بعض الناس اذا مسك منصب يزودها شوي

[فارس الميدان]

[align=center]بسم الله الرحمن الرحيم
السلام عليكم

بعض الناس اذا مسك منصب يفزع لجماعته ويتوسط لفلان وفلنتان وهذا شي عادي !

بس بعض الناس يطولها شوي ويصير مشفوح وياخذ الاخضر واليابس والمشكله انه حتى لو انكشف او انفضح ماراح يحاكم او يصير له شي .

وهذا مثال وفضيحه في احد الدوائر الحكوميه :

[bimg]http://www.buraydh.com/forum/upload/metal.jpg[/bimg]

< اضغط على الصورة للتكبير >

وانتم وش رايكم ؟؟؟



فــــــــــــــــ الميدان ــــــــــــــارس[/align]

[الذاهبة]

مرحبا بك استاذ فارس الميدان ..

طيب يمكن البلد كله غمّد ..

وش يسوي ؟!







نداء للاستاذ راشد الصليحاني ..

ينبسط على مواضيع الواسطات و الفزعات ..




شكرا لك فارس .. على الفضايح !!

[فارس الميدان]

الذاهبه خلك منطقيه والله لو ربي ما خلق غير الغمد ما صار كذا


اقلها حارثي من اهل الطايف او اي شي بس غير الغامدي عشان الشبهات

ياشيخه هذي ماصارت الشئون الصحيه
صارت الشئون الغامديه



فـــــــــــ الميدان ـــــــــــــــارس

[الذاهبة]

اقتباس:  المشاركة الأصلية كتبت بواسطة فارس الميدان     الذاهبه خلك منطقيه والله لو ربي ما خلق غير الغمد ما صار كذا اقلها حارثي من اهل الطايف او اي شي بس غير الغامدي عشان الشبهات ياشيخه هذي ماصارت الشئون الصحيه صارت الشئون الغامديه فـــــــــــ الميدان ـــــــــــــــارس

يا استاذ فارس أهم شيء ( السعودة )

** نحاول نرقع .. لكن الشق أكبر من الرقعة **

[جلوي العتيبي]

فيه مثل عامي يقول (اللي مافيه خير لربعه مافيه خير للناس )

بس إلى هالدرجه مهوب معقول ابد

لا أعلم عن صحة هذه الصوره وهل هي من مصادر موثوقه اخي فارس أم ماذا؟

دمت بعز

[خطاف]

اولا : لا اعلم صحت هذا المكتوب لانه ربما يكون مختلق وغير صحيح وثانيا: على فرض صحته مالذي يمنع من فعل ذلك وثالثا: هي وراثه يتوارثها المسؤ لين( وبختصار لسان حال المسؤل اليوم يومك) وصراحه انا معه لكن مو بهذا الشكل الملفت

[لمبة شارع]

مرحبا فارس...

اين انت ياصاحب...منذ اكثر من شهر لم تطل... غبت فغاب زخمك...

اللوحة المعروضة ربما ليست موثوقة... ولكن حتى لوكانت تعبر بشكل صريح الا ان الواسطة متفشية وواضحة بشكل لايحتاج معه مثل هذا البرهان الكاريكاتوري ...

اذكر وزيرا سابقا للاتصالات اسمه علي الجهني...مرض فاعفته الدولة رحمه الله كان حيا او ميتا....

هذا الوزير مذ جاء الى الوزارة اخذ على عاتقة عدم تعيين اقاربه في وزارته فقال له مذيع تلفزيوني:اليس في هذا ظلم لجماعتك واقاربك فقال انه قدرهم فليحتملوه....

المهم ان في فنون الواسطة ما هو ارقى واحرف من ان نسبر تفشيها ....

هل تدرون... اعرف زوجة مسئول محلي لديها سائق متفرغ تابع لجهة زوجها مع السيارة والمحروقات....

ومن المفارقات انه ذات سنة تمادى بالاستهتار بالدوام فصار يغيب عن مرجعه بالشهر والاسابيع فهددوه بالفصل ف(شفعت) له المعزبة فعاد يجر خيلاءه...!!! كيف لا وهو المقرب القريب الثقة النجيب.. من حرم سعادة ال.....

[ابو الحسن]

هلا ابو راشد
الحمدلله على السلامه
واجازه سعيده
طولت الغيبات وش جبت لنا من الغنايم

لا يضيق صدرك من الغامدي
تعال وشف بعض الادارات ببريده وتلقاه حول الغامدي
وعلى قولة الزعيم

(اللي مافيه خير لربعه مافيه خير للناس )

[سامي]

و مـــــــــن امن العقوبة....ظلم..

والبعض إذا مسك منصب يزودها شوي ولا ولا يتسلط إلا على إما المراسل أو البند إما

هاههاي ابو العاشرة والفطاااحله ضرب بالمفطحاااااات والإنتداباااااااااات..من البيات الشتوي

......
اما توظيف أقاربه و يترك منهم أفضل وأجدر فهذا يدخل تحت بند البياااات..
ولا حول ولا قوة إلا بالله.

دمت بعز وسلاااااام .
.....
...
..
.

[امرؤ القيس]

اهلا بالجميع 00

السؤال الاهم

هل هؤلاء الاشخاص ليسوا على قدر من المسؤولية ؟

وعلى فكرة 00 بني غامد رجال عمل معروفين واشتهروا بتحمل المسؤولية


ويمكن لو احصينا ابناء بني الحارث وبني الاسمر وبني زهران لطلعنا بنتيجة عادلة بالمراكز والادارات


تحية لك

[أبو أميرة]

واااااااو معقوله

في نظري أنها جريمه يجب أن يعاقب عليها الرئيس اللي هو الدكتور ياسر

إن صح الخبر

[فور يو]

اخوي فارس

الشق اكبر من الرقعه ...

في دوائر حكوميه اخرى يحدث بها مثل ذلك ...

________

تحيتي للكل .

[فارس الميدان]

[align=center]مرحباً بالجميع في البدايه :

الاخت الذاهبه : أي سعوده الله يصلحك ,,, تراها مو كبينة اتصالات في حي الصفراء

الاخ الزعيم : اول شي الحمد لله على السلامه مع انها جت متأخره وعساها في عدوينك
وبأنسبه لصحة هالكلام اعتقد ان الناشر احد الصحف والوزاره تبحث بالموضوع لكثرت الشكاوي

الاخ خطاف : كلامك غريب شوي لانك مره معه ومره ضده ولعلم الجميع ان الدكتور الغامدي سبق وان كان موجود في القصيم قبل هشام ناظره ولكن لم يتمكن من ان يلعب لعبته بسب الخوف من اهالي القصيم ولانهم لن يسمحو له

الاخ لمبة شارع : مرحباً الف / كنت مسافر وتوني راجع وبعد بكرا بسافر مره ثانيه >>> يمديك تجي معي ؟
الواسطه حلوه وحلو ان الواحد ينفع جماعته بس بحدود المفروض ان الواحد يكون منصف يعني شي لك وشي لغيرك وحلو انك تعطي غيرك فرصه ، انا اذكر ان الاستاذ جمال الفويرس كان هو المساعد المالي والاداري في الشئون الصحيه في الرياض وكان وهذا الشخص يتمتع بحسن اداره وحسن تعامل فذ ومنقطع النظير وكان يخدم ويتوسط لجماعته ولكن في المقابل يخدم ويعطي المجال لغيره من الذين هم تحت ادارته ويجعلهم يتوسطون مثله تماماً ، في المقابل تم ترفيعه وذهب الى الوزاره وجاء بعده الاستاذ فايح الجبلي وهذا الشخص عكسه تماماً ويحب ان يخدم جماعته بوضوح مع انه كانت تحيط به جماعه سيئه جداً بل انهم حضرو من الباديه الى العمل مباشره وبدون مقدمان لدرجة ان السكرتاريه تحمل 10 موظفين في مكتبه فقط وعمله لا يحتاج هذا الكم الهائل من السكرتاريه بال ان المدير العام بنفسه لا يوجد في مكتبه سوى خمس اشخاص فقط

الخ ابو حسن : هلا هلا هلابك اكثر / الله يسعد ايامك واي غنايم كويس اني هجيت بثيابي من هناك
ابو حسن ما اتوقع في ببريده شي زي كذا لان عندنا ناس اسود في الشكاوي والانتباه والمدراء تخاف تسوي شي (هذولا قصمان ما ترحم شالو الامير عبدالاله مو عاد قطعت مدير لو حاول يسوي شي )

ابو ضيف 88 : اشكرك على المشاركه والمرور

الاخ احمد الروضان : اشكرك على المرور والمشاركه ولكن اريد ان اخبرك بشي :
قابلت انا بنفسي الدكتور ياسر الغامدي ومعه لجنة اطباء واداريين لمقابلة بعض الاطباء والتعاقد معهم لكي يعملو في السعوديه في دمشق بالتحديد في مضايا في وليمة غداء اقيمة هناك على شرف احد الاشخاص وكان الدكتور ياسر يعرف بالاشخاص الذين حضرو معه وجميعهم كانو من الغامدي وانا اعلم بنفسي ان اغلبهم يوجد اناس اكفاء منهم بكثير ولكن الواسطه جلبتهم معه لسياحه والاستمتاع مع اقاربه على حساب الحكومه .

الاخ ابو اميره : اشكرك على المشاركه والمرور

الاخ فور يو : وانت الصادق مافيه رقعه من الاصل واشكرك على الزياره والمرور



دمتم بعز

فــــــــــــــ الميدان ــــــــــــــــــارس[/align]

[خطاف]

الا خ فارس الميدان لعلك لا تعرف كيف يكون الجواب الدبلوماسي وهو ماقلته سابقا بمعنى( ان يكون الجواب محتمل الوجهين وذلك حتى تخرج من الاحراج الذي يحصل لك) لعله وصلت المعلومه

[نـدى الـورد]

فـــــــارس المــيدان



اتــوقــع انكــ ودكــ تكــون مــن القبيــله علشــان



تحظــى با الوظــيفه ههههههه




والله مشكــله الواسطــات... تهضــم حقــوق البعــض


وصــاحــبنــا الي فــي المــوضوع ضــرب الرقــم القيــاسي






















.