بسبب سفر البعض... وكشتة الاخر . عائلات بريده ..تستقبل بناتهم واولادهم؟؟؟

[المراقب]

تكثر خلال ايام العيد والمناسبات المماثله ظاهرة ( ترك الاولاد وامهم عند اهلها )ويطلق الرجل سيقانه للريح . اما وراء البحار .. او بالبراري رغم الاجواء المصاحبه .. المهم ( الفركه وبس ) المهم بالموضوع العاده السيئه من البعض .. ترك الاولاد بغض النظر عن ظروف ( الخال ) ومسكنه .. وغير مبالي في تجمع الابناء مع اولاد خلاتهم .. وخذ( ازعاج )...الادهى منذذلك ان البعض منهم يتركهم بدون مصروف جيب .. وهات معاناة ...بعض النساء لا ترغب التجمعات .. ولا تتحمل ... وبعضهن تنحرج من الوضع عند اهلها ...بسبب اولادها ... ولكن زوجها ( الدلخ )الذي لا يراعي تلك الظروف والكثير منهم ... هذه معاناتهم ...اما من لديها ابناء كبار فهي مرتاحه نوعا ما اذا تستطيع الذهاب لبيتها ....وقت ما تشاء ... والمسكيه الزوجه التي ليس لديها والدين .. كان الله في عونها ....فيا خالي وخالتي .. كان الله في عونكم بالاعياد ....من تجمع العدلاء ...( وحلت الابناء )

[عذبـــــة]

الحريم يوم المنى عندهن يروحن عند اهلهن كل أيام العيد
بالعكس انا انصح كل رجل انه يغيب عن زوجته سواء في بر او في غيره ويخليها تنبسط عند اهلها
واذا خللص العيد لاحق عليها

[shahd2007]

عـــــاده سيئه ..وللأسف تكثر بمجتمع القصمان فقط ..

ولا وش ذنب الخوال يضفون عيالك ايام العيد .. انا اشوف انها من قله الذوق .عند بعض الرجال .

حتى لو الاهل يرحبون ببنتهم ...مسئوليه الابناء والزوجه وتمشيتهم ايام العيد وتنقلاتهم على الاب موب على الخال المسكيين

<<وحده تقول خالي ينقلنا 3 مرات من الاستراحه للبيت حنا وخالاتي وعيالهم .. خير وين رجالهن الله لايكثرهم رايحين يتمشون الشيوخ ويقنصون

[قـتـالـه]

هي كلها اسبوع يعني مايدي احد يتضايق من احد ,
جت هالمكاشيت بوقتها خل الناس تاخذ اجازه من بعضها بعد صكة رمضان ,
العدلا وين مكشاتهم شكلهم يتصيدون بمصر

[>ريانه<]

عاد هي وش خسره لاراح مو عاده سيئه ولاشي
بالعكس ابرك الساعات لاراح

[وميضُ البرق]

[align=right]الله يجيب الساعة اللي رجل أختي يروح يقنص ويجدعه عندنا! والله هذا منانا.
فهو لا من البعض ولا من الآخر وأخواني كذلك وهذي بحسبتك طاحت واحد.
وبعدين كله أسبوعين وتجي الغلقة والصكة مابين رمضان والدراسة وهات ياقطيعة.
أما أم العيال أتوقع تقدر تقعد ببيته وماتضيق على قولتك حتى لو كان أكبرهم برابع مثلا! [/align]

[| ~ ســمــو ~ |]

ايييييييييييه انا اتألم من اللي يجدعون عيالهم عند الخال ويطسون > هياته وقلة والي

[Miss Tala]

والله فله اذا حظرن والبنات ((بس مااطيق البزران اطلاقااا..
عموما هم يريحون وهن كمان يغيرن شوي واللي ماتبي تقول لا ..مااعتقد بيروح غصب عنهاا ..
بس هي الفكره عند البعض خصوصا اذا ماراح تجلس في بيته اهله صراحه ماله داعي يروح ..

تحمل المسؤوليه صار بالغصب هالحين ..

[بردقـآنه]

إسبووع مهب عاجزين أهل البنت عن عيآل بناتهم

[العنقريه]

اقتباس:  المشاركة الأصلية كتبت بواسطة المراقب     تكثر خلال ايام العيد والمناسبات المماثله ظاهرة ( ترك الاولاد وامهم عند اهلها )ويطلق الرجل سيقانه للريح . اما وراء البحار .. او بالبراري

اذا خانت الزوجه زوجها بالوقت لاحد يلومها

لانها بالوقت تصير حقده عليه

[وميضُ البرق]

اقتباس:  المشاركة الأصلية كتبت بواسطة العنقريه     اذا خانت الزوجه زوجها بالوقت لاحد يلومها لانها بالوقت تصير حقده عليه

[align=right]
وشو؟!
بفهمي حسيته موضوع كبير.
يالعنقرية كلها أسبوع وان طالت أسبوعين ماتوصل لهالدرجة.
[/align]

[مخملية روح]

أبركه من ساعه وخ ملينا منهم ماغير طبخ وتغسيل
خبركم مايوسعون الصدر ولايضحكون الا عند الشله
ولو الرجال كلهم يقعدون أهون بس مافيه أشين من اللي يرتز لحاله يبلش مرته هههه
الله يحفظهم ..ياحول ياللي ماعنده احد يوديه ويجيبه والا الباقي سهل

[فاجئوني بالجروح]

رمضان للجمعات ووسعة الصدر وخل الرجال ينطلقون بحريه اصلن هو يبي يروح لبييت اهله

ويقعد عندهم لاتمشي ولا شي واكيد يبي يعطي زوجته مصروفها ومصاريف البزران ويجتمعن عند

اهلهن ويوسعن صدورهن ويرتاحن من غثا رجالهن ...........

[العنقريه]

اقتباس:  المشاركة الأصلية كتبت بواسطة وميضُ البرق     [align=right] يالعنقرية كلها أسبوع وان طالت أسبوعين ماتوصل لهالدرجة. [/align]

هذا بلا بوك ياعقاب

تطلع وتسربت وتبي اذا رجعت تلقى زوجتك تبكي عليك متى ترجع , لا.. تبي تسربت مثلك وتمنى ان رحلتك تطول لاتقول زوجتي واعرفه قل الشيطان وفتن الزمن وش تسوي

اجل وشوله اورد الرسول صلى الله عليه وسلم هذا الحديث

( كلكم راع وكلكم مسؤول عن رعيته الرجل راع في بيت اهله ومسؤول عن رعيته)

تقول يالعنقريه ماعندتس سالفه اقول لك رح اسأل ضابط بالشرطه يعلمك السالفه

[وميضُ البرق]

اقتباس:  المشاركة الأصلية كتبت بواسطة العنقريه     هذا بلا بوك ياعقاب تطلع وتسربت وتبي اذا رجعت تلقى زوجتك تبكي عليك متى ترجع , لا.. تبي تسربت مثلك وتمنى ان رحلتك تطول لاتقول زوجتي واعرفه قل الشيطان وفتن الزمن وش تسوي اجل وشوله اورد الرسول صلى الله عليه وسلم هذا الحديث ( كلكم راع وكلكم مسؤول عن رعيته الرجل راع في بيت اهله ومسؤول عن رعيته) تقول يالعنقريه ماعندتس سالفه اقول لك رح اسأل ضابط بالشرطه يعلمك السالفه

[align=right]

وهو كل من راح له أسبوعين لازم يسربت! ياليت تكون نظرتك أوسع
وماأعتقد أن المرأة ماتطيق فراق الرجل وماتقدر تصبر الأوقات كثيرة اللي تفارقه وعادي ولو رجعتي وقرأتي المدة التي تستطيع بعدها المرأة طلب الطلاق بعد غياب الزوج عرفتي المغزى.
أما أني أسأل الضابط فهذا أكبر دليل على الندرة والا لو هي كثيرة كان عرفنا بأنفسنا ومااحتاج الموضوع مرجعية ولا شي.
[/align]