لحظه ابسأل منهو اللي معك كان ... يومن أشوفك في عيونه ضحكتي
لا لا دخيلك لاتقولين غلطان ... شلتك على قلب المحبه وطحتي
مالي شغل بالعذر والقلب ماصان ... يعني أمانه ليش وشلون خنتي
هذا جزاتي جيت من قلب ولهان ... وأنتي ولا مره عليه ولهتي
الشوق منبع حب والروح عنوان ... وصفتلك كل المسافه وضعتي
مو مشكله عادي ولا أكون ندمان ... مانتي الوحيده في عيوني جرحتي
قبلك أنا واجهت أشكال والواان ... حبيت كل الناس قبلك وأنتي
وأنتي بعد يابنت تتشكل أحزان ... أقصد تجيب أحزان في وسط نبتي
جيتك مثل غيمه على جرح بستان ... وجيتي مثل خيبة خيانه وكنتي
ماكنت أشوفك يوم أنا أكون تعبان ... وأنا أجي مجروح لامن تعبتي
مليت من لعبك وانا جد زهقان ... من التعامل وأدري أنك زهقتي
لكن ذبحك الكبر والكبر له شان ... للي يصون الود وأنتي صغرتي
دايم تعرفيني أذا فحت بأيمان ... ودايم أعرف الصد لابان فحتي
مسكين شاعر يكتب بدمع وجدان ... دايم يلووح لك ولايوم بنتي
دايم يرتب لك من الحب ديوان ... دايم يوقف كون لامن وقفتي
تمشين خطوه يمشي الشعر بأجنان ... يقعد جنون الشعر لامن قعدتي
صحيح حلوه والحلا فيك برهان ... أدري يطير الليل لامن لفحتي
لكن كسرتي الحب والشعر ماهان ... شالك على راس القصايد ((وطحتي))
.................................................. ..........................................
أتمنى تعجبكم
........................
منقووووووول
.................
العرض العادي
