون سلعة لكل العيون تنهشها بنظراتها المسعورة

اللي يقهر ان البعض من البنات مستانسة ان الشباب يتمقلون في الخصر والنحر وماتدري انها اصبحت مثل البضاعة التي تعرض في المزاد العلني

واللي يقهر انهن مجرد استقبال وهذ اللي يبط التسبد[/align]

[عبدالله الحلوه]

عجوز سمنسي


ذكر لي احد الأخوه بأن هناك مقالاً لعبدالرحمن الراشد رئيس تحرير صحيفة الشرق الأوسط صرح من خلاله بعدم امكانية زواجه من طبيبه او ممرضه للأسباب الآنفه الذكر

وبالتأكيد تعلم من يكون عبدالرحمن الراشد

فإن كان ماذكر لي صحيحاً فاعتقد بأن الحقائق بدأت بالتجلي للجميع


تحياتي

[عجوز سمنسي]

[align=center]

اقتباس:  المشاركة الأصلية كتبت بواسطة عبدالله الحلوه     عجوز سمنسي ذكر لي احد الأخوه بأن هناك مقالاً لعبدالرحمن الراشد رئيس تحرير صحيفة الشرق الأوسط صرح من خلاله بعدم امكانية زواجه من طبيبه او ممرضه للأسباب الآنفه الذكر وبالتأكيد تعلم من يكون عبدالرحمن الراشد فإن كان ماذكر لي صحيحاً فاعتقد بأن الحقائق بدأت بالتجلي للجميع تحياتي

هلا وغلا بالصديق ابو فهد

ياحبي اذا هذا عبدالرحمن الراشد زعيم الانفتاح والدشارة في بلدنا يقول كذا وش يقولون عيال الاجاويد واللي بقلوبهم دين وغيرة ؟

لازلت اقول انني لست ضد عمل المرأة بل انا معه في اي مكان تكون كرامتها مصونة ومحفوظة ومعها حينما تحترم نفسها وتنضبط بالسلوك الايجابي

لكن حينما تكون هذه الوظيفة سبيل وطريق الى ميوعتها ونزع جلباب الحياء من عنقها فهنا اقول لابارك الله بالوظيفة

شكرا لك ابو فهد على اطلالتك [/align]

[رحيل]

سمنسي

بالمستشفيات والمستوصفات قصص مايعرفها إلا اللي يتوسط فيها

...........................

السكيورتي ينادي الممرضه مها وين الجوهره ماشفتها اليوم
ردت إيه اليوم عنده شغل وماحضرت
زاد ماشفته الله يوفقه

.......................................

الممرضه تتكلم عن مريض للدكتور مابينه وبين الدكتور إلا شعره

......................................

مسئول في المستشفى يتكلم مع أحد الموظفات بالمستشفى على الرسبشن مع تجمهر الأطباء
الحرمه لاصقه فيه وجهه في وجه الرجال وبظهره وبجنبه البقيه شكل مقزز حرمه وسط رجال

...........................................

الساعه 12 بالليل ممريضه في مكتب موظف على كرسيه يشتغل على الكمبيوتر وهي واقفه فوق راسه
بس الشهاده لله فاتحين الباب
طبعا الأسياب شبه فاضيه إلا من عاملات النظافه

...........................................

بصراحه كنت أسمع وما أصدق بس بعد اللي شفته بعيني شئ لايصدق

للمعلوميه كل اللي أتكلم عنهم سعوديين وسعوديات

بس أتمنى تتواجد الهيئه هناك فاللي شفناه مو شئ عند اللي ماشفناه

تسيب

ياربي تعافيهم ولاتبلانا