[align=center][/align] [align=center] السلام عليكم ورحمة الله وبركاته
. . . . .
. . .
.
طريقة رائعة للي يحبون الفن والاشغال اليدوية
واللي يحبون التميز
ويحبون انهم يعملون بيدهم ..
عملت لكم ورق تغليف هدايا من النوع اللي نشوفه بالسوق اللي يكون محشي ورق مجفف ..
زي هذي يعني ...
اول شي وش المطلوب منك ؟؟؟
1- ورق مناديل المطبخ (الروول المتين)
2- صمغ الخشب الابيض
3- ربع توله زيت عطر اي عطر لديك تفضلينه ( علشان تطلع ريحة التغليف جنااان واذا بغيتي ممكن تحطين نسكافيه )
4- مرش
5- ألوان الطعام السائلة اختاري اللون المفضل لك ( اذا حطيتي نسكافيه ما يحتاج الوان )
6- ( للزينه بين الطبقتين ) ورق مجفف او قشور بصل او خيوط صوف او قطع خيش اي شي يعجبك
7- سفرة طعام (عشان ما تتوسخ الطاولة وما تحوسين الدنيا)
9- فراادة المعجنات
10- قفازات بلاستيك ( عشان ما تتلطخ ايدينك مثلي )
معليش كثيرة خرابيطه بس الطريقة سهلة لا تخافون ..
ننتقل الان للعمل ..
اول شي تجيبين المرش وتخلطين فيه الصمغ مع مويه حارة علشان يذوب زين مع اضافة العطر واللون المفضل ..
ويرج جيدا ويترك على جنب ..
بعدين تفرشين سفرة الطعام وتضعين عليها ورق المناديل بالحجم اللي تفضلينه
على هيئة اسطر تتراكب من الجوانب بمقدار 1 سم تقريبا كما في الصورة
الحين نرش الطبقة بالخليط السابق جيدا ثم نوزع عليه الورق المجفف بالشكل هذا
ثم نضع الطبقة الثانية وتكون المناديل مفروشة بالعكس
يعني في الطبقة الاولى وضعنا المناديل بالطول الحين نضعها بالعرض زي كذا يعني ... واااضح ..؟؟
ثم نرش الطبقة الثانية جيدا ...
واخر شي نجيب الفرادة ونفرد العجينة .....قصدي التغليفة علشان يطلع الهواء اللي جوا بس شوي شوي عشان ما تتقطع
وبذلك نكون انتهينا اتركيها لتجف وشوفي النتيجة اللتي سوف تعجبك حتما ...
طبعا انا مسويتها قبل كذا طلعت خياااال بس ما صورتها
وهذي سويتها اليوم لكن اذا نشفت انشالله اجيب لكم الصورة ..
بالنسبة للموية تقريبا كل ملعقة من الغراء تضيفي لها كاس مويه وعليك الحساب ..
...........................................
على فكرة انا نشفت تغليفتي اللي سويتها وهذي النتيجة ..
انشالله تعجبكم الفكرة ...
افكار للتزيين :
ممكن اضافة قصاصات ورق على شكل قلوب .. كذلك ممكن رش قليتر بين الطبقتين ((لمعه)) .. كذلك ممكن رش كل طبقة بلون مختلف فتظهر لك التغليفة بلونين ممتزجين ..
[/align]
السلام عليكم ورحمة الله وبركاته
.....قصدي التغليفة 
علشان يطلع الهواء اللي جوا بس شوي شوي عشان ما تتقطع 
ااااتي
[/align]
العرض العادي
