سبحان الله مايأيد حضور الأطفال الا الرجال لأن بزارينهم يجلسون في حلوقهم اذا صارت الحرمة بالزواج ,,
فيه قاعات افراح فيها العاب اطفال مع كونها تمنع دخول الأطفال ,,
لكن المنع يكون داخل القاعة ,, و الساحة الخارجية فيها الأطفال وخادماتهم ,,
وهنا الكل يروح وينبسط ,, ومايعني عدم دخولهم للقاعة انهم ماانبسطو ,,
المفروض الرجل يفرغ نفسه بالليلة اللي يكون عند زوجته زواج ممنوع اصطحاب الأطفال فيه ,,
ويجلس يأكلهم ويغير لهم ويرضعهم وينومهم ويلعبهم الين تجي حرمته من الزواج ,,
بعدين راح تجي تعبانة من الرقص والإزعاج والدوشة طبعا تدخل وتنام ,,
وتخلي الزواج مع اطفالة الين الصباح ,, بعدها تاخذ بزارينها ويادار مادخلك شر ,,
اما اطفالكم شموع فهم فعلا شموع بس كل خلوها تضيئ في بيوتهم مو في زواجاتنا الإيتيكيت ,,
بعدين المشكلة الآن مو في الأطفال لأن الأطفال منتهين من أمرهم ,,
وغالب قاعات الأفراح الآن تمنع دخول الإطفال من إدارة القاعة مو من اهل العرووسة ,,
لكن المشكلة اذا قالو عجايزكم شموع تضيئ غرفهن ولا تجيبونهن يحوسن عرسنا لأن فيه اغاني واستهبال ,, وايضا خادماتكم شموع تضيئ مطابخكم ,,
كل وحدة تكشخ وتجي بس لانشوف امها اذا كانت عجوز ولا بزارينها ولا خادمتها ,,
هذي زواجاتنا الحين ,, وبعد هالتنظيم والخبّة يتطلقون من ثاني ليلة ,,
اكيد عجوز من هالعجز مانعينها وداعية عليهم هه ,,
ممنـــوع الدخـــول منعـــاً بـــاتــاً ...
العرض العادي
