طــــفـــــل ســـعــــودي لــلــبــيــع . مــن يــســوم؟؟؟ يوجد صوره

[الفتى السمنسي]

هذا الطفل الماثل أمامكم للبيع فمن لديه الرغبة فليتصل مباشرة بوالده (سعود ناصر الشهري) والذي يعاني من فقر شديد بعد أن تم إغلاق محله اللي يترزق الله منه وطرده وتسريح العمال .
الأب السعودي علل ذلك بأنه لم يعد بمقدوره أن يوفر لهم أدنى متطلباتهم فالضمان الإجتماعي طرده بحجة صغر سنه ولم يبلغ (45)سنه وحــافــز لم يقبله لأنه تجاوز الــ 35سنة فأغلقت الأبواب في وجهه ولهذا هو يعرض فلذة كبده للبيع .
حسبي الله على من سن القوانين لا ضمان ولا حافز .
صوره بدون تحية لمهايطي مزاين البعارين .
صورة بدون تحية لكل مسؤول ظالم وحرامي ونقول له الوعد يوم القيامة .
قال إيه .قال اضخم ميزانية بالتاريخ وشعبها يطر ويبيع عياله .
الله ينتقم من كان السبب عاجلا غير آجل

http://burnews.com/news-action-show-id-32156.htm

[شعاع الكون]

لاحول ولاقوة الابالله العلي العظيم
معقوله يبيع ولده ..!!
ياربي لك الحمد على النعمه

اللهم اني اعوذبك من الفقر

اتمنى هالخبر يوصل المسئولين

شكرا لك الفتى السمنسي

[نـدى الـورد]

:

وهل ترى أن احد الحلول السليمه لإنتشال عائلته من خطوط الفقر هو بيع أبنه؟

لماذا لاتكون جريء أكثر وتتهم الحكومه ب التقصير..!



.

[حنيني للجنة]

أمره عجيب!!
هذا بدال ما يطلب و يدعي الله يرزقه
و الرزق اللي يجيك من الناس لا تفكر إنه منهم
هذا من الله ساقه لك عن طريقهم
الله يرزقه و يخلي له ولده = (

[مجرد إنسانه]

الخبر يقول انه يمتلك سياره

طيب لماذا لا يتكسب بها
والله ان نقل المعلمات يدر ذهب خاصة اذا ينقلهن خارج مدينتهن

والعصر ينقل مشاوير ويشوف الرزق

واتوقع لو اشتغل عند احد باعة الخضار هو وابنه كان ابرك له من اي شي ثاني

[هلاوين]

ياكثر لي مثلك .


قبل فترة ماكنت اعتقد وجود هالفقر بالسعودية

واقول اللي ياخذون الزكاة لكماليات الحياة وليس لضرورة .


امالان بعدما سمعت وشاهدت عرفت الحقيقة .


شكرا سمنسي

[عاشقة التصوير]

حسبي الله ونعم الوكيل

انا ودي افهم ابنو من لحمو ودمو يبيعو لانو صار شحاد مابيعمل كذا

شكرا على الموضوع

[محمد عبده]

يجي يوم وهالحرامية يشحذون لان الحرام مايدوم . وهالرجل ماندري وشهي ظروفه بالظبط ولكن على قول الخليفة العادل عمر بن الخطاب ( السماء لاتمطر ذهبا ) بدل ماينتظر حافز ولا الظمان يشتغل اي شغل , بنقالة شبعانين ومشبعين اسرهم .

[pepsi]

اقتباس:  المشاركة الأصلية كتبت بواسطة [font=garamond     , بنقالة شبعانين ومشبعين اسرهم .

كنت ابي ارد ولكن لمن شفت هاالرد قلت
هذا خلاصة الحكي الله يفرج للجميع[/FONT]

[انين الذكريات]

وضع صورة الطفل ذو السنوات الست في مواقع التواصل الاجتماعيه استعطاف واسترحام اصحاب الملايين
لو كان عنده ابوه ورحمه لو يعرض عليه مليارات عشان يتبرع بجزء منه ماقبل
ولكن الجشع والطمع او له مغزى اخر يريد ان يقول نحن بفقر ونحن نتفق ان الاحوال تسوء كل يوم وطريقته هذي جردته من الابوة والقيم والرجوله يملك مكتب وسياره ولايستطيع ان يصرف على ابنائه

[أحب نفسي]

آعتقد آنه لآينوي بيع آبنه ولكن يُريد آن يحطّ على الحكومة .!
معك حق الحكومة مقصره ولكن انت كذلك مُقصر و التقصير الأعظم يقع عليك .. !!
لو كنآ سنقف موقفك لكتفنآ آيدنآ و رمينآ آللوم على آلحكومة و عرضنآ فلذآت آكبآدنآ كسلع .!
ولن يشتري آحد بضاعة أحد

عمومآ لآنعلم ظروفه
والله يصلح الحال ..

[كروومه]

اذا حدث العاقل فيما لا يليق فصدق فلا عقل له !

والله لو هو سياره هاذا فلذة كبده ويبيعه

ماصدق ابد !

وان كان حقيقه فالاب لاعقل له والله يخلف عليه وعلى عياله !

[زفير الياسمين]

\

لا حول ولا قوة الا بالله ..!!
لو كل شئ ما يصير يبيع ولده فلذة كبده !!!
أتوقع انه بس تسذا قايله علشان يتعاطفون معه الناس
,,
طيب يترزق الله باي شئ ؟؟

[bant tamim]

بالله وش راح يسوى بالفلوس لاباع ولده... يقول راح المحل راح كل شي بس صحتك وعافيتك موجوده اللي اشوفه مو عاجز عن العمل بكامل صحته...يشتغل اي شغله تصرف عليه وعلى ولده بدل مايعرض السياره اقصد ولده للبيع للاسف هاذا ماعنده ذرة رحمه والعاقل مايعرض ولده لليبع مهما حدته الظرف..مايدري الناس اللي بياخذونه ايش هي اطماعهم..يبع مخدرات..يسرق..يلعب فيه..قسم بيضيع ولده في هالبيعه.. اشك في امره...ياحافز يالضمان يايبيع ولده..واللي بيقول اللي رجلينه بالماء مو مثل اللي رجلينه بالنار...اقول يشتغل ويكد لو حمال ياكثر الناس المحتاجه مافرطو بعيالهم يشتغلون ليل ونهار ولا يبيع ولده.. بالله ودي اصيح يوم شفت صورت الولد قسم حرآم...

[القيصر.]

انا صدقت انه يبي يبيع ولده
بس اصبرو خلون اشوف كاس الشاهي بجنبي يبي يصدق كلامه !!
متكشخ وجالس على كنب وهيئة الفقر ما بانت على شواربه ...
عموما الفقر والمشاكل موجودة وكثر أناس تحت خط الفقر بمراحل بس ماتوصل الى انه يبيع ولده
اسلوب استجداء واضح مبالغ فيه لحد المقت
طالب بحقوقك بس لاتدخل اطفالك بطريقة بشعة تصل الى الاستحقار لكل من يرى صورتك ويرى براءة هالطفل
واضح ان الولد على وشك دخول للمدرسة وسيكون فريسة سهلة لاستهتار اقرانه بل وربما يكره حياته مستقبلا بسبب التعليق
عاد مجتمعنا ابد مايحب التعليق ههههه..
تخيل تمشكل مع احد اقرباءه اذا كبر في مرحلة طفولة او مراهقة وقاله واحد
لو فيك خير ما عرضك ابوك للبيع تقل نعجة !
حوم تسبدي هالشري اقصد الشهري لابارك الله بتفكيره
لكن لعل جماعته يقومون باصلاح ما اخطأ به
بعض البشر يغثك بطريقة تفكيره
لابو هاللحلية اللى مهب على رجل

اجل يبي يبيع ولده !!!
قم بس قم