فأحببت أن أنقل لكم بعض من الصور أتمنى أن تحوز على رضاكم
والكاميراء SONY-H1
في بداية الأمر أشار أحد الأخوة وقال :
وراه ماتلقط للنورس صوره ...
قلت والله فكرة وماسبق لي أن جربت أصور شيء يطير
وبديت أجرب والحمدلله تجربه والأخرى ونجحت
فأعجبتني الفكرة وأستمريت فخرجت بثلاث صور نالت إعجاب صديقي
فقلت نشوف رأيكم فيها يمكن صديقي ماعنده ذوق >>> بالعربي يحتاج شغف !!
وأنا بكل صراحه تعودت أشاوركم وأخذ بذوقكم >>> شحطه
وهذي الصور يا أفندمين
وهذي الثانيه شوي ويطلع النورس صقر !!
طائر النور حلق حلق ... وبجناحيه صفق صفق
عاد هذي مع البيعه
وهذي
[line]
عاد الجبيل منطقة فيها مناظر كل واحد يقول أنا أطلق من الثاني
وأنا أنشحطت مع أخوياي وبديت كل شيء أصوره
حتى توقفنا في أحد الأماكن ونظرت إلى المسجد الذي توقفنا أمامه
فوجدت أن الشمس قد أزفت على الغروب
فقلت خلني أطق له صورتين وصوره هنا وصورة بوضعية مختلفه
فطلعت بصور غروب رائعة يمكن أول تطبيق ناجح من البداية لتصوير الغروب لي كانت تلك اللقطتين
لكن يوم أطئفت الكاميراء ووضعته بالسيارة
توقفت سيارة شرطة ونظر إلي نظرة غضب
وقال هات الكاميراء وتعال
حملت الكاميراء وذهبت إليه وبدائت بالسلام وتبسمت لكن ظل وجهه شاحب
وقال وش عندك تصور هنا
قلت أبد والله أصور المسجد ليش فيها شيء !!
قال ماتدري إن تصوير الأماكن العامه (ممنوع)
ضحكت وقلت تراي أصور مسجد يالغالي
قال أيه مسجد ... مكان عام ممنوع تصوره
قلت يارجال اللي يبي يصور لهدف معين ماهوب قاعد يصور مسجد هذا أولاً
وثانياً هناك كاميرات تستطيع أنها تصور أماكن حساسه اذا كانت تستهدف شيء معين مو صورة لغروب شمس وبعدين يالغالي الكاميرات الحين صارت سهله وبأمكاني أصور أي شيء أبيه ويكفيك كاميرة الجوال وغيرة !!
قال صادق بس هذا (القرار) جايني ولازم تنتبه له وعندنا ممنوع !!
قلت أبشر تبي أمسحها علشان ترضى
قال لازم تمسحها ايو الله هذا النظام !!
وانا جالس أمسح الصورتين
أشوفه يراسل العمليات ويقول لهم (المشتبه ) وضعه طبيعي والصور شخصيه وماأشوف فيها شيء
ضحكت أنا
وقلت صرنا مشتبهين ياولد
وقلت شف عاد
أنا عضو بجمعية أصدقاء الضوء
وانت ان شاء الله تعرف وش كان قصدي من التصوير
قال هذا (النظام)
وجلس يمكن 20دقيقه يتفرج على الصور اللي انا صورتها وكلها كانت مابين صور للواجهه البحريه وصوري مع اصدقائي وحنا جالسين وكان بأمكاني عدم استعرضه لكن قلنا علشان الواحد يصير نظامي وماشي صح ويحترم (قرارات) الشرطه
وقال شف الواجهه البحريه عادي صور بيديك ورجليك بس أي منطقه عامه أو دائرة حكومية أوسوق تجاري ممنوع تصوره...
قلت ابشر !!
قال هات البطاقة ...
قلت ماخلصنا !!
قال لازم نتأكد منك!!
عطيته البطاقه وسجل الاسم ورقم البطاقة !!
وقال لاتصور اللي قلتلك !!
قلت خلاص طابت النفس أبدخل الكاميراء ولا عاد مطلعه مرة ثانيه !!
عاد لو انا أمريكي ولا بريطاني ولا أجنبي من دول الغرب !!
واللي قاعدين قدامي يصورون عيني عينك ويصورون اللي ماينتصور كان إنك تقول شيء لهم أو تمنعهم ياويلك ياسواد ليلك
بس لأني شاب (طموح) صاحب (هواية) شريفه يطبق عليه (النظام) على تصوير المساجد يؤخذ أسمك وتكون (مشتبه) بعد!!
اولا صدقني تصلح تكمل الثنائي كرباج و بريماكس بخفه الدم ظرافه المشاركه و تصيرون الثلاثي المملوح قسم ان يتسدحون الاعضاء عند باب المنتدى من الضحك و فيك ميزه زيادة على خفة الدم اسلوبك اللي يفطس <<<<< يفطس من زينه مب من شينه وهي انك تجيب جمله بالفصحى اللي متعوب عليها ....
ياخي أنتبه ترا النظام في خدمة الشعب لاتغلط عليه وتسب النظام لأنك مخالف لأنظمة الأقامة والأذان !!
وعلى قولتك نبي نصير من اليوم ورايح حدي تصوير غربان وبط ودخل
تحياتي لك
[line]
إماراتيه والنعم
الله يعافيك يارب
وشاكر لك مرورك
وعادي كلن بهالدنيا لازم يمر بمواقف مثل كذا تجي وتروح بسلامه وتبقى ذكرى مخلدة
تحياتي
[line]
خـــــــــــــــالـــــــــد
هلا والله بالغالي
اقتباس:
اولا صدقني تصلح تكمل الثنائي كرباج و بريماكس بخفه الدم ظرافه المشاركه و تصيرون الثلاثي المملوح
بريماكس يمكن لكن كرباج صعبه مافيه أحد يجاريه بالاسلوب المرح !!
اقتباس:
قسم ان يتسدحون الاعضاء عند باب المنتدى من الضحك و فيك ميزه زيادة على خفة الدم اسلوبك اللي يفطس <<<<< يفطس من زينه مب من شينه وهي انك تجيب جمله بالفصحى اللي متعوب عليها ....
شف فيه اللهجه العاميه وفيه اللهجه الفصحى
أنا بطبعي معتدل أحب الوسطيه والاعتدال
فلذلك تجد (قلما) يتبلور الحديث في أن يمتزج بالعاميه المقننه بالفصحى
::..الطيور على أشكالها تقع..::..النورس + عصفورين بحجر..::
العرض العادي
