اسم شغالتنا زي اسم مرة اخــوي !!!!!!!!

المجمعة ديرتي · 27-03-04, 09:27 pm

اسم شغالتنا زي اسم مرة اخــوي !!!!!!!!
جلست أمي تصارع في المطبخ اكثر من اربعة شهور مابين قدر وصحن وكاس وتنظيف وترتيب الصالة والغرف واخواتي الله من العجز تقل يمشن على بيض !! لدرجة ان امي اذا جت نلقى القدر ناشب في شيلتها والا اذا راحت لعزيمة وحكت راسها طاح من شعرها ملعقة !! المهم ماعلينا من هذي المعاناة .... نقولكم الزبدة !!
اتصلوا علي مكتب الاستقدام وقالوا ان شغالتكم السيريلانيكية وصلت وروحوا للمطار واستلموها !! فرحت امي مررررره وضحكت ضحكة بينت ضروس العقل لدرجة اني قلت لها ( يمة واللي يرحم والديتس سكري أثمتس ) !!
وصلت الشغالة بحمد لله وسلامته بعد معاناة انتظار دامت اربعة شهور ... وقالت امي هاه عاد وش اسمتس !! قلت يمه اسمها سلمى سياتورني قالت سلمى هاااو ( كلمة تعجب واستنكار وشجب يستخدمونا العجز ) والله بتزعل مرة اخوك اذا رجعت من النفاس بعد اربعين يوم وانا امك وش السواة !! قلت يمة تتوقعين عاد ترد عقلها لهالامور .. لاتصيرون حساسين مره لكل شي !!
راحت الايام .. وياسلمى جيبي الصينية .. ياسلمى صلحي القهوة ... ياسلمى نظفي الصالة .. يا سلمى كنسي الدرج !! وتعودنا على هالاسم وخذنا عليه ... لين جت مرة اخوي في البيت وانتهت مدة نفاسها !! دخلت علينا وسلمت على امي وابوي ... ومرت الشغالة من الصالة وجلست امي تشر لها بيدها ( روحي .. روحي .. روحي ) ولا احد يشوف حركة يدينها وكانت امي مكشرة وتخاف ننحاس وهذي اول زيارة لمرة اخوي !!
فجأة !! قال ابوي الملقوف ... ولا هيب عادته .. سلمى !! قالت مرة اخوي .. سم ياعمي !! قال .. لالا مهوب انتي .. وجلست امي تضربة بمرافتزها وتقبصة .. وتتنحنح ولا فيه فايدة .. وقامت من زود القهر وكبت على رجل ابوي القهوة حااااااااارة بس كلها تبي تصرف الموضوع !! صرخ ابوي وقال .. اااااااااااي وجع ان شاء الله ماتشوفين !! تعالي ياسلمى نظفي القهوة المنكبة وجيبي معتس التمر السكري من المستودع !! قالت مرة اخوي وهي مستغربة من الميانة بهالدرجة عليها !! قامت وقالت أبشر ياعمي .... !! قال ابوي .. لالا مهوب انتي الشغالة سلمى شغالتنا الجديدة .. وجلست امي تحقرص وتقول وهـ ياخزياه !! قامت مرة اخوي من الجلسة وقالت بصوت عالي !! يا سعود تعال أبغاك ( سعود اخوي الكبير ) قام وهو وجهة احمر واصفر والمسيكين فرحان بجيتها !! قالت له وبصوت عالي .. شفت الاستقبال والاهانات مسمين الشغالة علي !! بالله ممكن تقولي وش تقصد خالتي بهالحركة !! ودها تغيضني والا تطفشني والا بتموتني ليه !! انا قايلة لك من زماااان خل نطلع لبيت بروحنا بس ماتسمع أصمخ !! وطرررررررق صكت باب الغرفة وجلست تصيح !!
نزل اخوي منتفخ .. وقال يالله عاد وش الدبرة !! الشغالة هذي لازم نسفرها والا زوجتي مهيب جالسة في البيت !!
راحت مرة اخوي لبيت اهلها زعلانة .... والله مالنا الا نسفر الشغالة ونرضيها وفعلا سافرت الشغالة سلمى هههههههههه وقدمنا من جديد على شغالة ثانية ومن ضمن الشروط اللي كتبناها :
1 – مايكون اسمها سلمى ولا يتكون اسمها من حرف السين او اللام او الالف المقصورة
2 – تسمح لنا نغير اسمها على كيفنا ولا تعترض زي سلمى !!
وفي هذه الاثناء رجعت مرة اخوي وجلست معنا طبيعية وارضاها حلنا !! وطيحت اللي في راسها !!
المهم انطقينا اربعة اشهر زي الاولى لين جانا الفرج !! ووصلت الشغالة الثانية ودخلتها على امي وكانت جالسة تتابع تمثيلية مصرية .... عاد هي مولعة بالتمثيليات المصرية وكانت منفعلة مع احاث المسلسلة وجت وجلست عندها مرة اخوي تتقهوى معها !!
دخلت الشغالة ... وسلمت عليهم وامي كانت مشغولة بالتمثيلية ولكن من هول الفرحة بوصول الشغالة قالت لها : هاااه ايش اسم انتي : قالت الشغالة : انا أسم مريم !! صرخت مرة اخوي بوجه امي والشغالة وقالت .... بعد بعد .. انتم ياخالة متعنين تجيبون الشغالة على أسم امي !!!!! كل هذا بتغيضوني !!! وقامت وراحت تصيح لغرفتها !!
صرخت امي وقالت : عطيبووووووووه ألحئني يامه !! يالهوي بالي يالهوي بالي !!
جيتها اركض وقلت : فيه أيه يامه !!
امي : دي طلعت لنا نيلة كمان !! بص الزاي ... يا محاسن الصدف
انا : فيه أيه يمه أولي لي فيه أيه أرحميني دنا نشف دمي في عروئي !!
امي : والله دنا حاسه ان ام حصة نظلتني ومعطتني العين في شغالاتي !! ومن ألت لي شغالاتكم يام سعود يهبلن !! ومن يومها وانا محتاسة !!
انا : يمه أولي لي بسرعة لأحسن الانتظار يخنئني !!
امي : نسيت أألك دي الشغالة التانية طلع اسمها زي اسم ام مرة اخوك ... مريم !!
انا : والله الزاي دا يحصل ... اااااييي أأأأأأهههه يا ألبي ... أأأألبي أأأألبي أأأألبي يامه ألحئيني !!
طرررردب طرررردب وطحت من على الكنب وانا ماسك قلبي !! وهذي تأثير المسلسلات المصرية أثرت علي وعلى أمي !!

وفي الختام لكم مني أحلى سلام ... واتمنى انها تعجبكم واقول لكل حرمة وبنت انها تكبر عقلها ولا تلتفت للامور الصغيرة وتجعل من الحبة قبة !!

والا أيه يا خواتي .....!!

منقووووووووووول

DeWDrOp · 27-03-04, 10:37 pm

ههههههههههههههههههههههههههه

اما لو القصة حقيقة مالها حق سلمى تسوي كذا خخخخخخخخخخخخخخخخخخ

الفراشة · 27-03-04, 11:10 pm

ههههههههههههههههههههههههه

تحياتي
فروووشة

المجمعة ديرتي · 28-03-04, 01:52 am

وش يدريك انها مهيب حقيقيه

بس تدري يمكن انهم متحدين مرة الاخو ى

اعتقد انها حقيقيه

DeWDrOp · 28-03-04, 02:58 am

بس تدري يمكن انهم متحدين مرة الاخو ى

وين حنا بحلبة مصارعه لو كانو متحدينها مشكلتها اللي ناسبت خفيفين عقل خخخخخخ

ام المقداد · 28-03-04, 02:48 pm

كانهي صدق القصه
افضل يغيرون مرت الاخو اصرف..
ولابتطلع الثالثه على اسم اخته..

د.ارجونــــــان · 28-03-04, 09:41 pm

هههههههههههههههههههه حلوة

مشكور يالغالي المجمعة ديرتي على هالقصة ... .. . . واصل إبداعك ،

مع خلص التحية :
د.ارجونـــــــان

المجمعة ديرتي · 29-03-04, 12:35 am

اهلين - د - اعدك بالمزيد انشاء الله تعالى

العبرى · 29-03-04, 03:45 pm

ههههههههههههههههههههههه

حلووووووووووووووووووووووووه

الله يعوض عليكم

تحياتي
العبرى

المجمعة ديرتي · 29-03-04, 04:57 pm

لاتفرح ترها بدور انتظر دورك مافيك زود عن العرب هذلنك

تسلم حبيب قلبي بارك الله فيك

خزامى نجـد · 29-03-04, 10:45 pm

كع كع كع كع
>>>ضحك من قلب

انا أعتقد إن تشابه الاسماء أهون من تشابه (( الفساتين))

تحياتي لقلمك الساخر

خزامى

المجمعة ديرتي · 30-03-04, 02:13 am

لا تدري بعد يقولون ان واحد بعد زعل على اخوة تدري ليه

اسم سوق اخوه مثل اسمه

هواجـــيـــس · 30-03-04, 02:55 pm

هههههههههههههههههه

والله سالفة مضحكة

مشكوووووور خيووووووووو

انتبه لاتجيبو شغالة مثل اسم زوجات اخوكم

شئ شئ خطير

تحياتي

اختك

هواجيس

المجمعة ديرتي · 30-03-04, 08:31 pm

وماخفي كان اعظم اختي الكريمه

ولى عوده لطرق الموضوع من جوانب عده

شقرديه · 31-03-04, 11:31 pm

ههههههههههههه

مشكلة كل تكنلوجيا واجهزة التطور بين ايدينا

لكن عقولنا لا زالت متوقفه على ما قبل خمس عشر عام؟؟؟!!!

والا وين هالخبلة عن منهج رسول الامة وصحبة الكرام!!

تحياتي للجميع

يتصفح الموضوع حالياً : 1 (0 عضو و 1 ضيف)