[frame="8 80"]
رملى..
على الرمضى هناك ..
تشرب وهج ..
تتمضمض بجمره ..
وصيف ..
تاكل على جرح الزمن ..
خنجر ..
وسيف ..
تاقف ..
على جال الرصيف ..
يسوقها رمح الظما ..
وخيل ..
وفوارس قهرها ..
.. وتلبس .. ملامح طهرها ..
تحضن براءة ..
بزرها ..
تشحذ رغيف ..
صوتٍ ..
توضى بالخجل ..
يقرا عيون المرتجل ..
شخصٍ دني ..
وشخصٍ عفيف ..
رملى ..
ومن كثر الحياء ..
يآكلها صمت هدومها ..
يغشاها طيف همومها ..
تتجرع الوقفه تعب..
ويمرها الشارع ..
كفيف ..
يبست لهاة أطفالها ..
تثور ..
تشكي حالها ..
يجتثها الصمت العنيف ..
تسكت ..
ويسكنها الخريف ..
رملى ..
تحت أوراقها ..
والناس ..
بين أحداقها ..
رملى ..
تبي قوت وتصوم ..
رملى ..
وتسكنها الهموم..
تركض ..
تعف من الرصيف ..
تحلم ..
تمد يديهنا ..
تاخذ لها قطعة رغيف ..
تتوسد الزلفه ..
وتنوم ..
والجوع يطحن بطنها ..
وهناك ..
في بيت الرخام ..
يطلع رجل ..
متوشحٍ ذاك اللثام ..
يسحب بقايا من الطعام ..
من كثرها ..
تطغى على كبر الدرام ..
يركض ..
قطيع من القطط ..
يجمع وياخذ ما سقط ..
والرملى ..
يعصرها الغبط ..
وهي تهد أطفالها ..
ناموا خفيف ..
رملى ..
ويشبها كثير ..
وإلا سألني صاحبي ..
أقول أنا الدنيا بخير ..
نسمع حكايات الشرف ..
ونقرأ عن أمه ..
في ترف ..
والخير ..
في ذيك الديار ..
ماله طرف ..
والرملى ..
تحلم بالرغيف ..
يجمع ملامحها الرصيف ..
تشرب وهج..
تتمضمض ..
بجمره ..
وصيف ..
[/frame]
(~~أرملة .ْْْْْ والرغيف ..!! ~~)
العرض العادي
