حريمنا لاطبخ ولانفخ .. نوم وفلاح !!

[ثامر الناصر]

[align=center]السلام عليكم

الحقيةق الملاحظ هذه الايام وخاصة في الزواجات الاخيرة لشباب وبنات هالوقت ..

هو ان المرأة لاتدخل المطبخ الا للضرورة وليس للطبخ انما اشياء اخرى .. وعلى ذلك تم اتهام بنات هالوقت كما يقولون بالعجز وعدم المعرفة بالطبخ مقارنة بنساء الماضي اللي ماشاء الله عليهن بس ..

حيث ان بنات الوقت يعتمدن على الطبخ ( هذا ان طبخن ) على الاجهزة التي تساعد على الطبخ مثل المايكرويف والاشياء السريعة .. ولكن لاتحاول ان تطبخ طبخات عليها العلم مثل حريم اول !!

وبعضهن ياويلي يعتدمن كليآ على الـ ( خدامة ) في كل شي .. لكن اذا كان تكليف الخادمة بالطبخ على حساب اشياء اخرى مثل تعليم اابناء وتدريسهم او تنظيف المنزل هنا يكون التكليف للخادمة شي جيد ..

اما غير ذلك من اهمال دخول المطبخ واهمال لزوجها وابناءها في الاكل والمعروف هنا ان الزوج والابناء يحبون ان يأكلوا من يدين امهم وهذا المتعارف عليه .. لكن يلاقون سهجآ من الام للاسف !!

السؤال هنا .. هل المرأة التي لاتدخل المطبخ تعتبر ناقصة او بمعنى اقوى ( ليست بأمرأة ) !!؟؟

ودمتمـ[/align]

[بندر الحمر]

السلام عليكم ورحمة الله وبركاته

نساء الوقت أصبحن نساء الريموت

لا وإطلع شوي غريب تلقى الحريم معهن الأرقيله ((الشيشه)) يشيشن وينفثن بوجهك بعد

ونساء هالوقت يا سلطانكو همهن ملاحقة الموضات

وبعضهن ودهن يسوقن جيب ربع

ماودي أهضم حقوق الرجل وأقول حريم أول مثل رجال هالوقت

شكرا لك اخي سلطانكو

[DeWDrOp]

هههههههههههههههههههههههههههههههههههههههههههههه اعجبني السؤال الاخير


المراة بانوثتها مب بطبخها ورسالة المراة تدور حول الامومه ورعاية الزوج مب الطبخ والنفخ


طيب والرجل مايقوم بااعمال الصيانه بالمنزل ليش ماتقول هالشئ ينقص من رجولته !!!



مو حلو ان الوحده تكون جاهله مره بالطبخ


بس مب شرط ان الوحده تدفن نفسها بالمطبخ

خصوصا ان مجالات اثبات الذات الحين صارت اكثر

[شقرديه]

يعجبني رد قطرة ندى

اقره مرة وثنتين وانت تفهم انه انتهى عصر ((انا شغالتي ما تدخل المطبخ))

خل الشغاله تطبخ وانا اثبت مكاني ووجودي بموقع آخر موقع ما يكون لكل أحد ولا هو لأي احد

بدل ما اضيع وقتي على شيء ممكن اي تاء تأنيث تتقنه

تحياتي

[العبرى]

المرأة مرأة طبخت ولا ماطبخت

وعن نفسي مستعدة أطبخ وأطبخ وأطبخ..

بس أبي أحد يغسل الصحون وراي!!!!!!

[ثامر الناصر]

مشكور فيمتو ..

بالفعل الله يستر من نساء هالوقت والله ..

لكن لااهضم حق البعض الاخر عيني عليهن باردة والله

ودمتمـ

[ثامر الناصر]

قطرة ندى .. شقردية ..

بما ان فكرتكم واحدة انا لااقول ان تدفن نفسها بالطبخ والنفخ لكن من حق الزووج ان يتلذذ بطبخ زوجته ونفخها اليس كذلك

ومن حق الابناء ايضآ كذلك ان يتمتعوا بطبخ امهم ..

لكن نعم ليس كل وقتها يكون بالطبخ .. طبيعي ان يكون لها اشياء اخرى كالرعاية والتنظيف وغيره

لكن انا اقول لابد من اكمال مسيرتها بالبيت بالطبخ

العبري ..

الغسيل قريب .. بس وين الطبخ ههههههههه

ودمتمـ

[مغرورة لكن معذورة]

ســــــــــــــــــــــــلام
اولاُ ليش التعميم والله مو كل البنات .
والله الطبخ والرعاية وان الحرمة تكون حرمة يرجع اولا واخيرا لزوجها وانا مجربة اول زوجنا (( يقالي طافه )) بالبيت والمسؤليه لكن صابني أحباط شديد والسبب زوجي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
مايبغا ياكل الطبخات ( السعودية والخليجية والسورية وحتى الصينية ) قولو لي وش أسوي بذا الرجال اذا بغا ياكل قال سوي اندومي ؟؟؟؟؟؟
لدرجة اني اسوي حلى وطبخات واخذهم معي للمدرسة .
واكلم اخواني علشان يشون عزايم .

قبل لاتكلم شف وش الرجال ثم أحكم ياخفيف وش يقول المثل (( الفرس من خيالها والمره من رجالها ))

ودمت أخي المتعصب لمعشر الرجال (( ورجال ذا الوقت ماعندك أحد ............ برحة ))

[DeWDrOp]

والله ياسلطانكو


كم بالميه من الازواج السعوديين يمتدح طبخ زوجته؟؟؟



اعرف عروس ياعمري زوجها يقول الغداء مافيه ملح تقوله الله يسلمك تحسبه يقصد ان ملحها يكفي


اخر شي هاوشها


وهم بشهر العسل

[ثامر الناصر]

اختي معذورة ..

شكرا لمروركم الرائع ..

انا لااعمم انا اقول بنات هالوقت والكثير منهن الحقيقة مثل هذه النوعيات ..

اما من ناحية احباطك من الزواج هذا ماهو عذر لي كزوج انا ان اخلي الشغالة تطبخ لي !!

اختي انا مو متعصب .. لكن الواقع يفرض نفسه احيانآ ..

والا في موضوع لي سابق مدحت النساء في العمل وانهن اكفأ من الرجل ,.. وين التعصب !!؟؟

ودمتمـ

[ولد الغيثي]

[motr1]ناقصصصصصصصة[/motr1]

[ثامر الناصر]

اقتباس: ناقصصصصصصصة

عزيز اتمنى التوضيح لمقصدك هنا !!.. او ماودك تجرح البنات

ودمتمـ

[البرحيه]

بما ان اغلب الشباب ميتروسيكشواليتيييين ابد مهي صعبة علية يتعلم
الطبخ والنفخ بصراحة اسهل من كثير شغلات تخص البنات وتعلموهم


الصدق عاد لكل زما ن حريمة ورجالة:b3
ترى الطبخ عادي مرتين ثلاث اربع خمس ست سبع ثمان تسع العاشرة تحترف

شكرا

[ثامر الناصر]

اقتباس: والله ياسلطانكو كم بالميه من الازواج السعوديين يمتدح طبخ زوجته؟؟؟ اعرف عروس ياعمري زوجها يقول الغداء مافيه ملح تقوله الله يسلمك تحسبه يقصد ان ملحها يكفي اخر شي هاوشها وهم بشهر العسل

قطرة ندى .. ربما ليش لا مثل هذه الاشياء انها تحدث .. !

ربما ان الزوجة تكون طبخها غير جيد هل تريدين الزوج بلعب عليها وعلى نفسه بمقولة طبخك حلو !!

بالطبع لا


البرحيـــة ..

شكرا لمروركم .. نعم ماهي بعيدة نتعلمها لكن .. ماهي لنا الشغلة ابدآ ههههههههه

ودمتمـ

[~مجنونه*بس*حنونه~]

وانتم تسدح وتبطح هاللحين تلومون الحريم ونسيتوا انفسكم الواحد فيكم لا طلبت منه امه والا اخته والا زوجته مشوار طلع روحها قبل لا يطلع فيها وبالاخير يجيبون سواق انا اعرف وحده عندها ماشاء الله 8 عيال ولا واحد فيه خير وجابت ولد الدراهم لا خلا ولاعدم



الاحوال اللحين تغيرت صاروا عيال وحريم الفلوس هم اللي يديرون شؤون البيوت فيا معشر الرجال شوفوا انفسكم وعدوا اغلاطكم قبل لا تحملوننا كل شيء لا قلنا لكم شي قلتوا مانيب سواق اجل حنا بعد محنب شغالات عندكم؟؟؟؟؟؟؟؟



والله المستعان