عيادة (خن بط) للتجميل وتبييض البشره وتنعيم الشعر .

[خن بط]

تم بحمدلله افتتاح عيادة (خن بط) للتجميل الكشابير وتبييض البشرة اللي تعاني من نمش وحبوب خال وحب شباب وسواد من كثر ضرب الشمس وكذلك تنعيم شعر من تعاني من خشونة شعرها وصايرن تقل اسيام كفر .
علاجنا جميعه يتم بالأطعمه من مأكولات ومشروبات وهذا سر تميزنا .
تبييض البشره : 1000ريال .
نفخ البراطم : 500ريال
تنعيم الشعر: 500ريال
أختي لتبييض البشره فقد إستقدمنا الخبيره اللبنانية (كارول ) وتقوم بتبييض البشرة عن طريق وضع الأطعمه على وجهك المتصفط وتضع( خيار) مخلوط (بتبوله وزعتر) لبناني لمدة ساعة بعدها تنتقل للمرحلة الثانية بوضع (العسل) مخلوط (بقشطة التاج) ثم يترك لمدة خمس ساعات مع أخذ الحذر لايدري النمل بالعسل خخخخخخ
ثم ننتقل للمرحلة الثالثة وهي دهن الوجه (بعصير الجزر) ومعه قليل من( زيت الزيتون) الطبيعي .
أما لتنعيم الشعر فقد تم إستقدام الأستاذه نبوية حسنين وهي استاذة التجميل بأحد جامعات مصر .
لتنعيم شعرك اللي واقف وتقل اسيام كفر يجب وضع (لبنه تركيه مخلوط بفلفل حار) ويترك لمدة ساعتين ثم يغسل ويوضع عليه (عصير طماطم مخلوط بزبادي) ويترك لمدة ساعة ويغسل وستلاحظين الفرق .
زورونا ستجدن مايسركن .من تزورنا مستحيل زوجها يتزوج عليها .
هل بلغ الغباء والإستغلال وقلة الإيمان بالنساء هذا الحد ؟؟ خن بط يتشرف بمداخلاتكم

[نبض قلب]

ايه بلغ اشد من هذا

بل القادم افضع من كل هذا

[بسومة بريده]

وش هالسلطات والمقبلات....

شكله فاتح محل منتجات شاميه لبنه وزيت زيتون وزعتر....

حشى صار فطاير مو وجه اوادم...

[منت اتحادي احراج]

وشفيــــــكمـ؟؟
عــــــــــادي

اقتباس: هل بلغ الغباء والإستغلال وقلة الإيمان بالنساء هذا الحد؟؟

اي غبــــــــــاء يبحتون عن النضاارة والجمـــال

اما بالنسبة لعمليات التجميل
حراااامـ

[" TWIX "]

اقتباس:  المشاركة الأصلية كتبت بواسطة بسومة بريده     وش هالسلطات والمقبلات.... شكله فاتح محل منتجات شاميه لبنه وزيت زيتون وزعتر.... حشى صار فطاير مو وجه اوادم...

بسومة ..
شكل عنده مطعم شامي ..
والبايت من المقبلات يبتلش فيه .. ولا يبي الخسارة ..ويبيصير مثل
المنشار نازل آكل وطالع آكل ..

[قرفوص]

الله مير يسلمكم يامجموعة خن بط الإستشارية .. واسمحوا بحكم إن كتمان العلم مايجوز .. إني لي أدلو بدولي بالموضوع .. بس ياجماعة خلوكم بعيدين عن دلوي عشان ماينكب عليكم .. بالرد ذا بعرض عليكم بعض المشاكل اللي تعرض علي وأقوم بحلها ومعالجتها ..


.
.

- 1 -

اقتباس: ن.غ.ف من القويع .. أنا أعاني من كبر مساحة الخشم لا من جهة الطول ولا العرض .. خشمي كنه صاير بوجهي كنه مجسم برج بيتزا المائل .. من كبره لاجيت أنام فكيته وحطيته جنبي بسرير أخوي البزر ..! أول ما أنولدت سووا علي فحوصات مخبرية وسريرية لأنهم كانوا شاكين إني شفاط نمل مب آدمي .. ساعدني أرجوك وش أزين بخشمي الكبير ..

أهلين وسهلين بأخوي نون .. بالبداية أحب أقولك عظم الله أجرك بخشمك الكبير اللي الظاهر إن أمك متحومة بلي حوشكم أو خرطوم فيل .. لكن ولا يهمك علاج كبر الخشم عندي وهو على أربع مراحل ..
المرحلة الأولى :
على فكة الريق لازم تشم لك ليمون ابو زهيره لان الليمون فيه مادة تصغر .. وماقد لاحظت اللي يشربون ليمون اغلبهم قزمان ولاجاء بيشغل التلفزيون يحط مركى ..
المرحلة الثانية :
لازم انك تحك خشمك بالجدار مثل مالناقه تحك جسمها بالشبك لاجاها المخاض ..
المرحلة الثالثة :
تحاول تسوي رجيم قاسي لخشمك .. يعني ماتدخل أصبعك بخشمك إلا مرتين باليوم وياليت الأوقات تكون أوقات ذروة ..
المرحلة الرابعة :
تعتزل الناس والعرب عشان خشمك يستحي على وجهه ويصغر من نفسه ..

.
.
.

- 2 -

اقتباس: خ . و . ل من البصرية .. أنا ركبي كلهن سود .. لدرجة إن زوجي إعتزلني من فراشة عشانهم سود ويهددني بالطلاق .. ماذا أفعل ..؟

بسيطة جداً لكنها تحتاج لصبر ومرابطة .. علاجك التالي :
فيه خلطه لازم تسوينها وتحطنها على ركبك قبل تنامين والخلطه هي ..
تجيبين قدر ضغط فرنسي .. وتحطين فيه ماء وتخلين الماء يغلي ويغلي لما ينقطع قلبه .. وبعدها تحطين قطعة سفنجه بوسطها ملح ونمل ميّت ويفضل يكون النمل الميّت مطلع لسانه وهو ميّت عشان اللعاب حق النمل فيه ماده إسمها " الإكتسزوجين " وهي مادة تبيض الأشياء .. وبعد ماتحطين الإسفنجه مع الملح والنمل الميت بالقدر الفاااايح .. تخليين الاسفنجه على ركبك وتربطينها مثل " الشماله " .. وتنامين وتسوين هالطريقه يوم ويوم لا .. لو تسوينها يومين ورى بعض بتموت أنتي وركبك ..!



هذا اللي بجعبتي الحين .. ونفتح بعد مباراة النصر ..

[روح لايسعهآ جسـد]

لو سمحت انا ابي كبسولهـ اكلهــآ
واقلب طبق اصل هيفاء وهبي
لاني بصراحهـ مابي اتزوج سعودي
وشكلي شين مايأهل للاجنبي
ياليت ترد لي هل اللقاء عندك هذي الكبسولهـ ؟
وشــــكرآ

[سحايب نجد]

مو قصة غباء لكن هناك فعلا عيادات ناجحه وتخيل البشعه قمر والاغلبيه نصب

[SAGA]

إذا قصدك خلطات طبيعيه عسل وخيار وهالأشياء عايدي حتى الرجال اللي يهتمون بأنفسهم يسوونها خلطات طبيعيه لتنظيف ونضاره البشرة مافيها شي ..

أما إذا تقصد عمليات تجميل وكريمات فمسكينه الحرمه مفتونه بالزين بس فيه شي قاهرني قبل كم شهر رحت لسوق الداخلي وفيه محل كاتب بلوحه ومعلقها على بابه خلطه ال... لتبييض في خمس أيام ومليااااااااااان حريم يبغونه والسعودي اللي يبيع وربي إنه يضحك عليهن ودي أصرخ بهن وش يحسن به بيصيرن بيض بعد خمسة أيام<<شكلي شطحت عن الموضوع................


بس ياليت تحط قسم لرجااال كودهم يزينون شوي

[بنت آلهاص]

[align=center]مرحبا خن بط

للاسف هذا الموضوع مكرر للعضو العمده العجوز السمنسي

وهذا الرابط المباشر له

http://www.buraydh.com/forum/showthread.php?t=213825

امممم لا اعلم لما الاعضاء كهذا يحاولون التقليد بكل شيء وحتى وصل للمواضيع المتقاربه
,
ولكن ليس انتم من تصنعون هذا فالسمنسي هو وحده فقط

وايضاً ادارة المنتدى لاتسمح للمواضيع المكرره
,

ليت ايام السمنسي تعود لكي نخبره ماذا فعلوا من بعده هؤلاء ....[/align]

[خن بط]

اقتباس:  المشاركة الأصلية كتبت بواسطة نبض قلب     ايه بلغ اشد من هذا بل القادم افضع من كل هذا

الله يستر بس لايحطن جريش بشعورهن علشان يجعدن الشعر .>>شكلي بحط الجريش وصفه لتجعيد الشعر .
قصدت من الموضوع إن الأطعمه ماسلمت من دباشة بعض الحريم ...حررررررراااام شرعا تحطن بوجيهكن وشعوركن طعام . الأفارقه مالقوا يأكلون ومن شدة جوعهم صاروا يأكلون (نمل) . اصحن ياحريم ويابنات ترى النار اكثر سكانها من النساء . تشكراتي نبض

[خن بط]

اقتباس:  المشاركة الأصلية كتبت بواسطة بسومة بريده     وش هالسلطات والمقبلات.... شكله فاتح محل منتجات شاميه لبنه وزيت زيتون وزعتر.... حشى صار فطاير مو وجه اوادم...

علمي هالكمخ اللي ولله لو يعلنون عن منتج جديد لتبييض البشره مكون من قشور فصفص مخلوط بزيت محروق ويضاف عليه قليلا من الرماد إن يحطنه بوجيههن ويدفعن الف ريال . دباشه وسذاجه .
كله علشان مايعرس عليها خخخخخ

[غرشوبه الرعبوبه]

[align=right]من شاف اسم العياده مارجى خير
خنننننننننننننننط بط
[/align]

[غرشوبه الرعبوبه]

اقول دقيقه بس ابسبحن عليكم بصالة انتظارالعياده لمى يجي دوري
تعرفن زحمه ماشاءالله عليهم هالخنابطه ابدعوا وجعلوا من القمل جرادا ..
كان ياماكان في قديم الزمان وسالف العصر والآوان غراب .. شاهد حمامة تمشي
فأعجبته مشيتها لما فيها من ملكية طبيعية .. ففكر بنفسه
وقارن بينه وبينها .. ووجدها تتميز عنه بالكثير .. فحاول
أن يقلد مشيتها .. تدرب وتدرب .. وحاول كثيراً
أن يتقنها ولم يستطع .. فشل فشلاً ذريعاً... ثم أنه
عندما يئس ... أراد العودة لمشيته القديمة .. فأكتشف
أنه نسيها أيضاً .. الان ليس هو بالغراب ولا هو حمامة
فقد هويته بالكامل ..
تحياتي لآل خنابطه

[عــــــازف]

شكل سوقك مااااشي بذا العياااادة ...
بس والله مشكلة ..
ان تزينو قلتووو غبياااات ...
وان ما دفعن فلوسهن على الجمااال ..
جلستو تعيرونهم بالشااااميااات والركب السووود ...
انا اقول كل وحدة تغطي وجهها بخيشة وعسى الضبااان ترضى ...