. !!..اعترافات طفوليه..!! .

[جــونــآن]

. !!..اعترافات طفوليه..!! .



نتساءل نحن والذكريات دوما عن سرٍ ..!!
هل كنا أطفالا نلعب / نضحك / ونلهو ...؟؟
أم كنا طيورا .. فوق الشمس نحلق /نُغني /ونطير ..؟؟
هل كانت أيامنا أسراب حمام وهديل ..؟!
أم كانت أوهاما .. وسرابٍ في الأرض يسيل ؟!
يسكننا فرحٌ وحب كثير
يجهلنا حزنٌ وهم كثير
نجري كالنهر ونرقص كنسمات عليل !!



***************************


تلكـ هي الطفولهـ
تحمل الكثير من المواقف والذكريات
ويخالطها الحزن تاره والفرح تارة أخرى






ولكـن ؟؟


تبقى الذكريات هي سيدة الموقفـ ؟؟

فهيا لنبحر سوياً في بحر الذكريات


ولنتذكر سوياً كيف كانت طفولتنا

وبراءتنا وما أجملها من أيام


*************************


(( الاسئله ))



نشيد كنت تحبيه أيام الطفوله ؟

شخصيه كرتونيه كنت تحبيها ؟؟<< مغامرات نحول هع هع قووه




كيف كنت ايام طفولتك مشاكسه ولامؤدبه ؟؟




ماهي المواقف التي عرضتِ فيها اهلك للاحراج؟؟




هل كنتِ ذات شخصيه قويه أم مغلوب عليه ؟؟




موقف حصل في طفولتك كان له دور في تغيير مجرى حياتك؟؟




كم اكبر عيديه جمعتيها ؟؟ ومن مين ؟؟






كنتِ بأي صف لما بدأت تصومي رمضان ؟<<< فضيحه






يوم كنت صغيره وش هي تسريحتك المفضلة ؟؟ << كله جديله

يوم كنت صغيره تلعبي بكمبيوتر العائله ؟؟





اكبر مغامره قمت فيها وانت صغيره.؟؟؟




من هو الشخص اللي يقع دائمأ في شر اذيتك..؟؟؟

يوم كنت صغيره كنت تترأسي عصابه ام انك كنت عضوه فيها فقط؟؟<< هع هع والله من اللعانه







من كـان يدلعك أكثر ؟؟ ابوك ولا امك ؟




كم مره انضربت من أحد والديك ؟




هل كان لديك اســم دلع بالطفوله لهالحين ينادونك فيـه ؟؟ وماهو ؟؟؟؟؟





في طفولتك كنت تبكي لما تجلسي في الاول في الطابور اوالفصل ؟؟




هل كنت من رواد السن توب ؟ وتجميع ملصاقته ؟





كنت دبه واكوله وانت صغيره ولا نحيفه وتنغصبي على الأكل ..؟؟؟





هل عندك لعبه موجوده من صغرك إلى الآلآن ؟ وماهي ؟؟





تذكري من اول مـعلمة درستك ؟؟ وايش اسمها ؟







طيب وش تقولي لها لو شفتيها هالحين ؟ افتكرتيها !!! هاذا لو تذكرتيه هع هع





هـل كـنت تـعانـين مـن اخـطاء فـي مخـارج الحـروف ..؟؟




وانت صغيره يشبهوك على مين من العائله..؟؟؟




ايش ترتيبك بين أخواتك وأخوانك ؟







هل لديك صديقات من أيام الطفوله وإلى الآن ؟ وكيف هي علاقتك معهم ؟ وهل تتواصلين معهم إلى الآن ؟






و أخيراً ...
ايش الموقف اللي دائماً يُحكى عنك سواءً من ابوك ولا امك ولا أحد من أهلك ، راسخ في أذهانهم إلى الآن ؟ وما ينسوا لك ؟






يللللله بناااات اعترفن هع هع

[بدرالوابلي]

وشو لون الهيلا هوب اللي تلبسينه ؟مابقى الاذي ؟؟

[إزعاج]

وشو جونآن كل ذولي اجآوب عنهن <-- تسنه زملت هههه

[جــونــآن]

اقتباس:  المشاركة الأصلية كتبت بواسطة بدرالوابلي     وشو لون الهيلا هوب اللي تلبسينه ؟مابقى الاذي ؟؟

ههههه

يسلموو ع المروور

[جــونــآن]

اقتباس:  المشاركة الأصلية كتبت بواسطة إزعاج     وشو جونآن كل ذولي اجآوب عنهن <-- تسنه زملت هههه

ههه ايه وانااا اختتس هه

بلالا كسسل

[≈ Śķőőŋ »]

نفس موضوع بي طبع من الجن !!

[جــونــآن]

اقتباس:  المشاركة الأصلية كتبت بواسطة شواطئ الأنتظار     نفس موضوع بي طبع من الجن !!

اهئ اهئ ,,
اججل انتظظر رساله الحذف ههههه,,

[موسى العناز]

[align=center]جنو موضوع روعه كـ عادتك

يشرفني الحضور مع أن الموضوع يبدو انه للنساء فقط

يسلمو جنو[/align]

[دخل مزاجي وعاجبني]

موضوع اكـــثر من رائع خيتوووؤ جوناآان


بس لازم نجـــــــــاوب >>>خخخخ وقفت عليكـ


والله من الاجراااام ايااام الطفوولهـ

واتذكـــر كل ماشفت بنت خالووؤ حكايهـ احساس تماعطناا بالشوش

ومايفكناا الآآ اخوها الكبيــر>>>هههههآآآي

[البـــBADERـــدر B.D.Q]

اقتباس: يللللله بناااات اعترفن هع هع

اقتباس:

وخري مالي دخل حتى انا ابجاوب وش حيث الحرريم

نشيد كنت تحبيه أيام الطفوله ؟

فيه نشيد دايم ادندنه بيني وبين نفسي وكنت مشهور به مره.. يقول لك ( يا صغار ياحليون اشربوا الحليب .. للصحه للقوه اسئلوا الطبيب .)

شخصيه كرتونيه كنت تحبيها ؟؟<< مغامرات نحول هع هع قووه

كنت احب الهدر جازورا وكابتن ماجد ورابح وهالي يلعبون كوره وماغير تمزيع بخشش بعض
كيف كنت ايام طفولتك مشاكسه ولامؤدبه ؟؟

لا مؤدب مره وكنت استحي قوووه حتى من ظلالي
<< الظاهر يوم تجيبه امه متوحمه ببنت

ماهي المواقف التي عرضتِ فيها اهلك للاحراج؟؟

اذكر كنت عند جدي الله يرحمه ويغفر له جالس عنده بالمزرعه
المهم دخل علينا شايب خوي للجدي وجلس معنا
وهالشايب الي دخل علينا كان وصخ بشكل غير طبيعي وريحته تصرع الي كراعينك
المهم قال لي جدي قم يابدر حب راس عمك
المهم اان رديت وجبت العيد قلت لا منب قايم صديقك وصخ ريحته مقرفه
واذكر جدي هاشن يوم طلع الشايب وقال لا عمرك تقول هالكلام للاحد عيب عليك

وهذا موقف ثاني **

الوالد كان شاري غنم وكان بوه معزى اموت عليه اول ماجي للمزرعه انقزر اروح لمه واوكله وحالتي حاله انا واياه مسوي روميو المليدا ههه
وكانت المزرعه ذيك الايام بعيده شوي وكنت انشب للابوي قل يوم الا ابروح للمزرعه علشان اشوف هالمعزى حبيبه قلبي
وابوي مهوب فاضي لي ويقول باتسر نروح اليوم انا مشغول .. واول مياقول لي هالتسلمه تبدى دموعي تنهمر وبعنف
الين ذاك اليوم جا خالي( خال ابوي ) وشرى الغنم كله من ابوي وشالهن معه .. طبعا انا دريت بالموضوع ان خالي شرى الغنم كلهن وكالعاده صياح ههه ذاك اليوم دخل علينا خالي بالبيت وقال ابوي تعرف هذا يابدر منهو ؟
قلت ايه هذا الي شال خروفي ماحبوه طلعوه من البيت
<< اقشر لا زعل هههه

هل كنتِ ذات شخصيه قويه أم مغلوب عليه ؟؟

لا كنت مسالم مع الناس لكن مع اهلي ياويل الي يقول لي لا اكوفنه واخربط بخشته


موقف حصل في طفولتك كان له دور في تغيير مجرى حياتك؟؟

موقف لا استطيع ذكره .. ارجوا المعذره
كم اكبر عيديه جمعتيها ؟؟ ومن مين ؟؟

مادري ماقد عديت الفلوس يعني كان تجيني الفلوس باكثر من مناسبه بالعيديه وبالنتايج
تخبرون دافور كنت اطلع الثاني على المدرسه
<< الحين مفاحط بالجامعه الين ماقال اليله عيد


كنتِ بأي صف لما بدأت تصومي رمضان ؟<<< فضيحه

هههه الظاهر اني مابديت اصوم صدز الا بثاني ثانوي
الله لا يعاقبنا ههه


يوم كنت صغيره وش هي تسريحتك المفضلة ؟؟ << كله جديله


ماكنت لي تسريحه معينه كنت افل شعري الين خوصري
وكنت البس فونكه فوشيه

<< ----




يوم كنت صغيره تلعبي بكمبيوتر العائله ؟؟

ايه والعب الفطر واتحمس واعضض هاللسان تسن به علم


اكبر مغامره قمت فيها وانت صغيره.؟؟؟

الدخان
بس الحمد الله الي فكن من شره


من هو الشخص اللي يقع دائمأ في شر اذيتك..؟؟؟

ههه بنت عمتي كانت تكفخن تكفيخ
مفتحه بخشتي شوارع ههه
الين كبرت شوي واخذت حقي وحق غيري
اذكر حتى لا دخلت عليهم وهي موجوده تقعد تصيح وتركض للامه .. وكنت استفرد عضلاتي عند باقي العيال يعني شوفوا انا الرجل الي مهجدهم


يوم كنت صغيره كنت تترأسي عصابه ام انك كنت عضوه فيها فقط؟؟<< هع هع والله من اللعانه


لا كنت عضو بس زي مايقولون لي تاثير قوي مع اني كنت اصغر واحد بس كلمتي هي الي تمشي

من كـان يدلعك أكثر ؟؟ ابوك ولا امك ؟

ابوي
امي ماغير مكافخ انا واياه << امه مايرتاح باله الين تشوف ولده حمق علشان تضحك عليه

كم مره انضربت من أحد والديك ؟

نادر جدا للدرجه اعتقد انه مره او مرتين فقط


هل كان لديك اســم دلع بالطفوله لهالحين ينادونك فيـه ؟؟ وماهو ؟؟؟؟؟


الى الحين لا ... بس كان يدلعوني بدير[
عاد مادري هو دلع ولا معياره ههه

في طفولتك كنت تبكي لما تجلسي في الاول في الطابور اوالفصل ؟؟

وشلون ابكي واجلس باالطابور الاول
مافهمت

هل كنت من رواد السن توب ؟ وتجميع ملصاقته ؟

لااااااع
ماحبوه حامض

كنت دبه واكوله وانت صغيره ولا نحيفه وتنغصبي على الأكل ..؟؟؟

لا كنت مدبدب وكان لي خدود هههه


هل عندك لعبه موجوده من صغرك إلى الآلآن ؟ وماهي ؟؟


لا محسوبك دفش اللعبه ماتصمل معه شهر
ياخاقله ومتكسره
يا صاكن به راس احد

تذكري من اول مـعلمة درستك ؟؟ وايش اسمها ؟

ايه اذكر الاستاذ الصالحي الله يطول بعمره يارب ويقدرني على رد افضاله علي



طيب وش تقولي لها لو شفتيها هالحين ؟ افتكرتيها !!! هاذا لو تذكرتيه هع هع


اكيد بشكره واعبر له عن امتناني للي قدمه لي

هـل كـنت تـعانـين مـن اخـطاء فـي مخـارج الحـروف ..؟؟

لا العن مابي للساني هههه

وانت صغيره يشبهوك على مين من العائله..؟؟؟

نسخه من ابوي الله يطول بعمره



ايش ترتيبك بين أخواتك وأخوانك ؟

التسبير


هل لديك صديقات من أيام الطفوله وإلى الآن ؟ وكيف هي علاقتك معهم ؟ وهل تتواصلين معهم إلى الآن ؟

ولله الحمد كل اصدقائي الي الحين انا معهم هم اخوياي من عمر 7 سنوات
وللمعلوميه لا تربطنا لا قرابه ولا غيره

<< وافي


و أخيراً ...
ايش الموقف اللي دائماً يُحكى عنك سواءً من ابوك ولا امك ولا أحد من أهلك ، راسخ في أذهانهم إلى الآن ؟ وما ينسوا لك ؟

ياطويله العمر هذا مره كنت مع ابوي طالعين للبر وكان عمري تقريبا 9 سنوات
المهم كانت الوالده مرقده بالمستشفى الله يطول بعمره
وكان ابوي يسولف علي يقول امك تعبانه وانا خلاص ابعرس على وحده ثانيه ( كان يمزح معي وبيشوف جس نبضي ورده فعلي ) فا وش رايك
المهم انا فتحت الباب ونزلت من السياره وهجيت وقعدت اصيح وعيت اركب ثانيه هههه
طبعا انا ماذكر هالسالفه بس قبل فتره سولفت عليه الوالده به

[ملامح خجولة]

ياااااااااااااليل ما اطولك جت الدرااااسه الخميس اللي يجي نسهر عليهن ^^

[رواسي]

اقتباس:  المشاركة الأصلية كتبت بواسطة بدرالوابلي     وشو لون الهيلا هوب اللي تلبسينه ؟مابقى الاذي ؟؟

[الزنون]

[align=center]

اقتباس: يللللله بناااات اعترفن

يعني الموضوع خاص بس بالسعالوى
حنا يا الحلوين ما لنا دخل؟

اجل انا اليوم مؤدب ولا راح اجاوب

تحياتي

[/align]