الله أبو أبو أبو إبليسكم يا هالشهبان والشهباوات
نعنبوا بليسكم خويكم غايبن له أكثر من شهر
ولا أحدن سأل عنه أنتم وخششكم
ماتقولون : وين هف له هالاشهب ؟
طيب وين راح ؟
عسى ما مات ؟
لكن ما أقول الا الله يمحشكم عن الأرض أجمعين يالشيون
أكيد بعضكم فاقدن !! ويقول الله يستر وين هف هالأشهب
وطبعاً تحسبون إني بالسجن حتى أنا أحسب إني بالسجن
بس أشوى طلعت مسافر 
أول شي .. أعتذر عن التأخير اللي صار في هالحلقه هذي
بس فيه ظروف سفر الأسبوع الماضي ولا قدرت أنزلها
المسامح كريم بأه .. متعأدهاش يا فندم .. فوكهاااااااااا
وهذي نوووكته لعيونكم
مدرسة بالروضه قالت : كل واحد يقول لي من يحب ؟؟
الأول قال : بابا
الثاني قال : ماما
الثالث قال وبنظره خبيثه : أحبك أنتِ
المدرسه : بس أنا ما أحب الأولاد
قال البزر : آيه مو ضروري نجيب أولاد 
بسم الله نبدأ بالسب والشتم
(( كفاني عذاب ومشروبه الوهمي مشروب الطاقة ))(( كفاني عذاب )) وأخوه اللي أكبر منه طوول عمرهم يتضاربون مع بعض
ومن عرفتهم وهم يتهاوشون و يرمون على بعض حصى .. مراكي .. بلك .. تلفزيونات .. دبات غاز .. سياكل .. مستعمل جديد << ضيّع يحسب نفسه يكتب لوحة محل
كل شيء جربوا يرمونه على بعض !
المهم كان (( كفاني عذاب )) دايم يتصفق 
ومع أنه ما عمره صفق أخوه
إلا أنه كان دايم يحاول ومصمم إلا أنه يصفقه !
في يوم من الأيام وبينما هو يتابع التلفاز لفت نظره إعلان خطير!!
كان إعلان لإحدى مشروبات القوة والنشاط
الولد (( كفاني عذاب )) خق على الإعلان وعلى طول طمر لأقرب بقالة جمب بيتهم وشرى المشروب ورجع للبيت
أول ما وصل للبيت فتحه وبدأ يشرب وهو يقول في نفسه
(( خلاص الأيام اللي يصفقني أخوي فيها ولت هههههههههه ))
شرب نصف المشروب وبعدين
قال : خلاص ماله داعي أشربه كله ومن زود النشاط والقوة أذبح أخوي 
!
بعد ما شرب المشروب راح يحارش أخوه الكبير
وكالعادة وتصفق ولم يفد هذا المشروب بأي فائدة تذكر !
# ترى السالف ذي قديمة .. أول ما طلع مشروب الطاقة يمكن يعني الولد ما ينلام لو صدق وأشتراه .............. أنتهى !!
(( الريم غرامة بوسط زباله ))
XX تم التحرير صور نسائيهXX
(( الريم )) سلمكم الله عندها أخوات أكبر منها وأصغر منها
وهي توها متخرجة من الثانوي
المهم بالبيت ما عندهم خدامة كل يوم الدور على وحدة من البنات تطبخ وبعدين ترمي الزبالة (( الله يكرمكم )) عند الباب
المهم جاء دور (( الريم)) وكانت سهرانة مع اخواتها ألين الساعة (( 2 )) الصبح
وبعدها خواتها طلعوا ينامون فوق
هي قعدت تنظف المطبخ وتشطب عليه
وقامت طلعت الزبالة عند الباب
المهم (( الريم)) قالت ليش أحطها عند الباب خليني أتشجع وأرميها بالزبالة أحسن 
وطلعت بره بالشارع وكان الشارع فاضي مرة
وكانت الساعة حوالي (( 3,30 ))
المهم يوم جت تطلع ترمي الزبالة المهم الهوا صك باب بيتهم 
وقعدت المسكينة بالشارع
فكرت ترن الجرس خافت أبوها يهاوشها ويسويلها شيء (( لأن أبوها شديد ))
وطلعت بالشارع ما عليها إلا ! قميصها حق البيت
وكان القميص مقنصع (( يعني فيه شقوق ))
المهم حست أن صوت يقرب .. صوت سيارة !!
قامت ونطت بالزبالة ودخلت جواتها
المهم كان اللي جاي ولد الجيران .. كان توه جاي من إستراحة
المهم جاء ولد الجيران ووقف السيارة وطلع المفتاح عشان بيدخل للبيت
إلا يسمع صوت يتحرك بالزبالة؟!
وأستغرب إن الزبالة مقلوبة قام قرب من عندها
و جا بيرفع الزبالة ويزينها ...إلا صرخت البنت
وقالت : لالالالا
قال : بسم الله الرحمن الرحيم .. إنتي إنس ولا جن ؟!
قالت : والله إنس 
قال : إنتِ وش جابك هنا ؟؟!!
وقالت له : القصة وهي متغطية بالزبالة وترجت ولد الجيران يساعدها
قال : خلاص لا تخافين ... قام قرب سيارته من باب البيت و ركب فوق السيارة ونقز وفتح للبنت الباب
وقالها : أدخلي بسرعة لا أحد يشوفك يالشهباء
قامت مسكينة ما صدقت رمت الزبالة .. وطلعت كذا قدام ولد جيرانهم المهم دخلت وقفلت الباب على طوول .... وولد الجيران واقف ما تحرك يناظر فيها أحم أحم 
المهم .. ما مر على هالسالفة يومين إلا جاء ولد جيرانهم وخطبها من أبوها وتزوجها
الله لنا .. حركات والله .. قصة غرام (( الريم )) بوسط زباله
عسى اللي عطاك بكريك يعطينا بمنقاش
أنتهت !!
(( الأمل الظامي تسوي رجيم قاسي في الربع الخالي ))
XX تم التحرير صور نسائيهXX
الأمل الظامي بعد النحف
قرر أهل (( الأمل الظامي )) إنهم يجبرونها على الرجيم بعد مازادت مصاريف البيت بسبتها
وكانوا كل شي يحطونه بالثلاجه يجيون مايلقونه
حتى كراتين الفلين حقات الخضرة اللي بالثلاجة تاكلهن
لذا قرروا أنهم يخلونه تسوي رجيم غصبن عليها
وأقترح أحد أخوانها إنهم يرمونه بالربع الخالي بدون أكل طول الإجازة
وفعلآ شالوها وشروا لها عنزين ورموها ترعى بهن بنص الربع الخالي ورجعوا لها بعد الاجازة
فلقوها ناقصتن (( 400 )) كيلو
ولكن لونها متغير فقد تحول لونها من أشهب ممشدز إلى أسود محروق بفعل حرارة الشمس
وتركوها بالربع الخالي لأن شكلها يفشل بعد تغيير الصبغه والترهلات التي غزت جسمها
وصارت للشمس والهوى .. واللي يبغها ترها يابسه هناك
يروح يربصها بمويه نار مع فازلين وعساها تزين .......... أنتهى !!
(( عبووودي زمان وحياة التفصيلية ))
طبعاً لو أبكتب لكم تفاصيل حياة هالكائن تسان ألفت فيه
كتاب كبر جبهة (( سامي الثنيان ))
بس أنا أبعطيكم نبذه بسيطة عن حياة هالكائن
وإن شاء الله نكمل الباقي بعدين .
(( عبووودي زمان )) هو كائن حي بعضهم يقولون إنه نبات وبعضهم يقولون حيوان وبعضهم يقولون إنه إنسان
بس أكثر الناس واللي يعرفونه من يوم إنه صغير يقولون إنه كان طحالب
بعدين تجمعن على قرد بعدين صار شيء غريب لا يعرف له أسم ولا شكل
يوم صار عمره ست سنين راح أبوه للمدرسة عشان يسجله
بس المدرسة رفضوا يقبلونه
ويوم قال أبوه : ليه ؟
قال المدير : أثبت إنه إنسان ؟؟
وبعد شيل وحط وافق المدير إنه يقبله بالمدرسة بس مايقبله كطالب بيقبله كوسيلة تعليمية
وفعلاً دخل (( عبووود زمان )) المدرسة
وتحقق حلم أمه اللي كنت تمنى إنه يفارق وجهه لو كم ساعة باليوم
بعدين جاء المدير وحطه بالمختبر عشان يستفيدون منه مدرسين العلوم
وكل يوم يشرحون عليه
مرة يشرحون عليه درس عن البكتيريا والفطريات
ومرة درس عن الطحالب ووو مرة عن الثديات
وإذا جت حصة الجغرافيا !! يأخذه مدرس الجغرافيا ويخليه يرقى فوق طاولة قدام الطلاب ويقعد المدرس يشرح خريطة
العالم على ثوبه .
بعدين جاء مدير المدرسة وحط شبك بحوش المدرسة وربط فيه (( عبووو زمان ))
وأي طالب مايحل الواجب وإلا يشاغب
ينزله عند الشبك وبعدها صاروا الطلاب كلهم مؤدبين و يحلون الواجب << والله يالمدير إستغلالي
كان يلقب بـ (( ذو السروال الأصفر )) حيث أن شهرة سرواله بلغت الأفاق
وفي يوم من الأيام توهق تسلب وعض (( عبووو زمان )) مع رجله
طبعاً العضة جت بالسروال
مير ينغلث التسلب وثلاثة أيام وينتقل التسلب إلى رحمة الله
يقولون وأنا أدخل على الله ما أحط شي بذمتي << وجه ماسك دلعة ثوبه ويتفل بها
يقولون إن الحكومة يوم حرب الخليج أستخدمت (( عبووود زمان )) كغاز سام
عاد يوم كبر (( عبووود زمان )) صار حرامي << وش برأيك يعني بيصير عالم ذرة ؟
ومافيه أسطوانة غاز ولا إستبنة سيارة بحارتهم إلا سرقها الله يهديه
وهذي نمونه من بضاعته
بس ... أنتهى !!
(( مسرعة بشويش أو الله النشبه ))
من صغرها وهي ما تشوف مكة المكرمة إلا في التلفزيون ولا تذكر أنها راحت لها وهي صغيرة أبد
المهم يوم كانت في صف رابع إبتدائي كانت أمها بتسافر لمكة مع خالتها سفرة سريعة وبترجع على طول
(( مسرعة بشويش )) طلبت من أمها أنها تروح معهم ورفضت
طبعاً رفض أمها ما خلها تييأس
عشان كذا جلست تصيح عندها يومين عشان تروح معها
وحاولت بشتى الطرق أنها تقنعها
همزت رجلينها .. كنست الحوش .. نظفت السقف من عشوش العنكبوت
وبعد ما شافتها أمها ملزمة على الروحه معها أضطرت تكذب عليها كذبة بيضاء
قالت أمها لها : أن مكة المكرمة مليانه حراميّة وأنهم أكثر ما يخطفون البنات الصغار
خصوصاً اللي في رابع إبتدائي وياما بنات بعمرك أنخطفوا هناك
ردت (( مسرعة بشويش )) على أمها بصوت واطي من جدك يا يمه فيه هناك حرامية ؟!
قالت لها آيه ولا بعد توني ما بعد قلت لك وش يسون بالبنات بعد ما يخفطونهم !
يقطعون يدينهم وإلا يفقعون عيونهم ويخلونهم يشحذون ؟! <<
---- واضح أن أمها وهي تقول لها هذه النصبة كان في بالها تصرفها عن مكة لمدة سنتين قدام
مرت الأيام و وصلت (( مسرعة بشويش )) للصف الأول المتوسط وطلبت منهم معلمة مادة التعبير أنهم يكتبون تعبير عن مكة المكرمة
وقال لهم أبي التعبير الأسبوع الجاي !!
رجعت (( مسرعة بشويش )) للبيت وفتحت دفترها أبو أربعين ورقة وكتبت لها هالتعبير
(( من باب المصداقيه خليت الأخطاء الإملائية الفظيعه على جنب ))
(( مكة المكرمة هي قبلت المسلمين وهي أطهر بقاع الأرض وكل الناس يذهبون لها من أجل الحج والعمرة .<< جزء من التعبير مفقود
ولكن هناك أشياء خطيرة في مكة .. فهناك الحرامية واللصوص وأنهم يخطفون البنات الصغار ويعذبونهم ويقطعون يديهم ويخلونهم يشحذون عند باب مكة من أجل الفلوس !
والحج ركن من أركان الإسلام والحج يجب أن يكون في مكة ويجب أن نحرص على أن نؤديه ومن لم يستطع فالشكوى على الله ))
وبعد ما كتبت (( مسرعة بشويش )) التعبير سلمته للمدرسه وأخذته وصححته
وبعدها بأسبوع جاءت للفصل ومعها الدفاتر عشان توزعها عليهن
عطت طالبه من الطالبات الدفاتر كلها وقالت لها وزعيها على صديقاتك ما عدا دفتر واحد كان معه
اللي هو دفتر (( مسرعة ))
جاءت المعلمه و وقفت عند طاولت (( مسرعة )) ومدت لها الدفتر وقالت لها تعبيرك حلو يا (( مسرعة ))
بس أول مره أسمع عن الحرامية اللي في مكة هههههههههههه ! وأعجبتني (( فمن لم يستطع فالشكوى على الله )) خخخخخخخخ !! ..
أخذت (( مسرعة )) الدفتر من المعلمه وهي مطأطأة رأسها وخدودها كالطماط من شدة الخجل
وما أخفيكم أن (( مسرعة )) تمنت أن الأرض تنشق وتبلع المدرسه ودفتر التعبير حقها ............... أنتهت
(( أميرة قلبها ومعاناتها مع العنوسة ))
((( رجاء السرية التامه )))
هناك عائلة محافظة تريد الستر
ليس لديها مانع في المسيار بسبب الظروف الصحيه للوالدين
لا مانع إن كان متزوجآ وفيه خير ومن أصل طيب
أنهت المرحلة الجامعية .. بيضاء البشرة وجميله الشكل
تقدس الحياة الزوجيه وليست من أصحاب المشاكل
مشهود لها بالأخلاق الطيبه وحسن التربيه
تعيش في الطائف وأصلها من الهدا
إن لم تكن لك رغبة بها
أرسل بكتابه أمرها في جريدة (( الوسيلة )) إن لم ترغب بها
هذه الرسالة إلى كل من تثق فيه وجزاك الله خير الجزاء .. وهذه صورة لها ..
ماشاءالله تبارك الله قمر (( ١٤ ))
إن شاء الله تكون من حظك"
أنتهينا
ولنا رجعة مع بقية الأعضاء
والزعل مرفوض الله يعافيكم
(( مــخــرج ))
الأماكن .. آآآآه .. ياسخف الأماكن !!
لانظرت ولا لقيتك
ولا تنهدت وشكيتك
ولا أنتهى ليل المولع دون وصلك وصوتك
الأماكن .. كلها نفس الأماكن
هم .. أشباح .. مساكن
<< وأنتِ وينك >>
.ياهواي وعذابي
غبتِ عني وماحسيتِ بي
آآآآه .. يابوحي وصمتي
آآآآه .. ياهمي وحزني
آآآآه .. ياغيمي ومزني
آآآآه .. ياأجمل ذكرياتي
آآآآآه .. ياروحي وذاتي
رددوا معاي !!
وسلوى ياسلوى وش بلاتس تبتسين
وطقي ياطاقيه ورن يالجرس
وفتحي ياورده وغمضي ياورده
كان معكم ومحدثكم من خلف الشاشة
صاحي ووو رايق
بطل العالم
والقلب أصفر
العرض العادي
