الله يهدي اللي وهقن وعلمني الغزل (تجديد قصة )

[الزنون]

السلام عليكم ورحمة الله وبركاته ورضاه ومرضاته واعز وأزكى تحياته
أدام الله علينا وعليكم نعمة الإسلام ما دامت الليالي والأيام

مرحبا يا حلوين كيفكم أن شاء الله بخير
هذي الله يسلمكم قصتي يوم أطيح بالغزل

كان يا ما كان في سالف العصر ومسيان
كان فيه واحد مودب متواضع مسكين فقير اسمه الزنون
عزمه صديقه بالمنتدى وصديقه اسمه ابوغرام

المهم رحت لبوغرام باستراحته واثره جالس بالمجلس ومشغل التلفزيون على قناة غنوة اللي فيها بنات يرقصن 0
وهو جالس يكلم بالجوال ويتضحك

واسمعه يقول ايه توني جاي من اليابان ابوي مرسلني هناك اجيب بضاعة
والحين بروح للمطار هذا السواق جاني يبي يودين عندي سفريه لسويسرا بروح ارتاح لي يومين هناك

وأنا عيوني طايرة من يكلم ومن عليه ينصب المهم وهو يكلم قال خلاص الحين انا مشغول عندي اجتماع اكلمك من سويسرا

أنا أقول بنفسي من يكلم ابوشطوب ألداج

وسكر السماعة وهو يحكك بطنه قال ياخي المغازل وناسة والسواليف مع البنات رهيب

قلت من تكلم قال اكلم بنت والله يجزى العامل حق المزرعة خير أرسل لي رصيد بعشرة ريال وكلمت البنت << دائم داج هالشين


تابعوا بصمت ولا احد يرد لمين اخلص يا حبايبي

[الزنون]

المهم قلت وش درآك عنها الله يأخذ هال وجه ..
قال وربي صوتها يطلع القلب من محله ..
و يخليك تذوب عشره كيلو شحم و تحرق كل السعرات الحراري

ناظرني قال يا علي وليش أنت ما تغازل

قلت يا شيخ اذلف هناك ما غازل إلا أنا عاد البنات اللي يفتحن النفس

المهم قال هاك الرقم كلم وش يبي يضرك حاول تشبكها والله ويدخل براسي الموضوع وأنا اخذ الرقم وبعد ما تعشيت طلعت..
و من زود العجلة طلعت من الاستراحة ركض للبيت .. و يوم وصلت البيت حسيت اني ناسي شي ..
و تذكرت إني نسيت السيارة عند الاستراحة المهم

[الزنون]

دخلت البيت وسلمت على أمي وكالعادة تسألني هاه ياوليدي لقيت لك شغل ...
قلت لها وأنا الابتسامة واصله لمقفى راسي من سعة الصدر ..
شفتي هالرقم يمه؟ .. أدعي لي بس أن الله يهون علي
((الأخ على وشك ولادة)) .. و يرد صاحبه على مكالمتي .. و إن شاء الله بتيسر كل أموري .. و يحقق كل أحلامي ..
و هي ما قصرت الله يطول لي في عمرها .. مغير تدعي لي من تركتها ..
لدرجة إني وأنا بالغرفة اسمعها تقول يا الله انك توفقه أو انك تفكنا من شره و تأخذه عندك شفتوا كيف ألحنيه!

[الزنون]

واجلس أفكر وشلون اشبكها وأنا ما عندي أسلوب

المهم جلست أتخيل أني اسولف معها واني مرة أقول لها قصيدة ومرة اغني لها ومرة تغني لي وترقص
ومرة تمدحني ومرة امدحها ومرة تهاوشني ومرة اهاوشها ومرة أضمها ومرة تضمني

وفجأة أقوم واثري جالس احلم واثري مسعبل والسعابيل واصله لحد شعر آباطي (مجدل شعر آباطه )

وأفز واقف وش السالفة يا ولد لازم تغازل وش حيث رادار و وعبود زمان والعيال كلهم

المهم مدري وش أسوي .. أدق .. ما أدق .. أدق .. ما أدق ..
يا رجال خربانه خربانه .. دق ولا عليك

[الزنون]

وأنا اللي أدق على الرقم .. ما ادري أنا وش اسمع ..
رنات التلفون .. أو دقات قلبي .. شوي .. صوت جذاب .. صوت ملائكي ..

حسيت مع كل حرف و نفس يطلع مع صوتها إني ارتفع شوي شوي ..
حسيت نفسي فوق السحاب .. أطمر من سحابه إلى سحابه .
ثم أطب على بطني مثل اللاعبين إذا جابوا هدف ..
و أنام و أنا منبطح على ذيك السحابة ..
و ذاك الهواء اللي يرد الروح ماغير يهفهف علي ..
ثم حسيت بتسطير على وجهي .. فتحت عيوني ولقيت نفسي نايم على ظهري بالغرفة و فوق راسي أبوي و أخواني ..
و جنبي المروحة طايحه بالأرض << ((الخبل شنق نفسه)) ..
و أبوي يقول مهبول أنت تذبح عمرك على شانك ما لقيت وظيفة (( ما يدري وش اللي في بالي)) ..
كانك تبي تموت علمني خلني اوطى على رقبتك .. و ما صدق أبوي و فعلاً وطى على قبتي و أنا مغير ارفس و أحس الموت قرب .
لدرجه أن صدري انتفخ وقام يصبصب مويه ((صدقوني الموت حار يا ناس))..

[الزنون]

حسيت بعدها أن ما مني رجا .. ما اعرف أبجديات الغزل .. ولا حتى اقدر أتصرف لو سمعت صوت ناعم ...
دخلت النت .. وجلست ابحث عن أي شي عن الغزل ..
لقيت كتاب أسمه ((همسه و غمزه تحترف الغزل بلمسه)) للأديب الداشر مشغول وشاغلني <<اشوفه تحت خخ
المهم شريته ..
و بديت أقراه بعنف و شغف ..
لدرجه أن أهلي يحسبوني رجعت للمدرسة من كثر ما يشوفوني جالس أقراء ..
كل وقتي في البيت أدور بالحوش و معي الكتاب عشان أحفظ اللي موجود فيه ..
و فعلاً خلال اقل من أسبوع حفظته كل أبوه ألف و ميتين صفحه
((لو انه قرآن ما حفظت ولا آية))

[الزنون]

المهم رجعت و دقيت على الرقم .. بس هال مره غير .. أطلق بنت راح تفك معي ..
ردت علي بذاك الصوت اللي يرد الروح .. قالت خير وش تبي ..
قلت لها و كلي ثقة .. مو هذا رقم حفار القبور ابوعبدالرحمن الخضير
قالت استح على وجهك يا ..... مشفر .. تراها قالت يا حلو يا أحسن ولد ..

قلت وليش عصبتي ترى صوته يشبه صوتك .. طوط .. طوط .. طوط ((الله يهديهم شركة الاتصالات وشلون عرفوا إني أغازل))
ما نجحت الخطة الأولى .. قمت و بديت بالخطة الثانية هين لعبتي..
وصرت أرسل لها مسجات .. و كل مسج العن من اللي قبله .. الين خلصت الرسائل اللي عندي ..
و أرسلت لها رسالة فيها رقمي عشان تخزنه عندها
وقلت لها صاحب هذا الرقم ضعيف و محتاج لدعمكم .. أبوه و أمه توهم صغار بالسن ..
وهو تكفل يتربيهم و يكد عليهم الين يبلغون و يزوجهم 0

[الزنون]

و بدت ترد علي برسالة و تقول لي فيها .. أنت وش تبي بالضبط ..
ترى عندنا كاشف ((ما أردى منه إلا هي)) .. قلت بس دام ردت ..
فسمكه وحيد القرش طاحت في الشبكة و ما سمت ..

و بعد العديد من المراسلات .. حن قلبها علي .. و بدت تكلمني ..
و صرنا سمن على عسل .. و صار عندها أيميل و أضفتها بالماسنجر عندي ..
و صرنا نتبادل الحديث و الأشواق و الحنين ..
و أنا وصفت لها شكلي .. و إني أحلى واحد شفته بحياتي ((مادح نفسه كذاب)) .. <<يا كثرهم بالمنتدى

و هي ما قصرت .. مدحت نفسها .. ما بقى ألا تقول أنها من الحور العين ..
و أنا بطبعي ملول .. قلت لها إلى متى و إحنا على هالوضع ..
أبي أشوفك .. قالت استح على وجهك .. وش تشوفني .. تبي تعال أخطبني من أهلي ..

[الزنون]

و من هنا بدت الشياطين تعطيني كورسات مكثفه .. مرره اتثيقل عليها ..
و مرره أتشره عليها .. واقول لها إني اموووت فيها لحد الجنون ..
و هي لازم تثق فيني .. فقلت لها أرسلي على الأقل صورتك ..
ترددت كثير و بعد إلحاح و ضغط عليها ..
قالت برسل لك و أنا متغطية بالعباية .. قلت وش استفدنا ..
أروح أتفرج على اللي يشحذن عند الإشارات ((مع أن نصفهم رجاجيل)) ..

قلت لها على الأقل لو صورة يدك على الأقل أشوف أنتِ بيضاء و إلا سمراء .. انتِ دبيه أو عصلى .. أظافرك طوال و إلا قصار <<مدري وش دخل الاظافر

و فعلاً أرسلت لي صورتها .. و كانت عبارة عن حديقة مليانه شجر ..
قلت وينك وين مكانك بالصورة .. قالت شفني ركز في الصورة .. أطالع ما فيه شيء اللهم كيس زبالة اسود ..
قلت تستهبلين أنت وجهك ..
مير ازعل و اقفل النت ..

[الزنون]

و قامت تدق علي و أنا اللي اطنش .. و تدق و اسكر الجوال ..
و يوم فتحت الجوال إلا لقيت منها رسالة ..
قالت خلاص هيثومي << لاعب عليها وقايل اسمي هيثم .. اجل تبوني أقول اسمي علي
وش رأيك يوم الأربعاء أواعدك في ملاهي المبارك <<ادري نصكم ما يعرفه أقدم ملاهي بالقصيم اللي كان على طريق عنيزة ..
المهم أنا ما صدقت خبر .. انتظرت يوم الأربعاء على أحر من الجمر ..
استأجرت لي بي إم دبليو ((قايل لها انه كاش و أحسن واحد في الأسهم )) ..
و فعلاً وقفت في المواقف .. وجلست انتظرها .. دق التلفون ..
الو وينك حبيبي هيثومي .. قلت أنا بالمواقف .. قالت أنا جالسه بالمواقف أنت وينك؟ ..
جلست أطالع بالمواقف .. ما فيه احد .. ما فيه إلا طراره .. و شكلها بعد رجال .. جسمها كبر البعير .. قلت ما فيه احد بالمواقف ..

[الزنون]

و رجعت أدور على الملاهي .. قلت يمكن أنها مضيعه بالمواقف ..
الشاهد كلما وصفت لها مكاني طلعت لي الطراره .. أنا بصراحة خفت ..
قلت يمكن أن هالطراره من المباحث .. قلت أقول أنا مراقب الحين ..
اتصل عليك بعدين يا الله أنا بمشي الحين قبل لا تصير كبسه ..

و بعدها بكم يوم اصريت عليها أنها تجيني بالبيت أمن لنا .. خصوصاً أن أهلي بيسافرون ..
وأنا بيخلى لي الجو بالبيت لحالي و في حالي .. هزني الشوق و ذكرتك ((لا تشرهون عليه خذه الطرب شوي)) ..
اتصلت عليها .. و قلت لها أن ما فيه احد بالبيت .. و أهلي مسافرين .. وما فيه إلا أنا لحالي ..
قالت اقرأ المعوذات و ما راح يجيك شي ((تستهبل هي و وجهها )) ..
قلت بتجين وإلا و قسم بالله لأكسر الجوال و اشتري جوال جديد و ما عاد أكلمك
<<يحسب اذا كسر الجهاز يتغير الرقم ..
وافقت .. قالت ابجيك عقب المغرب ..
قلت تمام خصوصاً أن أهلي بيسافرون قبل المغرب يا سلام سلم صفى لك الجو

[الزنون]

المهم رحت لمحلات الحلويات .. وشريت كل أنواع الكيك ..
و الحلويات الشرقيه و الغربيه والجنوبية والشمالية .. و أنواع العصيرات
و أنا جالس على نار بعد المغرب متبطح على كنب المجلس .. انتظر تدق علي ..
و فجأة ما دريت إلا أبوي يدخل علي .. قال يالحمار جالس هنا و خويك اللي مدري وش هو رجال مدري حرمه عند الباب ينتظرك ..
قلت وش خويه .. إلا أنت وش رجعك .. قال نسيت مفتاح المزرعة ..
المهم طلعت بشوف خويي هذا و اللي جاي في وقت مو مناسب ابد ..
طلعت إلا أشوف واحد كأنه المارد .. بس انه محروق شوي لابس فنيله نص كم ..
و شورت تحت الركبة بشوي .. قلت خير .. من أنت .. قال افا ما عرفتني ؟؟
الصوت مو غريب علي .. بس الشكل حوت فاطس من كم شهر و لافظها البحر ..

[الزنون]

أنا خفت و دخلت البيت .. مير يدخل معي .. قلت وش تبي ..
قالت أنا وجدان حبيبتك ((من قوة الثقة فيها جايه بدون عبايه)) ..
مير أروح بسرعة لغرفتي .. و اطلع صورتها اللي مرسلتها لي .. وأنزل بسرعة .. ما لقيتها بالحوش ..

طلعت برى ما لقيت احد .. قلت الحمد لله شكله حلم ..
دخلت المجلس إلا وأشوف هاك الدب اللي لاعب في الكيك و العصيرات ..
ما ادري هو يأكل مع إثمه أو مع خشمه .. أو يحط بين آباطه ..
أنا حالي ما يعلم بها إلا ربك .. أطالع بالصورة .. و أطالع بالمارد اللي عندي بالمجلس ..
و بعد تدقيق بالصورة لقيتها .. وأنا احسب أنها كيس زباله ((الله يكرمكم)) مرمي بالحديقة ..

أثرها هي منبطحة على العشب و حاطه يديها على وجهها و مغمضه عيونها ((يقالك رومانسيه البنت)) ..
تذكرت الحرمة اللي تطاردني بمواقف الملاهي .. أي والله هذي هي .. جلست أصيح من القهر ..
قلت ياحسافه على الفواتير اللي تسددت .. يا حسافه على الوقت اللي ضيعته معك ..
يا حسافه على السيارة اللي استأجرتها .. والله لو إني جالس اطر عند الإشارات كان ابرك ..

[الزنون]

التفتت علي و بكل غنج و الكيك مالي أثمها .. و الكريمة تتساقط من بين شفتيها .. وش فيك حبيبي ..
قمت و أخذت علبه البيبسي واحلتها عليها .. قلت والله أن مكانك بالمرجم مع إبليس ..
أنا وش اللي قردني فيك .. و من زين وجهك اسمك وجدان .. أنتِ جدران مرشوشة بقار ..
أنتِ بركان فاير و ثاير زبايل .. أنتِ غربان .. أنتِ غلام اكبر خان مو وجدان ..
يا الله اطلعي لا بارك الله بهالساعه ..
اجل تقولين شعري طويل و ناعم و مثل الليل ..
صح وجهك مثل الليل .. بس شعرك ليفه مواعين ..
أنتِ متأكدة انك تسبحين بشمبو .. أنا متأكد انك تسبحين ببيبسي ..
هذا الجسم الرويان .. إلا شكلك تفطرين و تتغدين و تتعشين خروف مندي ..
و تتفكهين على دجاج مضبي ..
هذا اللي تقولين إني بيضاء .. الظاهر انك شايفه صورتك بالنقيتيف ..
أي بياض .. أنتِ لو يصنفرون بشرتك و يدهنونها ببويه ما تضبط معاك ..
لو يعطونك جلد جديد يحترق على طول ..

[الزنون]

تقولين بعد أن خوياتك بالمدرسة يقولون لك أن فيك جاذبيه مو طبيعيه ..
أنا معك .. جاذبيتك هي سبب رئيسي للمد و الجزر ..
غطيتي على جاذبيه القمر يا بقر ..
نعنبوا دارك لو تسافرين لأوروبا أن يحجزونك على انك بقره مصابه بجنون البقر ..
دمعت عينها .. وقالت