المزاح .... ما مدى قبولك .... تفضل شاركنا الراي

[الدمـــــع]

السلام عليكم ...

يعتبر المزاح .. تخفيفاً لهموم الناس ومشاكلهم ...

ولكن تختلف درجة قابلية البعض في قبول المزح ...

نشوف آرائكم ... وياريت كل واحد يعلق تعليق بسيط عن شخصيته في قبول المزاح ....


اتمنى تشاركوني




واشكركم على مروركم الكريم



امسح الدمعة بعمري لو تبي

[الداب]

بالنسبة لي حسب التجريح والتلميح

يعني اذا كان مزح والله عاااااادي لامانع


اما اذا كان يجرح ويحاول يستغفل خلق الله لا والف لا

يعني حسب الشخص ورتاح

بعض الناس لو يقول مايقول والله ماتزعل منه


وبعضهم عله مثل بعض نااااااس اهنيا


بس ربك كريم


الدمع امسح ادموعك

[شقرديه]

انا عن نفسي كل خنبقتي مزح بمزح


واللي حساس وياي كل شي يزعله لا يحط رجله في موضوع او مشاركه لي

لانه يبي يعرض نفسه لصواريخ شقرديه جوجو ما يردهن غير سرعت اتصال النت

ولانيب ازعل من احد ابد ابد مادام مزحه في حدود الادب وعادي لو كان مزح معه شوي هستره

يعني ما يجي يلعن ويقول امزح

تشكرات دمع على موضوعك اللي كان ببالي بس سبقتني عليه عوافي

تحياتي شقرقر وانتبهو للتاء

[د.ارجونــــــان]

من ناحيتي أنا تراي من النوع اللي لو تضربن ماقلت شي <<<<< يقالوة من قوة أستقبالة للمزح

وتراي ماأمزح مع غيري <<< يستحي

مشكور أخوي الدمع على هالموضوع ...................... واصل إبداعك .

مع خالص التحية :

[ALI 9]

السلام عليكم ورحمة الله وبركاته

المزح وما ادراك ما المزح
اعتقد أن المزاح كالعلاج إن قل زاد المرض >>> الجفوة ، وإن زاد زاد المرض >>> الجفوة
وبالنسبة لي فدعني اخبرك عن شيء اكتشفته في نفسي والحمد لله تم علاجة
كنت ايام المتوسطة وبداية المراهقة ( مثل الشقردية الحين) لا اقبل المزاح من احد والمشكلة اني املك لساناً سلطاً على زملائي فلا ادع شاردة ولا واردة لأحد خصوصاً عندما يزل لسانه امامي فسوف يندم على ذلك
لكن مع مرور الأيام عرف ان من كان بيته من زجاج فلا يرمي الناس بالحصى وقلت لنفسي اذا ابي امزح مع الناس لازم اخليهم يمزحون معي

والحين المزح عادي واتقبله حتى من ثقيلين الطينه مثل الداب
لكن لازلت احمل سلاحاً لا اريد ان اطلقه على احد >>>>>>>>> لساني

تحياتي اخوكم
المطنون

[رايق]

مشكور أخوي الدمع على هالموضوع الهام


وبالنسبه لرأيي بالموضوع , أنا أقول ان المزح نوعين >>>>>>>>> بدا يتفلسف

الأول : مزح مطلوب , وهو المزح العادي اللي مايوصل للزعل والطقاق , يعني يكون الهدف منه مجرد الفرفشه .............

الثاني : مزح مرفوض , وهو المزح الثقيل نوعاما , وللأسف بعض الناس يسوي مزحه ثقيله مع غيره يمكن توصل للضرر والإيذاء , ومع ذلك تلقاه ولا على باله وأحر ماعند غيره أبرد ماعنده , وأعتقد إنكم سمعتوا الكثير من القصص عن المزح الخارج عن حده , واللي سببت المشاكل والزعل وأحياناالقطيعه بين المتمازحين ..............



والله يكفينا شر المزح الثقيل



تحياتي للجميع

[التاج]

شكراً لك أخي الدمع موضوع مهم جداً





وإن كنت أرى أن مكانه الطبيعي في المنتدى العام




ليأخذ النصيب الأكبر من الردود




يكون المزح بحسب تقبّل الإنسان لشخص المازح




وكثيراً ما يختلط المزح بالاستهتار وهنا تحدث المشكلة




أعجبتني وأضحكتني :



(( بدا يتفلسف ))



أضحك الله سنك أخي رايق




تحياتي للجميع



التاج

[شقرديه]

يا حليلك المطنون ما فهمتني عكست قصدي


هالحين اقول اللي يزعل لا يقربني


يعني انا امزح مع الكل واتقبل المزح من الكل


ويعجبني اللي يتقبل المزح ويرد بمثله

هالحين ما هاوشت اللي يغلطون علي فأهاوش اللي يمزحون

تحياتي للجميع

شاكرين للثقل التاج حضوره ورأيه

[الدمـــــع]

وتش
الغالي الداب هلا وغلا يغني انت تحب المزح بس من القريب على قلبك وهذي مشكلة بس فرضاً انت طلعت مع مجموعة من الشباب فا من الطبيعي ان تتقبل المزح معهم كلهم واعتقد ان الي مزحهم ثقيل الحمدلله اضنه قليل ... بعدين انا اقول امسح الدمعة بعمري لو تبي ............. ليش امسح دموعي

هلا بالاخت شقردية مشالله عليك شكلك تزمحين في كل شي واهلك مرررة ما يكونون مبسوطين الا وانتي في الصالة الله يخليكي لهم وشكلك من كثر من حبك للمزح ما تمشين تتنططين في البيت واشكرك على مرورك الكريم

د:ارجونان:: في وصفحتي يامراحب فكرت المزح بالضرب معك يا دكتور حلوة بس اذا ضربتك راح ترد المزحة ولا لا هذي المشكلة وتسلم على ماقلته عني

هلا بالغالي المطنون ..... شكلك تحب المزح كثير واذا كان اسم على مسمى فا المزح معاك ما يمل وتحياتي لك على مرورك الكريم


رايق مراحب ومنك نستفيد الغريبة في بعض الناس يعني تمزح معه مزح ثقيل وتحصل نفسك مبسوط منه واهو نفس الشي صح ...؟
واعتقد ان اي شخص يقدر يعرف ويقيم المزح مع الاخرين وطريقته وكيفيته يعني كل على حسب نظرتك لا بس لا تخطي في النظرة له بعدين تواجه مشاكل تحياتي لك يا غالي




هلا وغلا حبيب قلبي التاج كلام منطقي ولا يحتاج لتعليق واشكرك على مرورك الكريم والله




اسعدتوني على هتفاعل الكريم فعلاً منتدى بريدة عينان في رأس وتحياتي للجميع

[الرحـّـال]

هلا الدمــع





إنشاء الله دموعك دائما دموع فرح.





مع العلم اني احس اني ثقيل طينة


ورأيي مايهم احد.



بس ابشارك برأئيي.



1 الله لايجيب التجريح المزح الثقيل


والحذف وسيلة ناجحة وللمراقبين حق إستخدامها.



2 اللي يزعل لا يشــارك ارض الله واسعة




3 موضوعك اكثر من رائع!!




4 اذا زعل احد قولوا نقصد الشقردية اعرفها



اصلا اتحدى ان تعرف الزعل




لا تهمكم صواريخها جو راحو


منتهية صلاحية البطاريات تبعها



ومنصات إطلاقها تعيش انت


(اللي يزعل يرووح بيتهم)













:for للجميع

[شيمه]

تسلم يالدمع على هذا الموضوع

واذا دموعك كذا كثر منها

عساها دموع فرح دوم يارب

عني انا وسيعة صدر اتقبل المزح لما مايكون فيه تجريح

انا خجوله ما ابدأ ابد بالمزح بس ممكن ارد

اهم شيئ لايكون فيه مدة يد تراني ما اواطن الضرب ولا بالمزح على طول اطقها بكوه <<<<< دلوعه ماعليكم مني

[شقرديه]

اسير الغربه موتني ضحك


بس اوقع واعتمد واختم على كل حرف قلته

اذا زعل منكم احد قولو نقصد شقرديه الشريره عادي نو بربلم خذو راحتكم على الآخر


تحياتي للرائع اسير

لاع موب رائع قصدي للذهين

ولكم كلبوكم تحياتي بس انتبهو للتاء الله يرضى عليكم

[الدمـــــع]

تحية طيبة احنا ما حصرنا المزح في المنتدى المزح في كل شيء في حياتنا مع من نحب مع الاصدقاء مع الاقارب
بعدين من قالك رايك مايهم احد بالعكس


فا السكوت يولد الانفجار فا قل الي بخاطرك ولا يهمك

فدائماً النقاش لا يفسد للود قضية فشكراً على مرورك الكريم يا غالي


هلا فيك يا شيمة بس انا اعتقد مزحنا كشباب يختلف واحمدي ربك

وبصراحة تطقين بقوه مشكلة الله يخليك لعين ترجيك شكراً على مرورك الكريم