خاااااص للبنات ,,,,,,,,موضوع مره حلو لايفوتكم

[فراولـــــه]

بنآت .. لآ يفوتكم ..

أسلوبهآ مررره بسيط بس مررره حلو ومقنع ..
الله يسعد من تكرمت ونشرته بدنيآهآ وآخرتهآ ..

---- ---- ---- ---- ---- ----

ماراح اتكلم بأسلوب بأتكلم بأٍسلوبنـآ كـ بنـآت..




بنـآت..



مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..



بنات لبسو عبايات كتف وبناطيل و و و لكن ايش..



تركو السوق والتلفزيون والاغاني وجو للمسجد ..



وش معنى هذا..!



مو معنى المسجد



يمكن صليتي في بيتك ورفعتي يدك ودعيتي من قلبك..



وبـ ذلك بكيتي والشيخ يدعي..



تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }



وتسمعين { سبحان من ستر القبيح واظهر الجميل },,



تسمعين يقول { سبحانك تطاع فـ تغفر وتعصى فـ تغفر }..



تبكين من قلبك او يعورك قلبك ..



تحسين انك صح كذا تحسين فجأه انك ولا شي



يعني وش سوينا نحس ان حنا مغترين بأنفسنا..



تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده ..



معقوووووول.!



ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..



بنات الى متى انا وانتو كذا..



قسم بالله مهيب حاله يعني يجيني حاله اقول ودي اني بعهد الصحابه L..



الى متى وحنا بغفلتنا,,



نصلي ونبكي و و..



يجي العيد وبعد العيد ونرجع لخنبقتنا وننسى ..



طيب انا وانتي خلينا نفكر بـ شي من الحين دام الهمه فيني وفيك الحين..



مثلا نسوي صندوق بالبيت او بغرفتك كل يوم حطي ريال ..



بدل هالشيبس اللي كل يوم نجيب 4 للشله..



نتبرع بريال للصندوق ...



وريال على الريال تصير 10..



تدرين ليه ريال عشان ماتثقل عليك واللي لها قدره الله يجزاها خير..



وعطيها مثلا هاللي ينظفون بالاسواق ولا سواقكم ولا شغالتكم ..



تراهم ماجو هنا الا للحاجه..



واذا كانت تتعنفق ولا تنافخ ..



خلي قلبك اكبر واكسبيها باجر ربي وماجوووووووووره,,



ولسانك ..



اللعن ..



زي العاده ..



شفتو ابله فلانه الله ..... تستهبل هي وواجباتها..



ولا الدكتور/هـ ودي اذبحها الله .........



ولا اخوي الحمـ.... فصل النت .الله .......



عودي نفسك تتركين العاده ..



اذا لعنتي فجأه عاقبي نفسك واستغفري 40 مره مثلا =)..



واحسني خلقك مع أي احد..



تدرين الابتسامه لها اجر..



تمر وحده من جنبك .. لاتمدين الكشره متر ..



لا ابتسمي..



انا مره رحت مكان ماعرف احد فيه وفيه بنت ابتسمت لي تمنيت اني هي..



الابتسامه لها دوووووووووووووووووور..




عبايتك ..



انتي عارفه خطأك اكيد بس خليني اقولك عن شي..



مره كانت فاطمه بنت النبي تبكي من قلب وتصييييييييييييييييييح..



جتها عائشه رضي الله عنهم جميع..



تقولها مابالك .!



اعلمك وش قالت ..؟!



قالت بمجمل كلامها .. الحين إذا انا مت وشالوني الرجال بييبن جسمي وبيبان خصري



يعني شكل جسمي بيبان..



اذا فاااااااااااااااطمه بنت الرسول صلى الله عليه وسلم كذا تفكيرها



وهي الحين ميته..



وحنا العبايه واسعه لكن مع الشنطه وشد العبايه مع الخصر يبان كل شي



بنات تكفون خلونا نتغير ..



وربي ماراح ينفعنا شي..






واللي ابتليت بجوال مع الشباب ولا الماسن..



تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ



وش ردك عليه..!



بنات والله ماينفعك..



تدرين ليه اقول كذا .. لاني اعرف كثير وعارفه هالشي صعب..



لكن احببببببببببببببببك
لاني احس انو شي صعب بس من ترك شي لله عوضه الله خير منـه..



اتركيه هالشخص ووضحي له انك تعدلتي..



شي احسن من لاشي ..



صح علي..



حاولي و حاولي وحاولي..



وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..



بنات..



تكفون .. =)..



عدلي لو شي واحد وادعي ربك لنفسك دائم..



صح ولا انسى الاغاني والافلام<~ يارب صبرنا وأعنا..



اذا انحطيتي بقبرك ماراح يٍسألو عنك ..



بتنحطين بقماش وذنوبك معك..




حاولي انك دايم تذكرين صحباتك بالجنه والاشياء ..



تخيلو اليوم سمعت عن قصه ..



في اثنين أصحاب ..



كانو قاعدين بمكان



المهم..



قامو يتكلمون عن الجنه والنار والخ.!



واحد دمعت عينه بذكر النار خاف منها..



بعدها بمده توفى صاحبنا ..



وجاء لخويه بالحلم ..



قاله صاحبه يافلان وش اخبارك..!



قال اخباري..



انا بالفردوس الاعلى اعلى شي بالجنه..



قاله صديقه ليه..؟



قال تذكر يوم نقعد نسولف انا وانت وذكرنا النار ودمعت عيني..



هذا اللي دخلني الجنه..




شفتي ربي قد ايش كريم..



وربي ربي شي كبيييييييييييييييييييييييير..




بنات..



طولت عليكم..




بس وربي ضايق صدري ع حالنا ..



تكفون خلينا نتحمس سواء ونتعدل مع بعض..




الله يخليكم..







واخيراً



لاتنسووني من دعاءكم ..

م/ن

[عزتي بحجابي]

مشكوره وكلام جميل

[ملكة سبا]

الله يوفقك ويصلحك وبنات المسلمين
امييييييين يارب العالمين
كلام جميل وتشكرين عليه

[Tulane]

الله يجزاها خير
وويوفقنا لما يحبه ويرضاه

[لحظه أمل]

موضوع في الصميم
و جزاك الله من خيري الدنيا والاخرة
اتمنى ان تصل كلماتك القلوب
وان نعمل بها قبل ان يأتينا مفرق الجماعات
تقبلي مروري ..

[جُـودي]

يعطييييك العافيه

[فراولـــــه]

مشكورين عالمرور
اسأل الله ان ينفع بنا امتنا ويهدينا لصراطه المستقيم

[| ~ ســمــو ~ |]

جزاك الله خير

[●● غندوره ●●]

جزاك الف خير

و مشكوره

[لولي بريده]

موضووووووع حلو
تسلمين اختي

[حنين القلوب]

الله يجزاك الف خير ويجعلة في ميزان حسناتك

[شموخ أنثى]

جزاكي الله خير على الموضوع الاكثر من رائع
اللهم اصلح بنات المسلمين اللهم امين
تقبلي مروري ودمتي بحفظ الرحمن

[لولي بريده]

جزاكي الله خير على الموضوع الاكثر من رائع
اللهم اصلح بنات المسلمين اللهم امين

[جنوني نوني]

موضوع رائع جزاك الله الف خير

[ع ـروووبة]

مشكووووورة حبيبتي فراااوله

الله يعطييك العافيه والله ينفع بكلامك

الأكثر من رااائع

ماشاء الله تبارك الله ليت كل البنات مثلك

الله يجزاك كل خيييير


والله الحين يضيق صدري لما أطلع من البيت

بصراحه نشوف شي يضيق الصدر‏~‏‏~‏

وأذكر موقف برمضان مستحيل أنساه

كانت آخررر ليله برمضان بصلاه القيااام

رحنا نصلي ونودع الصلاه بقلب متقطع

وإنصدمنا باللي شفناه شفنا بنات قاعدين

عند الباب وكل وحده معاها جوالها البيبي

طبعا ومتجمعين وضحك وسواااليف

والامام يصلي وفصل وحدث الشيخ ورجعنا

للصلاه وأوتر الامام وقاعد يدعي ويبكي والمسجد

مهتز من البكاء الكل يودع شهر الرحمه والمغفره

وهذولا ولا على بالهم‏~‏

على قعدتهم !!!!!!!‏

طيب ليه تجين من الاسااااس

وين امهاتهم ‏..‏ وين قلووبهم ‏..

مانقول الا الله لايبلانا ‏‏~‏

واللهم لاتؤاخذنا بما فعل السفهاء منا‏~‏


تقبلي مروري وإطرائي بموضوعك وكلامك الرائع

اللع يعطيييك ألف عااافيه