سبحان الله مع انه زوج شرّي الا انه له فوايد !!

[القلم الصريح]

الزوج العسلي الحبوب يشبه عود الريحان اللي طلع بوسط خميله
والزوج الحلقمي المكروه يشبه اللزاق وسط الحياله كل ماتمشي يلصق بهدومك وتصير مثل البعير الاجرب بس تهرش جلدك



لاكن سبحان الله الزوج الحلقميي له فوايد كثيره ياسيدتي
الزوجة الطايح حضها

يخلي لسانك رطب بذكر الله كل حزه وانت تقولين حسبي الله ونعم الوكيل عليه
من يوم اخذته ماشفت منه الا النكد .

يخليك توصلين رحمك لانك كل اسبوع هاجه لاهلك .

يخليك تحافظين على وزنك طول اليوم ونفسك مسدوده .

اللي خلان اكتب الهرج اللي فوق لاني شفت زوج بالسوق ينفخ على حرمته
المسكينه تقول كلبه تمشي بساقته ياهوووووووووووووو غثيث وشين .

[أبو الريش]

وش معناة الحلقمي

عليكم كلمات غريبه !

[القلم الصريح]

اقتباس:  المشاركة الأصلية كتبت بواسطة أبو الريش     وش معناة الحلقمي عليكم كلمات غريبه !

حلقم يحلقم فهو محلقم وهو المرارره الشديده والشري يشمونه الفلاليح
شجرة حلقم

[التنين الصيني]

حلقم = علقم

بس شكلك تاكل تفاحة وانت تكتب ...

.................................................. ...

وبنفس الطريقة .... الوضع المقلوب " المرأة النكدية "

.................................................. ..

السعادة الزوجية ... تصنع صناعة من الطرفين

[القلم الصريح]

اقتباس:  المشاركة الأصلية كتبت بواسطة التنين الصيني     حلقم = علقم بس شكلك تاكل تفاحة وانت تكتب ... .................................................. ... وبنفس الطريقة .... الوضع المقلوب " المرأة النكدية " .................................................. .. السعادة الزوجية ... تصنع صناعة من الطرفين

هههههههههههههه لا تدقق السالفه كلها حرف ياشيب عيني شيباه
الاعاجم يصححون للقلم الصريح

[قـتـالـه]

النوع الثاني ماله ازين من الزقومي
تو كنت عند الصيدليه وسمعت زقومي يكلم زوجته يستاصف منها
عن نوعية كريم بيجيبه وربي لو اني منها لأقول هونت ماابي شي
خل الحساسيه تلعب بي لعب ولا يلعب بنفسيتي ابن زقوم !
ياناس وين الأنس والسكن مع هالاشكال ,,
اللي زي كذا وشلون ابرتمي بحضنوه وابكي من صواديف الزمن وضيم اللي حولي !

[أبو الريش]

اقتباس:  المشاركة الأصلية كتبت بواسطة القلم الصريح     حلقم يحلقم فهو محلقم وهو المرارره الشديده والشري يشمونه الفلاليح شجرة حلقم

لايكون الحلقوم تقصد اللي تقل منتثر عليه بودرهـ اللي تاقله زوينه اللي مع جواهر

بالعكس هذا زين ولاهب مرّ

يازين طعمه بس خصوصاً بالسهرات

[القلم الصريح]

اقتباس:  المشاركة الأصلية كتبت بواسطة قـتـالـه     النوع الثاني ماله ازين من الزقومي تو كنت عند الصيدليه وسمعت زقومي يكلم زوجته يستاصف منها عن نوعية كريم بيجيبه وربي لو اني منها لأقول هونت ماابي شي خل الحساسيه تلعب بي لعب ولا يلعب بنفسيتي ابن زقوم ! ياناس وين الأنس والسكن مع هالاشكال ,, اللي زي كذا وشلون ابرتمي بحضنوه وابكي من صواديف الزمن وضيم اللي حولي !

مالهن بنات الاجواد الا الصبر والحلتيت والمره لاكن وش معنى صواديف الزمن
ياعليك كلمات !!!!!!!!

[مهاجم دولي]

في هــ الوقت الاغبر ..

اعتقد ان الفتاه ماله خيار ...

اهم شي ظل رجال .. تحتمي فيه من صودايف الايام على قوله قتاله..

زقومي والا حلقومي ...

[القلم الصريح]

اقتباس:  المشاركة الأصلية كتبت بواسطة أبو الريش     لايكون الحلقوم تقصد اللي تقل منتثر عليه بودرهـ اللي تاقله زوينه اللي مع جواهر بالعكس هذا زين ولاهب مرّ يازين طعمه بس خصوصاً بالسهرات

ايوه اقصده لاكن من غير سكر ولا بودره بربك تقدر تاكله !!
ليت كل البشر مثلك يفهمونها وهي طايره

[القلم الصريح]

اقتباس:  المشاركة الأصلية كتبت بواسطة مهاجم دولي     في هــ الوقت الاغبر .. اعتقد ان الفتاه ماله خيار ... اهم شي ظل رجال .. تحتمي فيه من صودايف الايام على قوله قتاله.. زقومي والا حلقومي ...

يالاجوديه اللي لوفي لا كلب ولا سلوقي>>>> الله من زين التشبيه
اقول هجي عنه ولو تعنسين احسن من تصبحين وتمسين
على ابو لسان عفن

[أنسآم الصبآح]

الى صاحب اموضوع الحلقومي
شكرا جزيلآ لك موضوع جميل وفيه الكثير من الصحه

[| ~ ســمــو ~ |]

مرحب ..

غالبا النوع ( الحلقمي ) على قولتك هه ، تلقاه حساس لكنه مايمسك نفسه وقت الغضب ،
بالعكس احيانا تنتظر زوجته يعصب عليها بدون سبب لانها ببساطه واثقه انه راح يعتذر لها بالطريقه اللي تعجبها
وبالنسبه لي يعجبني اللي يبين عليه ويتغير على حسب الجو وتغيراته مو شكل واحد
يعني هذا | الحي يجييك |
ما ادراك قد يكون سبب نفخه عليها انها غاثته ومن النوع اللي يجي 9 ايام ورا بعض ولاتشتري
والا تشيل وتحط >>> الله يلوم اللي يلومه

..


يــ ع ــطــيــك الـــف عـــــــافــيــــــه

[القلم الصريح]

اقتباس:  المشاركة الأصلية كتبت بواسطة أنسآم الصبآح     الى صاحب اموضوع الحلقومي شكرا جزيلآ لك موضوع جميل وفيه الكثير من الصحه

ههههههههه حلقومي !! عن الطنازه باكر بدخل دوره وابطور كتاباتي واصير
انافس الجاحظ

[القلم الصريح]

اقتباس:  المشاركة الأصلية كتبت بواسطة ۩ ســٌـمــُـو ۩     ما ادراك قد يكون سبب نفخه عليها انها غاثته ومن النوع اللي يجي 9 ايام ورا بعض ولاتشتري والا تشيل وتحط >>> الله يلوم اللي يلومه ..

واذا نفخ مثل الورر وناهق بصوت عالي مثل الحمار بيتغير شي !!
افنيسان زاد الشين شين !! بالهرج الطيب كل شي يزين ياسمو