شوف العجووز , اذا , غارت
سبحانك اللهم وبحمدك
سالفه يقولون حصلت قديما ....
كان فيه شاب من اهل نجد وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير مع شح وفقرذاك الزمان
المهم امه العجوز شبت عليه وقالت له ياوليدي ورى ماتعرس
ودي تزووج علشان اشوف عيالك قبل مااموت
وهو يقول بسم الله عليك عقب عمرن طوييل يوووه
المهم الحت عليه وهو وافق
وخطبت له امه هاك البنيه ( اللي كللها ملح )
الولد عقب العرس ..ماينلام استانس بحريمته وتوافق هو وياااه الحمدلله
كل يحب الثاني ويودده
لكن المشكله عاد ب( المامي) تقل تضايقت شوي من الوضع(نغرت)
""" وهذي فطره عند اغلب الحريم الكبار خاصة مع عيالهم
_______غصبن عليها________
بدت إذا جاء الولد عقب الظهر دايخ
من الشغل وده يتغدا وينام قبل يأذن العصر.
وأول مايصك باب الغرفه هو والمره إلاّ والوالده داقتن عليهم الباب ( تنكيد يعني) قومو صللو يالله
وان كان هو ماأذن تطق وتقول قومو توللمو توضو قبل الاذاان..
ورزح بهالباب ماتواطنهم بالغرفه تنهبل
والولد ماتغير ( يقول إنا لله وانا اليه راجعوون ) وش جاه أمي
وتطوور الوضع بدت العجيّز
إذا منّهم نامو بالليل واوّل مايتواسوون تطق الباب قومو تسننو صلّو صلاة الليل. قومو أوترو.. قومو قومو.وماغير
تهجدهم وترجدهم بالليل والنهار
المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل
على طول...
ومرّه الولد كان عند رفيقن له يقالّه ابو علي هذا ابوعلي قديم و (معرووف بالعياره )كان يتقهوى ومع السواليف قص عليه السّالفه حقّته مع
أمه وشكى على رفيقه ابوعلي حاله
قال ابوعلي انا اعرف علاج امّك زيين بس تطاوعني؟؟
قال الولد تكفى اللي تبي
بس فكّنا ياشيخ
قال أجل ابقوللك : نبي نسوّي خطّه انا وانت بس لازم تطبقها تمام والا ترى تبي تخرب عليك
قال الولد .. تكفى قللي
المهم قاله الطريقه واتفقو
يوم صار من بكرى عقب العصر
جاء ابوعلي لبيت الولد وطق عليه الباب
طق طق طق
ابو فلان ابو فلان وبدا يصوّت ابوفلان
(كانت بيوت الاولين صغيره بالحيل وهدوء لدرجة ان اللي بالبيت يسمع كلام اللي بالشارع والعكس*)
المهم طلع الولد قال
ياهلا ابو علي يالله حيه
ادخل اقلط تقهو
قال ابوعلي
لاوالله يابوفلان أنا عجل بس جيت ابي منك طلب وابمشي
(طبعا رافعيين اصوااتهم علشان تسمع العجيّز- وهي ماقصّرت جادعتن إذنه تبي تدري وش يبي ابوعلي بولده)
قال الولد ادخل يارجال واطلب الّي تبي
الّي تبي بس تقهو
قال ابوعلي ؟؟ الّلي ابي؟؟
ماتردّني
قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيكياه
قال ابو علي وشّو"" هالشي؟؟؟؟
قال الولد: لاتجي بس تبي تخطب أمي؟؟؟؟
ترى هذي اسمحلي ماأقدر أطلب كل شي إلاّ هذي ..
قال ابوعلي وراه؟؟؟؟
قال الولد : الله يعظّم أجره أميمتي
تقوّمنا لصلات العصر قبل يأذّن وتقومنا نتسنن بالليل . وتقومنا نووتر قبل الفجر . وتقومنا للفجر حريصتن علينا
والله ما أفّبله ابد الله يخلّيها لنا ان شاء الله
قال ابوعلي : والله الصّراحه أنا جاين أخطب الوالده
قاال الولد لا ياخووي
أجل طس لاتقهوى ولاشي مع السلامه . والوالده مهيب معرسه
( كل هالكلاام والعجيّز تسمع؟؟ ومنهبله)
راح ابوعلي والولد صك الباب
دخل الولد ولا الوالده بوجهه قالت منهو ذا؟؟؟؟
وش يبي؟؟؟؟
قال ياميمتي هذا خبل سايح وطلب منّي طلب وطردته ( مابقا إلاّ هي بعد)
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامات؟؟؟؟
ماقوّمتينا للصلات الفجر ولا العصر
عسى ماشر ياميمتي
قاالت العجييز: قومو أنتم عساكم للكساميير خلاص انا منب دايمتن لكم
خخخخخخخخخ
وبدت ماتطق عليهم وافتكّو من شرّه
وهي على رجاء خطبه ابوعلي ههههه
عجز ماهن سهلات يبن الزواج ههههههه
وشكراااااا
العرض العادي
