اتبعثر لاطرالي وانعزل واشب ضوي!!!

كروومه · 19-10-11, 10:08 am

ليت جرحٍ في ضميري صار من سبّت عدوّي
ولاتسبّب فيه خلٍ كنت ثالث والدينه
كل ماقلت انتهينا قال لي توّك وتوّي
مادريت اني ضحيّة قصة الحب الحزينه

وكل مايسلا خفوقي...وانبسط... واعيش جوّي
اتذكّر ماجرى وقتٍ مضى بيني وبينه
اتبعثر لاطرالي ...وانعزل...واشب ضوّي
وكل ضلعٍ وسط صدري يسأل الخفّاق وينه؟

كيف ودّي :- امتلك صمتي... واحاول في هدوّي
لاانتصف ليل الغرام ....ولابتدا صمت المدينه!!!

غاب عنّي ولاطرالي قلت يانفسي تقوّي
من جروح الذكريات ...وفيض حزني....والغبينه

في بحر ذكراه تايه ...والمصيبه كيف اسوّي؟؟
يوم قفّا عن هواي...وصفّط شراع السفينه!!
باسطٍ له كف خيري للابد ماشاف سوّي
وصار يتفنّن بجرحي لاجل يرضي عاذلينه!!!

للاسف مافاد صبري...ومانفع حتى التروّي
مع حبيبٍ في ضميري سبّب جروحٍ دفينه

ودام حبّه في حياتي وفي سما حلمي يضوّي
الصبر باصبر وقلبي ياعسى ربي يعينه

اعجبتني فانقلته

اتمني ترووق لك

دآيم اهذريبتس · 19-10-11, 11:07 am

آحسآس جميل وذوق مميز

صح لسآن الشآعر وصح ذوقك

سلمتِ كروومه

ămōяẻ · 19-10-11, 11:14 am

القصيدة خطيرة والصورة اروع

هان · 19-10-11, 11:30 am

الله قصيده رائعة شكرا على ذوقك الرائع

نــف نــف · 19-10-11, 04:51 pm

كلمآت جميلـه ..
دمتِ ي كرومه ب آبدآعك ..

t u l i p | n · 19-10-11, 08:24 pm

اقتباس:


	ودام حبّه في حياتي وفي سما حلمي يضوّي الصبر باصبر وقلبي ياعسى ربي يعينه

إنسجمت مع الأبيآت
عزيزتي كرومه
مهب تقل شوقتينآ للبر على الصوره !
هه لا هنتي

عادل الحبيتر · 19-10-11, 11:51 pm

كلمات جميله

يعطيك الف عافيه

راكان بريده · 20-10-11, 02:09 am

جمييله جدآآ تسلميين على النقل

المستشارَ · 20-10-11, 08:21 am

لاجديد ع هالابداع يا كروومه $

فالك السعد

|كيـــرلا.. · 21-10-11, 08:56 am

للاسف مافاد صبري ومانفع حتى التروّي ؟
مع حبيبٍ في ضميري: سبّب جروحٍ دفينه

صح لسانك وصح اختيارك الجميل ..
ابيات ذوق بصراحه !!
البيت هذا روووووعه ..