في داخلي جمر لكـن ما يدفيني
______ من يشعل النار في صدري ويدفابي
من يجمع الغيم بيدينه ويسقيني
______ واصب عيني لعينه واحطب اهدابي
من ياخذ النوم من جفني ويسريني
______ ويعلق الصبح قبل اصحى على بابي
تعبت اوطّن بقلبي شخص ينفيني
______ تعبت اهجّر حمامِ حب محرابي
تعبت اقطّف حروفي من بساتيني
______ والناس تُـعجب وانا مانلت اعجابي
يا اول الحب وينك او انا ويني
______ تغيب عني كأنك تعلن اغيابي
من غبت عني وانا والله مابيني
______ ضيقت خلقي وضاقت فيني ثيابي
اعد عمري الحقيقي واحسب سنيني
______ لقيت عمري معك ماجاوز اتعابي
طلبت قلبي وقلت ابشر ومن عيني
______ واعطيتك اللي تبيه وقلت بسبابي :
يبذر بي الحب من صغره ويجنيني
______ الين شفتك زرعت الموت بترابي
حريتي معك ! لكن عطني ايديني
______ اخفي بها حزن متسلطن بأهدابي
محتاج انام ودخيلك لا تصحيني
______ الا على انفاسك اللي تشبه اطيابي
.................................................. ...................................تشبه اطيابي
.................................................. .......................................تشبه اطيابي
العرض العادي
