يانشاما يارجال أنقذو الرجل من براثن المرأة ..!

[اسمـرني]

دون مقدمات ..
خدعو الرجل حينما قالوا ادخل السعادة بشريكة الحياة ..
هذه الشريكة المزعومه دخلت فأصبحت تملك الشريك وما ملك ..اصبحت تصرفه كيف ماشائت واينما شائت بما تشاء..




( رجاء خاص ان لا يتعجل علي متطفل او متطفله ويقول انت تتجاوز بالألفاظ حتى
يقراء ماسطرته خلال دقائق من وقتي ..)


استثني فيها إن كان الطرف المتعجل من النساء فقد ابحت له مايريد لأني
لا استطيع المقاومه فقد ملكني وما أملك..فهو الخصم وهو الحكــم ..
تعالوا معي نعيد حساباتنا ...



من اي زاوية تريدون ان نبداء


* العلاقات الأجتماعية
* القرارات :في المنزل , في السوق , السفر والسياحة ,أغراض المنزل ,ملابس
الاولاد ,إلخ.... إلخ .....
*أم الفراش وما ادراك مالفراش
*دور المرأة في البيت
*الاسواق
*تزويج الاولاد والتدخلات


خلونا نبدء بالعلاقات الأجتماعية ..


من منكم يالرجال يقدر ان يخلي علاقته بأزواج اخوتها مثل علاقته بإخوانه وأبناء عمومته واعمامه..لا يمكن لأن الاولين يزوروننا في البيت اكثر وحنا بعد مراويحنا لهم اكثر بس هم عيالهم هادين ومؤدبين وعيال غيرهم ( شر وعيشً مر ) يكسّرون الاثاث ويطربقون الدنيا فوق تحت وزوجاتهم غثيثات وإذا دخلوا ماطلعوا ...وغيرها كثير ...


تعال معي عش الفرق هنا في الحالة الثانية ايها الزوج ..


إذا جتك العائلة الكريمة <<على بالهم أل سعود ( طبعاً أهلها ) إلى بيتك بيجونك بقضهم وقضيضهم يجونك عن بكره ابيهم ولو يحصل جابوا معهم الجد السادس <<صرنا مغاربه


وقتها اسمع كلمات الترحيب تشم البخور من ثالث شارع في حيكم ..! وانت ياحليلك يمكن تسمح لك وتخليك بالملحق ومن خوفها عليك ماعندك غير قناة المجد حتى النت انت ممنوع منه على بالها انك تخلو مع بنت ولا معكم محرم تقعد في الملحق منطق ما قدامك غير شاشة المجد وغن ياليل للفجر ما اطولك ..كل هذا على حسب الزوجة وكرمها في كل اسبوع ..!


يمكن يجي يوم وتسوي حالك بسيسً مقعد وتزئر أزير البس الكبير وتقولها وانت متحمس على عرق ينخاف على طقته ( حبيبتي وش رأيك اعزم اهلي بس امي يجون بعد العشاء ساعة بس ويروحون ) << احسه ذليل


وهي من رفعت طرف ترد ياخوي <<رد عرابجة عبوساً قمطريرا ..من قلت هيبة الثور ...ياخوي تذكر يوم نعزم اهلك بالنزاله...ويوم زواج اختك قبل سنتين ؟!! تدري انا موافقه وش رأيك نخلي العزيمة بإستراحة امك تحب الوناسة خابرتها خالتي تحب النفاه واو سع صدر لنا ..وتراني بعزم امي وابوي وخواتي واخواني وعماتي علشان تستأنس أمك...........؟؟! وبقدرة قادر تتحول العزيمة لإهلها وأخوتها وازواجهم ...




....................................يتبع ...........................................

[بنت المليداء]

تتكلم عن معناة خاصه
الرجاء عدم التعميم

[اسمـرني]

اقتباس:  المشاركة الأصلية كتبت بواسطة بنت المليداء     تتكلم عن معناة خاصه الرجاء عدم التعميم

لا عيني اتكلم عن الاكثرية ..

[أحـمـد]

[align=center]والـله أنك صــادز

بس الشكوى لـله بك بك العرس

حنـا توهقنا وأعرسنا

والدور على الباقين

وياقلب لا تحزن

ولكن عزائنا ان هذه سنة الحياة

وان شالله أننا على أجــر

---[/align]

[اسمـرني]

اقتباس:  المشاركة الأصلية كتبت بواسطة أحـمـد     [align=center]والـله أنك صــادز بس الشكوى لـله بك بك العرس حنـا توهقنا وأعرسنا والدور على الباقين وياقلب لا تحزن ولكن عزائنا ان هذه سنة الحياة وان شالله أننا على أجــر ---[/align]

والله يالحبيب توك ماعلقت الا على واحد إنتظر الخمس الباقيه

خوفي تطلقها ..

لو كملت رجاء خاص

لموضوعي يمكن يسوي تأزم زايد قلي والله مالي في التفرقه

احمد يعني ممكن اطلب من المشرفين حذفه مثل ماحذفو تؤمي << ياحبيله @اسمراني ..المهم ما اتسبب في مشاكل عائلية

[بنت المليداء]

اقتباس:  المشاركة الأصلية كتبت بواسطة اسمـرني     لا عيني اتكلم عن الاكثرية ..

والأكثريه من الحريم (تعيش الوضع لكن بالمقلوب)
يعني العكس
ينجن إذا جو أهلها أو قرايبها
وأهله ياسلام عسل على قلبوه...

[اسمـرني]

اقتباس:  المشاركة الأصلية كتبت بواسطة بنت المليداء     والأكثريه من الحريم (تعيش الوضع لكن بالمقلوب) يعني العكس ينجن إذا جو أهلها أو قرايبها وأهله ياسلام عسل على قلبوه...

بنت المليداء توك لا تحكمي باقي يتبع لا تكوني عجلة سريعة بالرد كان من الممكن ان تحاكي مافات وتنتظري عزيزتي لما سأقول ..

[التنين الصيني]

حسيت ........... انك تعاني اشد العذاب .....!!

تدري ..... طلق .....حل جذري

[قـتـالـه]

يعني بتحتسي عن باقي النقاط .. او بس نحتسي باللي قلت ؟
<< تحترى نقطه متى يجيه الدور

[شموخـ إمرأهـ]

اقتباس: من قلت هيبة الثور

هذي تكفيك
من خلاء نفسه بسوس لعبت فيه الدجاج>>كذا المثل
الرد فيكم يالرجال
طبعا الحق لك ولها
والبيت بيتك وبيت امك ماتبي ماتبي تدخل بـ امك وعنونها طايره ماتبي امك رجعا لـ درا ابوها
>>وقسم تتعدل
وبعدين المفروض الرجل علاقتك مع اهلي هي راضى >>ساعتها شف وش لون تبي تصير لـ اهلك حشامه واهلك ازين الناس

>>تحوم تسبدي من كل رجل يسمح لزوجته تسب اهله لو كان فيهم هالعيب>>تسكت وتغمض جدعه اسبوع بدار اهلها +حقران (لاترد على جوال ولا الرسائل لو حصل تقفله)وقسم تبي تتعدل

[قـتـالـه]

اقتباس:  المشاركة الأصلية كتبت بواسطة شموخـ إمرأهـ     >>تحوم تسبدي من كل رجل يسمح لزوجته تسب اهله لو كان فيهم هالعيب>>تسكت وتغمض جدعه اسبوع بدار اهلها +حقران (لاترد على جوال ولا الرسائل لو حصل تقفله)وقسم تبي تتعدل

ياعين ابوي لاتجيبين حاصلتس !
ترا المعزب اسمرني من يقدر ياطا له شليل
وانتي مصدقه ان عمره صايرن تقل بس بالملحق ولا يناظر الا المجد خخخ

[شموخـ إمرأهـ]

اقتباس:  المشاركة الأصلية كتبت بواسطة قـتـالـه     ياعين ابوي لاتجيبين حاصلتس ! ترا المعزب اسمرني من يقدر ياطا له شليل وانتي مصدقه ان عمره صايرن تقل بس بالملحق ولا يناظر الا المجد خخخ

زاد الرجال غثثين وقسم صايرن تسذا تقل مابيدهم حل
وهو الحلول قدامهم يقهرووووون تسيف تسذا

[وميضُ البرق]

[align=right]هالحين قضى الموضوع والا له تكملة!

يعني نرد والا نصبر [/align]

[اسمـرني]

للي يسأل توني ماخلصت الا من زاوية وحدهـ بس يعني باقي ,لكن مايمنع ان الواحده تعلق اقول الوحدهـ لا الواحد فالاوله لها حق الدفاع وخابرهن مافيهن صبر اما التماسيح لعلكم تتريضون بعض الشي ..

[الملكه كنده]

شف اخوي هذا الشي ترى مو من صالحكم ترى هذا

مسبه لكم لأنه تدل على رخامة الرجل ههههههههههههههه


نصيحه مني لك ترى والله والله شينه بحقكم ....

بعدين مو كل الرجال يسوون كذا مثلك


الرجال الحقيقي الي كلمته تمشي ويعطي زوجته حقه وأهله حقهم أيضآ أهلها


الذكي الي يعرف يتصرف ويوازن حياته الزوجيه صححححح..... فهمت علي ؟؟

سلااااااااااااااااام