أنام وأنتي في عيوني تنامين ...

[عبدالرحمن العوض]

أمــوت . . لاشـفـتـك بعينـي . . تصـديـن
وألـمـح دمــوعــك . . وأسمـعك لابكيتي

الـوقـت عـيـا . . يـكتـب الوصــل لاثـنـيــن
وعـيـا . . يــصـيـر اللـي بـغيت .. وبغيتـي

أبكـي . . وأشوفـك مثـلي الحيـن تبكـيـن
دمعـي بيشـكـي لك وأشوفـك شكـيـتي

مابيـدنا حيـله . . سـوى . . دمـعـة العـيـن
أنــا بـديـت الدمـع . . . وانـتـي . . بـديـتــي

ودي . . أضـمـك . . لاكـن ( الشرع والدين )
( ولولا حـدود الدين ) . . جـيـتـك وجيـتـي

يابـنـت أحـبـك . . فـوق ما آنـتـي تظـنـيـن
تــدريــن ..؟؟ ولا يالـغـلا . . مـادريـتـي ..؟؟

أنـام . . وأنـتـي . . فـي عيـونـي تنامـيـن
وأصحى .. وأشوفك مع عيـوني صحيـتي

أسهى .. وأشوفـك فـي خيـالـي تمشَّين
وأسمع . . خطاوي خطـوتـك .. لا خطيتي

مـع كـل خطـوه . . حـس صوتـك . . تغنِّين
( هـذا حبـيـبي . . هـو مـلاذي . . وبـيـتـي )

خيالي . . أصبح لك . . . دروب ومـيـاديـن
ويستبـشـر . . . أيـة درب لامن مشيتـي

مخلوقةٍ من نور ..؟؟ ولا مـن الطين ..؟؟
آية جمال . . . وشـمـس لامـن بـديـتـي

أنـتـي كـمـال الـزيـن . . لاقـالـو : الـزيـن
أضـيـع لاشفـتـك . . . . ولامن حـكـيـتـي

عمرك كبيــر . . وفرقنا . . ( أربع سنيـن )
لاكـن . . ولا هَـم العـمـر . . لا أستحيتـي

قبل أمس أحبك .. وأمس واليوم والحين
شـريـت حبـك . . وأنـتـي أيـضا شـريتـي

آخـر كـلامـي طـالـبـك . . . لاتـصـيـحـيـن
وفيت لا أجـلـك . . . وأنتـي أيضاً وفيـتـي

الــوقــت عـيـا . . يـكـتـب الـوصـل لاثنيـن
وعـيـا . . يـصيـر اللي بـغيـت .. وبغـيـتـي

[مـاجـد الحـمـيـد]

الأخ العزيز والشاعر / عبدالرحمن العوض

أهلا بك شاعرنا العزيز . . وأهلاً بمشاركتك الغزلية . . والتي حملت القافية ذات الجرس الموسيقي العالي وهي قافية العجز . . ~

نص جميل . . وكأن كل بيت يفسر نفسه بنفسه . .

خالص شكري على هذه الأحرف الرائعة وصح لسانك

همسه / أرجوا مراجعة صندوق الرسائل الخاصه وبالتوفيق

[عبدالرحمن العوض]

الاخ : ماجد الحميد ..
شكرا جزيلا لمرورك المشرف على صفحتي .. وبانتظار ماتسطره يمينك ..

[العرّاب]

صح اللسانك يابو احمد

[عبدالرحمن العوض]

العرّاب : صح الله بدنك وحياك الله أي وقت وأي ساعه .. ( يظهر لي إنك .. أبو فهد )

[كروومه]

اقتباس: أنـام . . وأنـتـي . . فـي عيـونـي تنامـيـن وأصحى .. وأشوفك مع عيـوني صحيـتي أسهى .. وأشوفـك فـي خيـالـي تمشَّين وأسمع . . خطاوي خطـوتـك .. لا خطيتي

قصيدة قمة الرووعه والجماال

صح لسانك شاعرنا عبدالرحمن العوض !

[عبدالرحمن العوض]

كرومه : صح الله بدنك .. وشكرا على الاطراء وحياك الله أي وقت ..

[عمآآآد]

الله يعافيك ..
شكرا لك

[عبدالرحمن العوض]

عماااد : شكرا لك .. ومشكور على المرور

[خـــــــــــــــالـــــــــد]

شاعرنا الفاضل عبدالرحمن العوض

صح لسانك قصيده غزليه صادقه مؤثره



ودي . . أضـمـك . . لاكـن ( الشرع والدين )
( ولولا حـدود الدين ) . . جـيـتـك وجيـتـي



ما اروع الحب العفيف

و هذا برايي اول ما يلفت الانتباه للقصيده

تقبل التقدير

[عبدالرحمن العوض]

خالد : حياك الله .. بعد انقطاع .. شكرا لك واذا لم يكن الحب عفيفا .. اذا لاوجود له ..

[e7sas]

قصــــيده في قمة الروعه والجمال
صح لسسانك وإعتلى شانك
بإنتظار جديدكـ بشوق
...

[عبدالرحمن العوض]

( نعبن اشتاق ) : شكرا لك .. وصح الله بدنك .. لك مني كل الود والتقدير

[محمد الهاجري]

أخي وعزيزي عبدالرحمن العوض... أولا أأسف لأني تأخرت بقراءة هذا النص الأنيق....وإن كنت أقدم الأسف لنفسي لأنك أثملت ذائقتي الشعرية من خمر أبياتك المصفى...صح لسانك أخي الغالي قصيدة تسطر بحروف من ذهب...لك الود

[عبدالرحمن العوض]

محمد الهاجري : اهلا وسهلا بك .. ياخي محمد وشكرا لهاذا الاطراء المميز والرائع
واعيد مرحبا بك وانا ب أشد الشوق لجديدك .. لك ودي وتقديري واحترامي