نعم .... للاسف منت رجال ....

[يمك دروبي]

على طوووول بخش بالموضوع .... واهلا وسهلا بكم :

[align=center]
* لما يتقدم خاطب ويدق الباب عشان راتبها
ويقولها بكل صراحه بعد الزواج
اخذتك عشان راتبك مو سواد عيونك .

للأسف منت رجال




* لما ترضى تجلس بالبيت وأختك أو زوجتك تصرف عليك

للأسف منت رجال


*لما تدق وحده بالغلط وماتصدق 00وتعتقد إنها قاصده وتجلس تمطرها برسايلك واتصالاتك
--رغم إنها وضحت لك إنها غلطانه ---وانت ولاعلى بالك

للأسف منت رجال



* لما تكون طول وعرض وفشخره على الفاضي وبلا وظيفه حتى لو بسيطه

للأسف منت رجال


*لما تجي بحادث سياره أغلبها بنات وتجلس تطالع وتقز بعيونك ---
وتناسيت إنهم مصابات وغصب عنهم حجابهم طاح



للأسف منت رجال

* لما بكل مجلس تقول بصوت عالي
عرفت فلانه بنت فلان وضحكت عليها
وهذي صورها وهذا رقمها


للأسف منت رجال




* لما ينصحووون فيك --وإنت مثل الجدار ماتحس وتستمر في بلاويك وأخطائك


للأسف منت رجال



* لما تكشخ وتتعطر وتدوج بالأسواق بدون هدف
وتكلم هذي وترقم هذي على بنات الناس

للأسف منت رجال



* لما تجي وتطلع أسرار بيتك ---وحتى الخاصه من باب الفضفضه لزميلك-
-وتقول أشياء هي من أدق الأمور لك ولزوجتك



للأسف منت رجال


* لما تخطب وترفضك لأخطاء فيك00أو عدم راحه لها
وتجلس تصمم عليها من باب كسر خشمها وتطلقها بعد زواجك بأيام ---عشان ترد اعتبارك؟؟؟


للأسف منت رجال


* لما تجيك أختك برقم مزعج وتجلس تضرب فيها
وماتصدقها ---وهذاك يألف لك من القصص وانت تصدق

للأسف منت رجال


* لما تاخذ من أمك كم ريال عشان دخان

للأسف منت رجال

* لما تكون فاضي طول الوقت ووقت الصلاة سبحان الله تنشغل

للأسف منت رجال



* لما تسمح لأصحابك يقولون من باب المزح
وللأسف الكلمة دارجه عند الشباب الله يلعن أمك
وتضحك وتقول: الله يلعن أمك أنت



للأسف منت رجال



* لما تكون متزوج أو خاطب
وتخون بكلمه ونظره مع الغير



للأسف منت رجال

* لما تكون كلمه /انتي طالق /عادي تقولها لزوجتك حتى لو الموقف بسيط



للأسف منت رجال

* لما تدق عليك أمك تالي الليل بالإستراحه
وتسكر الخط فى وجهها وتقول: أزعجتنا هالعجوز!!!

للأسف منت رجال


* لما تقول عند أصدقائك هالشيبه واقف بطريق سفرتى معكم
تقصد أبوك

للأسف منت رجال


* لما تقول عند أهلك بروح عمره وإنت خارج الديره تدور البنات والبلاوي

للأسف منت رجال




* لما ترفض خطيب لإبنتك أو أختك
عشان تستفيد من راتبها

للأسف منت رجال




* لما تكون وسيلة التفاهم عندك لأهل بيتك يدك مو لسانك

للأسف منت رجال



* لما تخجل من شغلة أبوك البسيطة اللي أكلك وشربك منها

للأسف منت رجال


* لما تعتقد مجرد إعتقاد أن الرجولة بس تربية شوارب وفتل عضلات

للأسف منت رجال




* لما تقسط لك زوجتك سيارة من راتبها وتتزوج عليها ثانية
وتاخذها برحلة بسيارتك على حساب الأولى

للأسف منت رجال




* لما تفرق بين بنتك وولدك
وتقول هذا ولد عزوه والبنت تنطق ماتنعطى وجه؟!!!

للأسف منت رجال



* لما تنسى بيتك وزوجتك وعيالك
وتروح مع الثانية دون عداله

للأسف منت رجال



* لما تاخذ حقك من زوجتك بالغصب وهي زعلانة
من غير ما تراضيها وتعتبر هالشي حقك ورجولة منك

للأسف منت رجال




* لما تتخلى عن أعز ربعك بوقت شده

للأسف منت رجال







* لما تصرخ بوجه أمك إرضاء لزوجتك بغض النظر من المخطي

للأسف منت رجال


*لما تنقل حكي من واحد لواحد نميمه

للأسف منت رجال



* لما تشوف بنت في حالها
وما تعطي أحد وجه
وتقول: على إيش شايفه نفسها بكسر خشمها

للأسف منت رجال



* لما تصدق كلام حاسد وعاذل برفيق دربك
من غير ما تسمع منه وتعطيه فرصه يوضح لك

للأسف منت رجال





* لما فجاءه تكتشف بعد زواجك
أنك ما حبيت زوجتك بعد ماجبت منها عشر عيال
جاك الإحساس مشاء الله بدري عليك؟؟
وتقول لها ما أحبك----؟
وجرحت كرامتها


للأسف منت رجال





الرجولة غير الذكورة
مو كل من لبس غتره وعقال صار رجال
مو كل من له شارب ولحيه صار رجاال
الرجوله
مواقف
وكرامه
وتصرف
ما كل من صاد صقر صار صقار
بعض الصقور وقت الشدائد دجاجه
في زمانا أصبحنا لا نفرق بين البنت والولد
حتى في الملابس





أنا لا اقصد الكل ولا اقصد شخصاً بعينه
وايضاً لا اقصد الإهانة ابداً
لكن هم فئة من الرجال
وأكيد الكثير منهم ونعم الرجال
كثيررووووووووووووووون هم الذكور
قليلون هم الرجال[/align]

[نـدى الـورد]

للأسف كثير من يتصف بهذه الصفات

اذاً نسبة إنعدام الرجوووله عاليه ولله الحمد

.

[بقايا انسان]

صدقت
الله يعطيك العافيه
تحيااتي

[طمووح انثى]

فعلا سلمت يمينك .....

[هلاوين]

الرجل رجل مهما عمل او فعل لكن عمله المشين والقبيح ينقص من قدر رجووووووولته .


الاليت الرجال تفقه وتعلم ماينقص رجووووووولتها وتطووووور ذاتها.


تشكراتي لك

[العنقريه]

ماتت الرجوله الله يخلف اكثرهم يتصفون بهالصفات

[دمي ولا دمعة امي]

الله يخلف بس

شكريااااااااااااااات .

[الخالة نوسة]

يسلم بؤؤاك عالكلام القميل دهـ
يسلمو

[مشروع فيلسوفة]

اعجبني الموضوع ..

[سَـاكنة القـلب]

[align=right]
يـارب رحمتك
أصلًا من فيه رجال هالزمن ؟!
هذا السؤال !

كلها تعوووور القلب .. بس في ثلاث قوية بالحيل
حسبي الله عليهم


للأسف منت رجال



* لما تكون متزوج أو خاطب
وتخون بكلمه ونظره مع الغير



للأسف منت رجال

* لما تكون كلمه /انتي طالق /عادي تقولها لزوجتك حتى لو الموقف بسيط



للأسف منت رجال

* لما تدق عليك أمك تالي الليل بالإستراحه
وتسكر الخط فى وجهها وتقول: أزعجتنا هالعجوز!!!
[/align]

[تــــيــــمـــو]

اقتباس: *لما تدق وحده بالغلط وماتصدق 00وتعتقد إنها قاصده وتجلس تمطرها برسايلك واتصالاتك --رغم إنها وضحت لك إنها غلطانه ---وانت ولاعلى بالك للأسف منت رجال

يووووهـــ يهبل كل ذا هب رجل...هههه
وانتي الصادقه وهذي كثير تصير..
ومتشكرررهــ ياعنوني ياخيتووو

[Princess Flair]

آخـــخ
وجد مافيه رجال باللدنيا اللحين

[S e n s a t i o n s]

للاسف ..!
كثيررووووووووووووووون هم الذكور
قليلون هم الرجال << كلام بالصميم

[دانة الروح]

فعلآ للأسف منت رجال

كثيررووووووووووووووون هم الذكور
قليلوووووووووووووون هم الرجال ..!

تحيتي لك اخوي

[كلي اجراح]

يسلموووووووووووووووووو على الطرح الجميل والرائع