((( لا قلت يمه حنان الأســــــــم يكفيني)))

[سلطانة الغيد]

[gdwl]
لاقلت يمه حنان الاسم يكفيني
وشلون ضمت يدينك يابعد رأسي...


يمه يايمه دخيلك لا تخليني
محتاج قربك وحضنك يابعد ناسي...

محتاج عطفك دخيل الله ضميني
لاتتركيني لدنيا قلبها قاسي....

يالغاليه بشوق جيتك لاترديني
جيتك وخطوات رجلي تسبق أنفاسي..

محتاجلك حيل ومحتاجك تلميني
من قسوة الوقت ومن تعذيبه القاسي...

أبي بعيونك عن احزاني تشيليني
وابي بحضنك أفارق هم وسواسي...

وأبي حنانك وكلماتك تغطيني
من مقدم الرجل لين اخر شعررأسي...

وأبي أحس بشعور ٍ منك يكسيني
عطف ومحبه وحنان ٍ دون مقياسي...

يمه كبرت وكبر هم الزمن فيني
ومن لوعة الوقت قلبي عايش يقاسي...

محتاج حضنك تكفين لاتلوميني
محتاج اعاود طفوله كلها أوناسي...

برّجع الوقت وانسي اللي معنيني
يومي صغير وحنانك ماليءً كاسي...

يمه ذكرت الزمان الماضي بعيني
ماضي الطفوله السعيده وروعة إحساسي...

كم كنت أضمك وكم مره حضنتيني
وكم نام راسي على صدرك وهو ناسي...

وكم كنتي تبكين من فكر يبكيني
وكانت عيونك فداك القلب حراسي...

وكم كانت مناك دايم بس تشوفيني
احلى وأنظف " بنيه " بين جلاســي...

وياما وياما سهرتيلي تواسيني
لأونست ضيقه وزار الهم مجلاسـي...

وكم كان حضنك عن الخلان يغنيني
وكم كان عشقك لفرحي ماله قياسي...

الله ياذاك الزمان شقد يحيـيني
ليته يعود وتعوووود أفراح وأماسي...

ياليتني ماكبرت ولاقسى ليني
وبقيت طفلٍ همومه لعب وأكياااسي...

يالغاليه جيت لك شوقي يقديني
كبير لكن بقربك يصغر إحساااااسي...

يمه يايمه أنا بنيتك تحبيني
أدري وربي ولكن بقهره يــأسي...

بحطم الحزن فيني وأقهر سنيني
وبقول للهم "ياقلب العنى" ناسي...

بنسى عذابي بحضنك لاتهديني
من بعد حضنك يزيد الهم هوجاسي...

لاتتركيني وضمي يديك ليديني
لمسة كفوفك تبدد قسوة أتعاسي...

أبي أعاند زماني وظلمه الشيني
وأبي بقربك أرده عني الخاسـي...

ياأعز ناسي وياكل الكون في عيني
ياملهمتـني المحبه وصيت نومــاسي...

يفداك عمري وروحي وكل مغليني
ويفداك كلي وأنا من رأسي لساسي...

ياأغلى غرام ربى داخل شراييني
وياأعذب شعور ٍ سكني وياأجمل إحساسي...

سلطانة الغيد.... رحمك الله ياأمي



[/gdwl]

[شوكولاته بنات]

كلماات رائعه جدآآ

تسلميييييين ايته الحنونه سلطانه الغيد

[سلطانة الغيد]

اقتباس:  المشاركة الأصلية كتبت بواسطة شوكولاته بنات     كلماات رائعه جدآآ تسلميييييين ايته الحنونه سلطانه الغيد

شوكلاتة بنااااااااااااات

والأروع توااااااااااجد الغالي علي

وتسلمين يالحبيبه شكوته
نوووووووووووورتي

[كسرني غيابك]

تسلمين أم في ..
والله يرحم أميــمتس ويسكنه الفردوس الأعلى ..

[نــف نــف]

عطف وحنيـه آحتوتهآ آلآبيآت آلسسآبقه ْ~
رحم آلله آمهآت آلمسلمين وآدخلهم جنة الفردوس ..
كل آلششكر لك

[البارق]

الأم مفردة
تزين القصيد
وتحلي الكلمات
وتضفي عليها عذوبة لا توصف

الله يرزقنا برهن

أم في
الف شكر
لروعة ذوقك وإنتقائك

[المستشارَ]

كلمات جدا جميله في حق اعظم انسانه

نسأل الله أن يحفظ أمهاتنا ويرزقنا البر بهن

ويرحم والدتك يا ام في ويدخلها جنات النعيم
احترامي لك َ

[هاايدي]

الله يرحم امك ويجعله بالفردوس الاعلى من الجنه
والله يجمعك ويااااه بجناته والمسلمين اجمعين

( فيس غايلتوه العبره .. شعر له وقع بقلوووب الاعضاااء )

بنتظاااار ابداعك القادم ..

[سلطانة الغيد]

اقتباس:  المشاركة الأصلية كتبت بواسطة كسرني غيابك     تسلمين أم في .. والله يرحم أميــمتس ويسكنه الفردوس الأعلى ..

كسرني غيااااابك

ربي يسلمك من كل شر

آمين يارب ويخليلك اميمتك ويطول بعمرها
ويعينكِ على برها
نورررررتي

[سلطانة الغيد]

اقتباس:  المشاركة الأصلية كتبت بواسطة نــف نــف     عطف وحنيـه آحتوتهآ آلآبيآت آلسسآبقه ْ~ رحم آلله آمهآت آلمسلمين وآدخلهم جنة الفردوس .. كل آلششكر لك

نف نف
مهماااا خطت الأقلام لن توفي حق الوالدين وخاصة الأم
كل المعاني تحتويها ..الأم
آمين آمين جزاااكِ ربي خير وحفظلك جنتك
والشكر لك موصول على طلتك

[سلطانة الغيد]

اقتباس:  المشاركة الأصلية كتبت بواسطة البارق     الأم مفردة تزين القصيد وتحلي الكلمات وتضفي عليها عذوبة لا توصف الله يرزقنا برهن أم في الف شكر لروعة ذوقك وإنتقائك

البـــــــــــــــــــــــارق
زان القصيد بذكر الوالده
وحار الشعّار بصياغة كل ماتحمله الأم من
ينابيع تتدفق من الحنان المختزل بين جنبيها
فأسأل الله العلي القدير أن يخليلكم امهاتكم ويطول بعمارهن
على الطاعه..........ويرحم اميمتي رحمة واسعه

الشكر لك اخي البارق على اضافتك الرااااائعه
بوركت وسددت

[سلطانة الغيد]

اقتباس:  المشاركة الأصلية كتبت بواسطة المستشارَ     كلمات جدا جميله في حق اعظم انسانه نسأل الله أن يحفظ أمهاتنا ويرزقنا البر بهن ويرحم والدتك يا ام في ويدخلها جنات النعيم احترامي لك َ

المستــشــــــار

الجمااااال يكمن في ذكرها كيف بحنانها وحبها
فهي الرؤوم
آمين ربي يخليلك امك وأمهات المسلمين
ويعينك على برها
إذا كنت تبحث عن الجنة فالزم رجليها فثم الجنه

اثلج صدري دعواتك لوالدتي.....اخي المستشار
ولو ماجاني من هالطرح إلا دعواتك أنت ومن طل في موضوعي لكفى
آآآآآميــــــــــــــــــــــن

ربي يحفظك من كل شر

[سلطانة الغيد]

اقتباس:  المشاركة الأصلية كتبت بواسطة هاايدي     الله يرحم امك ويجعله بالفردوس الاعلى من الجنه والله يجمعك ويااااه بجناته والمسلمين اجمعين ( فيس غايلتوه العبره .. شعر له وقع بقلوووب الاعضاااء ) بنتظاااار ابداعك القادم ..

هــــــــــــايدي الجميله
ربي يجزااااااااك خير على دعواتك اللهم آمين
ويرزقني برها وهي بين اطباق الثرى
ويجعلك من البارين بميمتك الغاليه
ويخليه لك
صدقتي
أي شي عن الأم له طابع خاض على القلوب
نورتي بطلتك هيووووووووووود

[ămōяẻ]

نص جممممميل وقصيدة ابكتني

والله يغفر لماما يارب

[سلطانة الغيد]

اقتباس:  المشاركة الأصلية كتبت بواسطة ămōяẻ     نص جممممميل وقصيدة ابكتني والله يغفر لماما يارب

عمـــــــــــوري

الله يرحم أميمتك ويغفرلها
ويسكنها فسيح جنانه ويطول ربي بعمر والدك على الطاعه

نعم اخي العبرات تسبق العبِبارات
عندما يذكر فضل الأم فكيف بفقدها
وانا اقاسمك الفقد