لماذا يوم الجمعه ضيقة صدر .. انت مثلي؟؟

[عيون الصقر]

السلام عليكم

مافيه شك يوم الجمعه يوم خير وبركه وعيدالمسلمين وفضيل واجازه ماقلنا شيء
لكن ياجماعة الخير اسمحولي افضفض شوي بالقصيمي الفصيح وياليت لو شاركتوا معي الكلام عن يوم الجمعه هاليوم المصخن للاسف كل عذروب بهاليوم وراه يوم الجمعه دايم (حر ، قوايل ، غبرات ، عج ، كتمه ، ضيق ، فضاوه ، كسل ، تسدح ، وقت اقشر ، اكثر المشاكل تصير به لان المزاج مقفل وبسرعه تنطقر ، من بكرى عمل او مدرسة وزمل ، عدم فايدة ، ماتقدر تكشت ولا تسافر ، خساير بالوقت والمال) وباسباب انه اجازه هو والخميس حنا الوحيدين بالعالم اللي نكون بالمعمعه ثلاثة ايام بالسبوع بس لاصرنا خميس وجمعه وباقي العالم سبت واحد مانتلاقى الى ثلاثة ايام هالشيء مهب خسارة يعني ماله مردود يخسر ويعطل مصالح ، ولو ابتل اقولكم مشاعري اللي مهب طيبه تجاهه ما الحق جزاء كتمته على صدري ماعمري صرت مستانس به ابد واللي مايصدق يقارنه بيوم الخميس طيب الذكر اللي كله سعة صدر وفلة حجاج انا ما ادري وش السبب انتم مثلي ياجماعه والا انا بس احس ان يوم الجمعه مهب مريح لي ابد ابد

ادلو بدلوكم بارك الله فيكم وافيدوني افادكم رب العباد وحفظكم من كل شر :

* شعورك عن يوم الجمعه وشلون مزاجك بصبحه وعصريته تكفى انت مثلي ، هل شعورك بيوم الجمعه مثل بقية الايام؟

* وش السبب ؟

* هل تؤيد ان يوم الجمعه يتغير بالنسبة للاجازه ؟

* هل تغييره يبي يحل المشكله يعني يخلينا نحبه عشان فضله الكبير ونعطيه حقه من العبادة والتمتع ببركته ونفرح به؟


سلام عليكم

[عبدالله30]

هلا باخ الكريم00عيون الصقر00



والله انت متحامل على الجمعة00

والله مهضوم ذاليوم00بالعكس انا احب يوم الجمعة 00واغير فيه نظامي راسا على عقب 00

يكفي ان فيه صلاة الجمعة وش حنا لولا الصلاة ؟؟

ولا اخفيك ان عيبة انه بكرا دراسه أو عمل بس هذي الحياة كذا0

انت ذكرتني بواحد يقول00

اكره شيء عندي يوم الجمعة بالليل يعني ليلة السبت جالس بالبيت وفيه مباراة الشباب والوحده !!!

عيون الصقر 00العيب مو بالجمعه العيب بالسبت00يعني ليلة الجمعة روعه0


تحياتي لك0

[الoــjيـــــع]

السلام عليكم

قلت ياعيون الصقر

يوم الجمعه ضيق صدر وكسل


هذا يمكن يرجع لنفسك بالعكس يوم الجمعه افضل ايام الاسبوع في ساعه مستجاب فيها الدعاء
بس الشيطان حريص


لا كن انت تفكر في يوم السبت صح وما فيه من ضيقت صدر على قعودك على الكرسي

فيه دعاء اذا قلته فرج الله همك

وهو (عن عبدالله بن مسعود ـ رضي الله عنه قال قال رسول الله ـ صلى الله عليه وسلم ـ " ماأصاب أحد قط هم ولا حزن فقال : اللهم إني عبدك غبن عبدك غبن امتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو علمته أحد من خلقك أو انزلته في كتابك أو استأثرت به في علم الغيب عندك ان تجعل القرآن ربيع قلبي ونور صدري وجلا حزني وذهاب همي إلا أذهب الله همه وحزنه وابدله مكانه فرحا"


قل هذا الدعاء وماجاك عليك

[تاج القصيم]

[align=center]عزيزي الكريم
أعتقد أن يوم الجمعة من أفضل الأيام كراحة للصدر لمن عرف قدر هذا اليوم وفضله وأنا من الذين أحس براحة وطمأنينة لأن في هذا اليوم ولله الحمد فيه صلاة الجمعة التي فيها من الخير الكثير وفيه أفضل الأوقات ألا وهو قبل المغرب وفي الأول هو عيد المسلمين فمثل مايسعد غير المسلمين بالسبت والأحد فيجب علينا أن نسعد أيضا بيومنا الخاص ولكي تعي قدر هذا اليوم إسأل أحد الموظفين الذين يداومون يوم الخميس وأود أن أنصحك بأن تعي لصلاة الجمعة باكرا وتحاول أن تدع وقت العصر لزيارة أقاربك وزملائك والمرضى في المستشفيات وتبحث عن جنازة لتصلي وتتبعها وستجد أن هذا اليوم من أسعد أيامك وستنتظره دوما !!
أخي الكريم أتمنى لك حياة سعيدة بعيدة عن الهم والأحزان 000
تحياتي[/align]

[همسة غلا]

[grade="8B0000 DEB887 FF4500 F4A460"]أنا عن نفسي ..
أثقل يوم عندي يوم الجمعة سبحان الله
عشان بكرى يصير داوم هذا أولا
ثانيا
إنه بعد أحسن يومين عندي الخميس والإربعاء ....

و غالبا مايصير الشغل كله مأجل ليوم الجمعه بحكم إن أيام الإسبوع الباقي كلها دوامات ماعدا الخميس ويصير فيه طلعات اما الجمعة مافيه لاطلعات ولا روحات ولا جيات
فيوم الجمعه أستغفر الله ثقيل دم .. ووقته ضيق
ومدري شلون يصير كذا
مع إننا والله إننا نصلي به وندعي به ونقرا قرآن بس غصب لاتذكرنا إن بكرى يوم السبت ننغث
وعلى قولة الشاعر ..

يضيق صدري لاطروا ليلة السبـــت .. ليت الليالي كل ابوها ربووووعي ... [/grade]

[هامة حاسوبية]

[align=center].
.
.
.[/align][align=center]

اقتباس:  المشاركة الأصلية كتبت بواسطة عبدالله30     عيون الصقر 00العيب مو بالجمعه العيب بالسبت00يعني ليلة الجمعة روعه0

[/align]

[بندر الحمر]

السلام عليكم ورحمة الله وبركاته

أخي الغالي أعتقد بأنك موظف وهذا سبب رئيس لهذا الكره العظيم ليوم الجمعه

فدائما يوم الجمعه يوم جميل ومهيأ نفسيا للعباده

لكن أعتقد بأن ما بعد الجمعه هو ذلك اليوم الكئيب ((يوم السبت))

فلو تكلمت أخي عن يوم السبت فهو بالفعل اليوم الردييييييييييييييييئ

أشين يوم يوم السبت

شكرا لك أخي الغالي على طرحك

[عيون الصقر]

اقتباس:  المشاركة الأصلية كتبت بواسطة عبدالله30     ولا اخفيك ان عيبة انه بكرا دراسه أو عمل بس هذي الحياة كذا0 انت ذكرتني بواحد يقول00 اكره شيء عندي يوم الجمعة بالليل يعني ليلة السبت جالس بالبيت وفيه مباراة الشباب والوحده !!!

اشكرك عبدالله ادليت بدلوك واعتبرك وافقتني بواحد من صخاينه تقول عيبه بكرى دراسه اوعمل يعني مزاجه مش ولا بد

ورفيقك ماينلام فعلا دائماً حتى مبارياته المنقوله مثله بالضبط ، بعد كان السهره فيه سباق خيول تفتح على ابوحافر من اخبار التاسعة والنصف خخخخ حتى منتصف الليل.


يسلملي هالطله

[عيون الصقر]

اقتباس:  المشاركة الأصلية كتبت بواسطة الoــjيـــــع     هذا يمكن يرجع لنفسك بالعكس يوم الجمعه افضل ايام الاسبوع في ساعه مستجاب فيها الدعاء بس الشيطان حريص لا كن انت تفكر في يوم السبت صح وما فيه من ضيقت صدر على قعودك على الكرسي

لاخلاف اخي الكريم في فضل يوم الجمعة نحن متفقين على هذا الشيء نتكل عن وقت يوم الجمعه الضيق وان الواحد مايستفيد منه واغلب وقته في البيت او خروج بدون فائدة والشيطان ماله دخل في هذا الامر الحمدلله نحن نقرأ القرآن ونصلي ونؤدي عباداتنا وندعوا ونستمتع بروحانية هذا اليوم لكن يظل مزاجه مش ولا بد خل عنك وانت وصلت الى احد الاسباب وهو التفكير بيوم السبت.

لكن ترى اي واحد يمدح وقته مستفيد منه تلقاه ماعنده لادوام ولادراسه او انه يبيع ويشري بالحمام والدجاج او حراج المقاصيص.

[عيون الصقر]

اقتباس:  المشاركة الأصلية كتبت بواسطة تاج القصيم     [align=center] وأود أن أنصحك بأن تعي لصلاة الجمعة باكرا وتحاول أن تدع وقت العصر لزيارة أقاربك وزملائك والمرضى في المستشفيات وتبحث عن جنازة لتصلي وتتبعها وستجد أن هذا اليوم من أسعد أيامك وستنتظره دوما !! أخي الكريم أتمنى لك حياة سعيدة بعيدة عن الهم والأحزان 000 تحياتي[/align]

ياهلا بالغالي تاج القصيم وكلامه الرائع الحمدلله احرص على البكور لصلاة الجمعة واقوم بواجباتي الدينية في ذلك اليوم الفضيل لكني ومثلي الكثير نقوم كذلك بواجباتنا الاجتماعية من زيارات ومناسبات الاربعاء والخميس وعادة الجمعه ركود وانا اتكلم عن نقطة الركود بصبح الجمعه والعصر والمغرب والعشاء حتى التلفزين ياسباق خيول يامبارات الوحده والشباب يعني .
ويين تبين الله يسلم عمرك اروح للمستشفيات والاحق جنايز .. انا ناقص والله هالمناظر مايحد عليهن الا الحاجه بس.

اشكر تمنياتك الطيبه وابادلك المشاعر والدعاء الصادق


تاج القصيم .. فعلاً تاج القصيم الله يحفظك

[الظـــامي]

[align=center]
عيون الصقر ..

أهلالالالالا بك ..

مع الأسف ..

فعلا شعور ينتاب البعض ...

من الخطأ تحميل الجمعة ذلك الشعور ...

الشعور الحقيقي وكما قال بعض الإخوة هو قرب السبت ..

ولو كانت الإجازة يوم السبت لكان هو اليوم الكئيب في نظرهم ..

وفي كل الحالات ليس من المقبول للمسلم سب الأيام والتضجر منها حتى ولو شعر بذلك ..

فيوم الجمعه من الدهر والله هو الذي يدبره كيف يشاء ... فقد يكون ذلك من سب الدهر ..

علما أنني أثق بمشاعرك كرجل مسلم ولا أشك في ذلك ..

أتمنى أن تكون مشاركة الزملاء قد غيرت من مفهومك وإحساسك ..

شكرا لك ... حيث منحتنا فرصة مشاركتك ...

تقبل ودي ...

الظـــامي ...

[/align]

[الرمادي]

اخي العزيز عيون الصقر


بالنسبة لي اشعر بالملل والكآبة من ذلك اليوم

السبب هو ضيق الوقت في بدايته وعدم الأستفادة من نهايته

فإغلاق بعض المحلات والمكاتب والكثير من الجهات التي نحتاج إليها اعتبره سبباً مباشراً لضياع الوقت دون الأستفادة منه في ذلك اليوم

فأحيانا يكون لديك الكثير من الأمور التي تريد انجازها لكن يقف في وجهك عبارة ( اليوم جمعة ماتلاقي أحد )



اعتقد ان هذا اهم اسباب اختلاف ذلك اليوم عن غيره




تقبل تحياتي ,,,

[عيون الصقر]

اقتباس:  المشاركة الأصلية كتبت بواسطة همسة غلا     [grade="8B0000 DEB887 FF4500 F4A460"] أنا عن نفسي .. أثقل يوم عندي يوم الجمعة سبحان الله وفيوم الجمعه أستغفر الله ثقيل دم .. ووقته ضيق وعلى قولة الشاعر .. يضيق صدري لاطروا ليلة السبـــت .. ليت الليالي كل ابوها ربووووعي ... [/grade]

ليت الليالي كل ابوها ربووووعي

صح لسان الشاعر ولاهنتي على هالمشاركة اللي تطيب الخاطر جت صافية في وقوفها معي وعبرت عن مكنون صدري بانه يوم ثقيل دم استغفر الله

الله يحفظك ويخليك على الراي السديد والصريح

[عيون الصقر]

اقتباس:  المشاركة الأصلية كتبت بواسطة umomar7     [align=center]. . . .[/align][align=center][/align]

واللذي امر ام موسى ان تلقي وليدها باليم ان الموضوع منور بحضورك يام عمر بس حرمتينا من فضفضتك المعهودة والعوض بالمشاركات القادمة رايك مطلوب من قسم الاقتراحات والشكاوي حتى القسم الاسلامي مرورا بكل الاقسام حفظك ربي من كل شر ودمتي قلماً متميزا وحضورا مبهرا بعطائك المشكور اخيتي الكريمة.

[ĶЧλ£Σď]

نتمنى تكون اجازة الأسبوع جمعه وسبت