احرار مير قلوبنا مستحله

[انثى من الخيال]

ياوسع صدري ميرللضيق مرهون
وأن ماتوسع كله يضيق كله
يمشي تحت رهن الاشاره على هون
ترمي عليه من السلوك وتتله
وسلوكها مابين ناشف ومدهون
وصدري لياقامت تلامس تعله
احيان اجامل واترك السد مدفون
وضحك مابين الخطر مسفهله
وحيان أجي مشحون وروح مشحون
واقول من يعقد حجاجي يفله
ثلاث يحكمني ولاقلت وشلون
المعرفه والعاظفه والجبله
العقل صاحي لكن القلب مجنون
والكل منهم نظرته مستقله
ياصاحبي مال المحبين قانون
والحبلغز ولاعرفنا نحله
قلبك مثل قلبي مكبل ومسجون
احرار مير قلوبنا مستحله
عسى الغلا لازال بالحفظ والصون
والله يبيحه لاتغير محله
اهديتني جمره على راس غليون
واهديتك من العمر شيحه وفله

[المستشارَ]

مشاركه مميزه ..

كل الشكر لك .. ولاتحرمينا من الجديد وطلتك تسعدنا دائما $

[عزف الحقيقة]

تسلمين جميلة

ياصاحبي مال المحبين قانون

!!!

تذكرت ..

لو للهوى حاكم يمشي على القانون

ماكنت لي ظالم بالهجر يا مظلوم

!!

مودتي لك

[نــَجّــــدَ]

~{قَصيـِده جَميِله ُتـنـِم عنَ ذوُق أجَملْ
أرَقُ التَحـآإيّـآ..!

[انثى من الخيال]

شرفني مروركم

[المنغره]

جميـــــــــــله
الف شكر لإنتقائكـ الجميل
~