يا عين هلي صافي الدمع هليه

[ام المقداد]

السلام عليكم ورحمة الله وبركاته..
اثناء تنقلي وترحالي بين المنتديات
وقعت عيني على هذه القصيده المعروفه..
الجديد علي هنا هو قصتها واللتي احببت
ان تشاركوني جمال الحزن في ابياتها..

يا عين هلي صافي الدمع هليه
واليا انتهى صافيه هاتي سريبه
يا عين شوفي زرع خلك وراعيه
شوفي معاويده وشوفي قليبه
من أول دايم لرايه نماليه
واليوم جيتّهم علينا صعيـبه
وان مرني بالدرب ما اقدر احاكيه
مصيبة يا كبرها من مصيبة
اللي يبينا عيت النفس تـبغيه
واللي نبي عيا البخت لا يجيبه
الصراحه محزنه جدا..
وهنا قصة القصيده..

ومناسبة القصيدة

انها كانت تعيش مع زوجها عْبود بن علي بن سويلم
وقد وقع بينهما خلاف ادى الى طلاقها طلاقاً لا رجعت فيه

وبعد طلاقها تقدم الكثير طالبين الزواج منها

حيث انها امرأه جميله ومن عائله معروفه ومحافظه
وقد رفضت الزواج بعد زوجها عبود

وذات يوم كانت تسير على طريقاً يمر بمزرعة
مطلقهاوبصحبتها اولادهـــــــــا منه
وعندما مرت مزرعته رأته فوقفت على ناصية المزرعه

وانطلق الاولاد للسلام على ابيهم

وبقيت تنتظرهم الى ان رجعو من ابيهـــــــم
فأخذتهم واكملت مسيرها

وقد تذكرت ايامها معه وتذكرت من تقدم الى خطبتها
بعدطلاقها ورفضها له

فقالت هــــــذه القصيده الّتي اصبح اخر بيت فيها
مثلاً دارجا يقال حتى الان ...
الشاعره هي نوره الحوشان

[~§(عطر الحكي)§~]

اللي يبينا عيت النفس تـبغيه
واللي نبي عيا البخت لا يجيبه

هذا البيت اصبح مقوله مشهوره تتناقلها العرب

لاعدمنا نقلك وحروفك لكن لم تكوني أمينه *_*
فقد ضلمتي حرف الحاء في اسمها

ويقال انها من سدير وترجع إلى قبيله العوازم

[ام المقداد]

شكراً عطر الحكي على التنبيه..تم التعديل
وتراي امينه بس جل من لايخطئ.

[قلب أبيض]

[align=center]
سبحان الله اليوم جاني اتصال من شخص عزيز


يقول شفت أمة محمد وكلن حضر إلا إنت


فجلست أرفع ضغطه ( أغلس ) عليه


وأردد عليه هالبيت

اللي يبينا عيت النفس تـبغيه

واللي نبي عيا البخت لا يجيبه


وزادت بجاحتي وقسوة قلبي

إذا أردد البيت باللغات واللهجات !

فتوعدني ( الخلوق ) بإنهاء الإتصال [/align]

[البراق999]

[align=center]مشكوره اختي الغاليه ام المقداد على القصيده والقصة وتسلمي على النقل الرائع [/align]

[خـــــــــــــــالـــــــــد]

اختي ام المقداد

قصيده جميله وقصه مشهوره و مؤثره

كل الشكر لاضافتها هنا لنشاركك الاعجاب فيها

[ام المقداد]

اقتباس: سبحان الله اليوم جاني اتصال من شخص عزيز يقول شفت أمة محمد وكلن حضر إلا إنت فجلست أرفع ضغطه ( أغلس ) عليه وأردد عليه هالبيت اللي يبينا عيت النفس تـبغيه واللي نبي عيا البخت لا يجيبه وزادت بجاحتي وقسوة قلبي إذا أردد البيت باللغات واللهجات ! فتوعدني ( الخلوق ) بإنهاء الإتصال

هاااااااااااه افطن لروحك ياقلب ابيض ترى من تغلى يخلى
ولو كان بالحيل غالي
شكرا لمرورك العطر.

[ام المقداد]

اقتباس: مشكوره اختي الغاليه ام المقداد على القصيده والقصة وتسلمي على النقل الرائع

مرورك هو الرائع
شكرا لك اخي البراق..

[ام المقداد]

اقتباس: اختي ام المقداد قصيده جميله وقصه مشهوره و مؤثره كل الشكر لاضافتها هنا لنشاركك الاعجاب فيها

اشكرك جزيل الشكر اخي خالد
مرورك اسعدني.

[عيون الصقر]

تسلمين يام المقداد على هالذائقة الطيبة

القصة والابيات توجع القلب والله


الا وينها تجي تشوف وش صار

[ام المقداد]

اقتباس: تسلمين يام المقداد على هالذائقة الطيبة القصة والابيات توجع القلب والله الا وينها تجي تشوف وش صار

الله يسلمك الذوق مرورك وتعليقك..
ووشلون تجي تشوف وش صار!!

[فهد الطويان]

الأستاذه أم المقداد.
.
حياكي وشرفتي الخيمة بهذه القصيدة الخالده للشاعرة نورة الهوشان رحمها الله ....
.
وإختيارك لهذه القصيدة يعبر عن ذائقة شعرية متعمقة بأصول الشعر النبطي وروعته .
.
تقبلي إشادتي وتحيتي..

[ام المقداد]

الله يحييك استاذنا الفاضل فهد الطويان
سرني مرورك وافرحتني اشادتك..
لكن هل الشاعره اسمها الهوشان ولا الحوشان..
ماودي نحرف بإسمه..
لاني نقلته الهوشان قاللي عطر انه الحوشان فعدلته..
ياليت تفيدنا استاذ فهد..

[عيون الصقر]

لما قريت وفاء نورة الحوشان تذكرت وحدة منعم الله عليها من ورى المرحوم في ايام الحداد اتفقت مع العريس الجديد على يوم الملكه واشترت غرفة نوم جديدة حسب ذوقه واختارت الوان الستائر وفصلت الفساتين وتزوجت باول اسبوع من نهاية فترة الحداد ، كنت يام المقداد ابغى وفاء نورة الحوشان يجي يشوف النكران المستعجل.

[ام المقداد]

اقتباس: لما قريت وفاء نورة الحوشان تذكرت وحدة منعم الله عليها من ورى المرحوم في ايام الحداد اتفقت مع العريس الجديد على يوم الملكه واشترت غرفة نوم جديدة حسب ذوقه واختارت الوان الستائر وفصلت الفساتين وتزوجت باول اسبوع من نهاية فترة الحداد ، كنت يام المقداد ابغى وفاء نورة الحوشان يجي يشوف النكران المستعجل.

هلا عيون الصقر..
اشكرك على التوضيح اخوي الكريم..
صحيح ان الزواج حلال محله الله ولو كانت عايشه
بمال الزوج السابق هذا من حقوقها..
لكن هالاستعجال الغريب وبوقت الحداد!!
فعلا يخلينا نقول وين لو ذرة وفاء لذكراه..
على الاقل احترمي ايام الحداد..وبعدها تسوي اللي تبي..
الناس اجناس لاتستغرب وعش رجبا ترى عجباً..