السلام عليكم ورحمة الله وبركاتة
اليوم حبيت احكي لكم عن شهر العسل , وين رحنا وين جينا وأيش سوينا وأيش هببنا
طبعاًاخو المدام يعرف أمير عشان كذا طلع لنا إقامات عشان نسافر برا وكان كل شيء على حساب خالي (ابو زوجتي)
طبعاً أنا عندي عزة نفس عشان كذا مارضيت وعلى طول رحت للبنك وسحبت 3000 ريال كاش وأعطيتهم أم المدام.
طبعاً بنسافر بالطيارة وكان هذا اول ركوب لي بالطياة والحمد الله ما خفت لاني كنت كثير العب بملاهي الحكير بأشياء زي كذا
المهم صحينا الصبح وكنت جايب خبز خباز و جبن و طحينية وافطرنا وطلعنا للمطار .. وركبنا الطيارة واول ماركبنا تذكرت الايام الخوالي ,, يوم كنت اروح لابها مع النقل الجماعي والله كنت شوي وتدمع عيني على الاجواء الرومنسية بين القرودة ذيك الايام 
المهم جلسنا قدام بالطيارة وجتنا الشغالة حقتهم وكان معاها كيسان خمر أستغفر الله طبعاً هي خواجة وماتعرف عربي زين وتتكلم بسرعة لدرجة اني اوقات ماافهم ايش تقول المهم .. سألتني : شو بتحب تشرب خيو .. نكتار التفاح ولا نكتار العنب ؟ قلت : لا أستغفر الله ,, ابغى قهوة "بدون هيل"بعدها التفت على المدام وسألتها تبغين كيك ؟؟قالت لا قلت حتى انا زيك ماأبغى لانة يجيب لي الدوخة ..
المهم السواق كان مطوع جزاه الله خير وقراء دعاء السفر وقال :بالأنجليزي تمسكو ( المدام تخصصها انجليزي ) طبعاً انا قمت وربطت المدام بقوة وربطت الحزام حقي معاها عشان لو نطيح لاسمح الله نكون مع بعض عشان انقذها.طبعا الطيار اسرع بقوة وطلع جبل (عشان نطير ) وفعلاً الحمد الله طرنا,, عاد قلت للمدام أن شاء الله اذا رجعنا بنسويها أنا وانتي بالمزرعة .. ضحكت بخجل .. وقالت الله يرجعنا على خير يارب (طبعاً أنا فهمتها على طول "ودها ترجع عشان نسويها")
المهم نمنا وصحينا على مطب قوي ,, بعدها بدقائق قال السواق بالأنجليزي أننا وصلنا,, طبعاً نزلنا وكانت زوجتي هي الي تسأل (لانها دارسة العربي بالإنجليزي عشان كذا تفهم كلام الخواجات) 
ركبنا مع خواجة توه قايم من النوم (عيونة متنفخة ولسى مافتحت زين صايرة كأنها فستق بالليمون )رحنا للفندق وتعشينا فول سوداني وجبن سائل (جايبهم معي بالشنطة) 
بعدها نمنا و لما صحينا الصباح ركبونا باص وجلسنا نفترج على مزارعهم نسيت اقولكم أيش الدولة ,, الدولة أسمهابالتذكرة كذا( Malaysia- MMG97J44S1 )على فكرة الأرقام الي بالأخير رقم تلفون الدولة عشان تتصل عليهم وتعطيهم خبر أنك بتجيهم.
طبعاانا لاحظت ان شعبها أغلبهم حريم و أطفال ومراهقين !! (الي طالع لهم شنبات مرة قليل!!) وكسولين جداً والدليل ان عيونهم 24 ساعة متنفخة من النوم.المهم لما صار الظهر قالت لي زوجتي انا عازمتك على مطعم بحري بالفندق قلت علي الطلاق ماحد يدفع غيري ,, قالت طيب .. طبعاً كنت مجهز بدلات للسفر ,, المهم لبست بدلة المنتخب 
ونزلنا للمطعم وجتنا حرمة شايله شعرهاموس !! (صلعاء) 
ولابسة جنز !!وييدينها معضلة وفيهم شعر وصوتها خشن كأنها رجال !!! لدرجة أن زوجتي كانت تتغطى على طول اذا جت الحرمة ذي .
المهم أعطتنا كتيبات قصص يالإنجليزي عشان نسلي أنفسنا 
على مابال يجبون الاكل ,, طبعاً زوجتي راحت إلى آخر صفحةثم ناظرتني وقالت هاه وشر رايك ,, أنا على طول سويت نفسي أعرف اقراء وقلت لاتحرقين علي القصة وتقولين أن بطل القصة مات << دايم تصيير لي ,, أحباااااااط والله
ضحكت ثم قالت طيب وش تحب تاكل ؟قلت: زر ودجاج أو 2 شاورما مع واحد سفن .. قالت هذا مطعم بحري يعني ماعندهم دجاج !!! أنا لما شفت السالفة كذا قلت تبغين الصراحة انا ما اعرف آكل قواقع 
,, واذا تبين الجد انا ما اعرف أكل الا الي له رجول ,, ضحكت ثم قالت طيب تبي تونة !!
قلت التونة من الخشب وش جابها للبحر !! 
ضحكت وقالت كيف عرفت !! قلت لما تفكين علبة التونة تلاقين غصن شجرة متبل بخل !! جلست تضحك !!!بها الاثناء جت الاخت الصلعاء وطلبت منها زوجتي وجبتها وكانت Tissue Please , قامت الصلعاء وعطتها مناديل ,, قلت هاه وش تحب اطلب لك ؟
(أختي كانت دايم تقولي خلك كشخة وديجتل مان قدامها)قلت زيك Tissue بس يكون لين وما فية ملح 
,, قامت الصلعاء واعطتني انابعد مناديل.
*طبعاً أنا مثقف وكل عمري أقراء جرايد ومجلات ( طبعاً هذي عادة عند بعض الشعوب يعطونك مناديل قبل الأكل)عشان لو لاسمح الله جاك خبر محزن 
تلاقي مناديل تبكي فيها,,ناس فاهمين والله
ضحكت وقالت خلاص بطلب لك على ذوقي !! طبعاً أنا كان بخاطري شيء من زمان نفسي أقولة للمدام بس مدري متى الوقت المناسب ,, وقلت هذي أحسن فرصة بحياتي ,,طبعاً زوجتي تشبة وحدة من الممثلات ,, عشان كذا أستغليت الفرصة وقربت منها,, وقلت لها بقولك شيء..قالت خير أن شاء الله ,, قلت ممكن توقيعك 
؟
بها الوقت الذهبي بالذات جت الزفت الصلعاء 
وخربت الفرصة علي ,, وحطت قدامي صحن ابيض فوقة شباصة برتقالية 
!!! وحطت قدام زوجتي صحن فية حلزون 
!!! وجنبة صحن فية رز محروق (بني)وفوقة مكسرات كاجو مقلية !! 
قلت للمدام هذي الشباصة هدية من المطعم لك (صدق ناس ذوق مو زي هرفي يعطيك رجل فضاء ماتدري وين تحطة) ,, واناباخذ الحلزون وبحطة فوق مكتبي بالدوام ان شاء الله
قالت لا هذا الي عندك حيوان بحري أسمة أستكوزا مو شباصة !!والي عندي أسمة روبيان !!بصراحة ياناس عجزت آكلة ,, حاولت اقنع نفسي بانة دجاجة بس المشكلة مالة ريش
نسيت أقولكم ,, من الغرائب بذاك المطعم أن المحاسب داهن راسة بفازلين !!(شعرة رطب و يلمع !! )
وبس ,, عاد قولو لي أنتم وش سويتو بشهر عسلكم؟
الجزء الثالث: الهباب الي صار لي في شهر العسل
العرض العادي
