؛؛؛؛مدخل؛؛؛؛
ياقلب ويـن اللــي هــنا ساكنينك؟؟
مـاكـنـهـم داجـوا بـك أيـام وشـهـور
أهـون عـلي لــو أنـهم طـاعـنـينك!!
من شان أقول أنك يامجروح معذور
((القلب طماع))
عزاه ياحبٍ سكن بين الأضلاع
ماينمحي دام القوافي مطاويع
كنه بوسط الجوف للوقت شعشاع
أمشي ولا لي بالهزيمه مطاميع
عن حب غيره عاشق الخرس ماطاع
يدرا زعلها بالبيوت المشافيع
أم العيون اللي محاجيره وساع
غدت عليه بالسهوم القواطيع
لاسلهمت راع العتب بالعتب ضاع
هّون وضيع بالعيون المراميع
أو زوله اللي للمعاليق شلاع
لاقربت غصبٍ على الخافق يطيع
خشفٍ لها في داخل القلب مرباع
عاشت وحدها والحنايا مداريع
كم ليلةٍ يوم أبعد النجم لماع
سامرتها من لهفتي للقراطيع
لو كان قلبي منقسم أربع أرباع
حمت جميع أرباع قلبي عن البيع
مابيعها لكن من الشوق طماع
أشتاق له وأبيع حب التناويع
ولو كان قلبي لأظلم الليل سباع
عند الغنج وين القسا يامطيويع
وإليا حضنت قلبي من أشواقها ماع
وإليا أبعدت ضاع الهواوي مع الريع
يابنت حبك بين الأضلاع ماضاع
يكفي جفا شهب الليالي مفاريع
لاشك مالي عن هوى الحب مجزاع
ولاشك مالي مع عنا البعد تطبيع
حبل الوصل ياغاية الروح منصاع
لو ينقطع ماله مع الوقت تشميع
باللي تبينه صافي القلب مطواع
يبني معك على الصراحه مشاريع
وأن كان قلبك مانوى اليوم مرجاع
الله معك وبشاية الرب ماضيع
؛؛؛؛خروج؛؛؛؛
بــس المـــصـيـبـه زايـدٍ بـي حـنيـنك
الله يـعـيـنك دايـــم الــدوم مــقـهـور
لـكـن عـلى الله ربــنـا لايـــهــــيـــنـك
أدلـه وقـل للـي مـعـذبـك مشكور
مما رااااااااااااااااق لي تحيااااااااااااااااتي
العرض العادي
