أي الأطفال كنت ؟؟

[موج البحر]

يختلف الاطفال في سلوكهم وتصرفاتهم ونفسيتهم ..

لذلك .. هناك نماذج مختلفه من الأطفال كنا في يوم من الأيام مثلهم ..




الطفل البريء


في المنزل تجده حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..







الطفل العنيد



يطبق نظام البيت بالعناد .. يسوي اللي براسه ..

مايخاف من الأب أو الأم .. لو قلت له هذا خطر لاتقربه .. عناد فيك يسويه ..

يُــضرب كثيراً في طفولته .. ومع ذلك عنيد مايغير رايه ..





الطفل الحنّـان


يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر ..





الطفل المادي



هذا الطفل مايرد السلام الا ( بفلوس ) ..

تعامله مع اهل المنزل .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..





الطفل الفتّــان



تجد عند هذا النوع جميع اخبار المنزل ..

يجد المتعه في اذلال غيره بالفتنه عليه .. ماله خاتمه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية .. في الجريدة الرسمية ..






الطفل الدلوع



هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..







الطفل العله




يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..






الطفل الداج



هذا الطفل مستحيل يجلس في المنزل ..


يعيش في الشارع اكثر من بيته .. خبره ودليل في كل ممر وطريق ..


يعرف طول الشارع بالسنتيمتر .. من الممكن ان يصبح اذا كبر مهندس طرق ..








الطفل الملسون




يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. من الممكن ان يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..








الطفل اللزقه



تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..








الطفل الهادي



هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..







الطفل القوي



اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..





بصراحه .. اي الانواع كنتم



يالله طلعوا الفضايح

[د . سداح]

[align=center]بصراحه النوع الأول[/align]

[موج البحر]

[glow1=000000]مشكور على مرورك اخ سداح


اجل غريبه مو باين على وجهك اثر القراميع[/glow1]

[الخيّال]

انا اصلن الحين طفل بس الي مره يوم كنت مره صغير اول مادخلت المدرسه صف اول الله لا يوريكم صياح

وذا إذا جيت لم البيت انهبل استانس وناسه ولا إذا قالت لي امي بكرا الخميس مافيه دراسه اصيح من الوناسه

بس مادري انا اي واحد اتوقع الأول

[الأميره الناعمة]

طيب عادي البنات يقولون من اي الاطفال كانوا
لانه احس السؤال موجه لتماسيح

[موج البحر]

[glow1=000000] مشكور على مرورك اخ المهبول[/glow1]

[موج البحر]

[glow1=000000] ايه عادي يالاميره الناعمه[/glow1]

[..أم نايف..]

نص هالصفات بي ..


الطفل الحنّـان


يستخدم وسيلة الحنة لتلبية رغباته

له نغمه خاصه في المنزل ..

تلبى رغباته كـُرهاً .. يعانون اهله من الصداع المستمر <<<<افا عليكم للحين الحنّــه موجووودة



__________________________________________________ ________________________

الطفل اللزقه



تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

يـُـضرب كثيراً .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من نافذة المنزل للهروب منه ..

ولكن للأسف يجدونه بانتظارهم في السيارة ..ويسألهم ليش تأخرتوا عليّ ..<<<وحتى ذي والله حرمه ما اعرفها تلقاني مبسطة جنبها العب بشنطتها واحوس وافتش وهي منهبله تقول وش ذا اللي جنبي ..


__________________________________________________ ______________-

الطفل الملسون




يستانسون اهله على سوالفه .. فصيح جداً .. <<اما فصيح ماصدقت

ويلقط العبارات والمفردات بسرعة مذهله ..<<اي والله

يسبب احراج دائم لأهله .. من الممكن ان يقول كلمة بالغلط للضيوف او الاقارب ..
<<<هي بس للاقارب والضيوووف الا لكل العالم

يتميز احياناً بقلة الذووق والوقاحة اذا انفعل ..<<هاا عاد ذي ماهي عندي

لاينصح بأستفزازه ابداً ..<<< ههههههههاااي

__________________________________________________ ________________________
الطفل العله




يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها .. <<


ويسلمووووووووووووووووووووووو على الموضوع اللي يفلق الصخر ....

دمــــــــــــــــــــــــــ ت ــــــــــــــــــــــــــــــــــم ... سالمـــ ي ــــن..

[موج البحر]

[glow1=000000]مشكور على مرورك اخت ام نايف [/glow1]

[ملك الاحساس]

بصراحة النوع قبل الاخير

[ღ أحلى غرام ღ]

الطفل الدلوع ...


لأن الدلع للأطفاااااااااااااااال لة طعم خاص ... وماتمشي الا على الأطفال .... الكبارين لا يدلعون ترى مافيهم ملح لو يبتلون يدلعون ..




شكراً أخوي موج البحر .. تقبل مروري وخالص شكري

[دلووعة بريدة]

انا الطفله الهاادي +المضحكه

[ام شوشة]

انا ام شوشه ما لقيت ولا نوع يناسبني من هاذي الانواع ....
انا مسالمه ..وديعه ..وكريمه ووفيه وفي نفس الوقت قويه الشخصيه ..دايم اصير المديره اذا لعبنا مدرسه ...
وكل الاطفال يحبوني ويدورون رضاي واللي ازعل عليه ما اكلمه يروح يصيح عند امه خخخخخخخخخخخخخخخخخخخ
وسلامتكم ............................هههههههههههههههههههههه ه هههههههههههههههههههههههه

[نـدى الورد]

الطفل الدلوع



هذا دلوع ماما وبابا .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..
.................................................. ............

بس مو مرة عاد الدلع فيني

[مبحوحة الصوت]

اقتباس: الطفل الدلوع هذا دلوع ماما وبابا .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً ..

هذا نوعي وللأسف للحين انا اتكاليه



تشكرات خيوو على هيك موضوع