الحلم سـكة ســ فـ ر
{الحلم سكة سفر والحظ قاطع طريـق**
والعمر طول الطريـق وحلمـي بدايتـه
حلمي كبير وحظي عكس حلمي عويـق
قطع طريقي ولا ادري وش ورى غايتـه
وين انت ياللي لقلبي قبـل هـذا عشيـق
غابت عيونك وعشقـك نكسـوا رايتـه
الحب بلوى وقلبـي شـال مـالا يطيـق
وحظي لحزني تعصب واعلـن ولايتـه
وحبل الغرام يتهالك صار فعـلا عتيـق
او عمـره الافتراضـي قربـت نهايتـه
فإن كنت ناوي معاهم قول ياهـوه فيـق
كيف اول اخصام حلمك تنتظـر سايتـه
ترى اصبح الامر عادي روح ياخي طليق
روَح بـدربـك فـمـان الله ورعايـتـه
لو كان بعدك خساره كبر هضبة طويـق
مالوم نفسي على اشياء اصبحـت فايتـه
اكبر خيانه لقلبـي مـن عـراه الوثيـق
والا انت منـك الخيانـه جايتـه جايتـه
صحيح دربي طويل وانـا ادور رفيـق
يكون لي خير عـزوه واصبـح كنايتـه
بس البلا في زمان قـل فيـه الصديـق
اوفى لصديـق لصديقـه قلـت عنايتـه
ابي صديـق يسـاوي لازهمتـه فريـق
لالعب عالكاس يفرح مـن رفـع رايتـه
والا وحيد بدنيـا طبعهـا بـي تضيـق
وطريقي اصلا طويـل وهـذي بدايتـه
العرض العادي
