آه يا حالي تراك كاسرة خاطري

[مدرعمهـ]

صباح الخير يا أيامي الزحمه ...
صباح الخير يا الغسيل...
صباح الخير يا كلية الهم ....

أخاف أموت ما سويت ألي بخاطري ....
أخاف أصير عجوز ... وكل ذكرياتي مواعين وغسيل وشغل بيت ...
أخاف ..... يروح شبابي وأنا قاعده أعيشه عيشة شغالات والكرف بالبيت

ودي أحس بالفراغ ...

نفسي أقول يوووه مليت ما فيه شيء أسويه ...

كنت اعاني من هالحالة يوم كنت طفلة

بس خلاص ولت تلك الأيام إلى غير رجعة ...

أسرق الوقت ... عشان أقوم بهواياتي التي أندثرت مع السنين

من كبرت يا ناس وأيامي زحمه
كلية وغسيل وكنس ومواعين وطبخ .....

ما أقولكم مشغولة أربعة وعشرين ساعة بس منيب فاضية أربعة وعشرين ساعة

يعني حتى وأنا على النت وألا أتابع فيلم ... فيه شيء براسي يقول
لي عجلي يا بنت ...وراتس كوي ... ترا بتتأخرين ... جهزي اغراض الكلية
آه يا حالي تراك كاسرة خاطري ..

من زمان دائماً فيه وقت لكلش ...
ألحين ما فيه وقت لأي شيء ...

قريت في كتاب أن الأنسان مفروض ما يعيش حياته حالة طواريء
طيب يا كاتب يا موقر إذا صارت حياتي حالة طوارئ غصب عني وش الحل ؟؟؟



آراءكم
وحلولكم

[رواسي]

يآآحليلك
شغل × شغل وليه كل هالكرف

مامتك وين أخوآتك وين
ولآ شكلك الكبيرة

لآ والله حتى الكبيرة مآتسوي كل هذآ ...

أكيد منتي منظمه وقتك عشآآن كذآ تحسين أن طول الوقت مشغوله

نظمي وقتك ويصير يآسلآم
يعني ملآبس الكليه كويها كلها يوم الأربعاء
ويصير كل الإسبوع مرتآحه من الكوي

[أنثى مختلفة]

لي عودة موضوع يحتاج تمخيخ,,

[دانتيل]

طيب انتي وشي متزوجه والا لا والله حالتك حاله بس والله ازين للك من الفراغ كان فعلا تنجنين وتجيك افكار عجيبه وتبلين العالم اللي حوللك يعني الدنيا سبحان الله ماكملت لاحد كل شي به ممل

[ميسم الورد]

هههه حبيبتي يا مدرعمه والله رحمتك من جد
بس شوفي ترا ما يغثتس الااذا صار بالبيت الوشسمه هذولا لانهم هم الي بس يتامرون وهاتي وغسلي وطبخي وانا اقولك كذا لاني اشوف نفسي وقارنها بصديقاتي انا الحمد الله بيتنا مافيه عيال ثلاث بنات بسسس مع امي الله يخليه لنا طبعا لي اخو بس متزوج الموهم احنا مو مشغولين مثلك خلاص الي تبي شي تقوم تسويه هي بنفسه واما الوشسمه ذولا هم الي يقولون لك سويلنا وافعليلنا
باختصار اذا بيتكم مليانه عزاااب اعرفي انك ماراح تفضيين ابد
وتقبلي هذرتي>ماخبرتس هذره ههه

[قطرة الندى]

اقتباس:  المشاركة الأصلية كتبت بواسطة مدرعمهـ     صباح الخير يا أيامي الزحمه ... صباح الخير يا الغسيل... صباح الخير يا كلية الهم .... أخاف أموت ما سويت ألي بخاطري .... أخاف أصير عجوز ... وكل ذكرياتي مواعين وغسيل وشغل بيت ... أخاف ..... يروح شبابي وأنا قاعده أعيشه عيشة شغالات والكرف بالبيت ودي أحس بالفراغ ... نفسي أقول يوووه مليت ما فيه شيء أسويه ... كنت اعاني من هالحالة يوم كنت طفلة بس خلاص ولت تلك الأيام إلى غير رجعة ... أسرق الوقت ... عشان أقوم بهواياتي التي أندثرت مع السنين من كبرت يا ناس وأيامي زحمه كلية وغسيل وكنس ومواعين وطبخ ..... ما أقولكم مشغولة أربعة وعشرين ساعة بس منيب فاضية أربعة وعشرين ساعة يعني حتى وأنا على النت وألا أتابع فيلم ... فيه شيء براسي يقول لي عجلي يا بنت ...وراتس كوي ... ترا بتتأخرين ... جهزي اغراض الكلية آه يا حالي تراك كاسرة خاطري .. من زمان دائماً فيه وقت لكلش ... ألحين ما فيه وقت لأي شيء ... قريت في كتاب أن الأنسان مفروض ما يعيش حياته حالة طواريء طيب يا كاتب يا موقر إذا صارت حياتي حالة طوارئ غصب عني وش الحل ؟؟؟

ياحياتي يا مدرعمه ...

ترى الكبيرة كل شي يكون فوق راسها اسأليني ..ترى الحال من بعضه <<

[النهى]

تبين الحل صيحي عند امتس قولي لها تعبت من الشغل يمه نبي خداامه لو تروح وتجي مؤقته المهم خدامه تشيل عنك شوي واذا ما وافقت سوي اضراب عن الشغل لو بعضه مثل الكوي خلي اخوانك وابوك يكوون ثيابهم بمغاسل خارجيه الين يوافقو ويجبون لتس خدامه والله يكون بعونتس حبوبه

[صـاحي و رايـق]

على أجر إن شاء الله
إذا تبغين رأيي بهالموضوع
تزوجي
وإذا للحين ماجاك النصيب
سوي إعلان بالوسيله وكثري التبهير فيها
لحد ما يجيك ولد الحلال على حصان أسود
وتفتكين من الحاله اللي أنتِ فيها

[رواسي]

اقتباس:  المشاركة الأصلية كتبت بواسطة صاحي ووو رايق     على أجر إن شاء الله إذا تبغين رأيي بهالموضوع تزوجي وإذا للحين ماجاك النصيب سوي إعلان بالوسيله وكثري التبهير فيها لحد ما يجيك ولد الحلال على حصان أسود وتفتكين من الحاله اللي أنتِ فيها

مرره جبت حل

قصدك تنكرف أكثر بالزوآج
إهتمآآم بالزوج وبنفسهآ أكثر وأكثر
فطور
غداء
عشآء
قهوة ، شآهي ،
مفآجأت وهدآيآ , وتغيير للروتين كل يوم عشآن مآ يمل من الحيآة الزوجيه

لكن بالأخير شيء ممتع الشغل والتعب تحريك للدورة الدمويه وريآضه
: )

[لمسةعطر22]

ياعمري يامدرعمه احس اني رحمتس ..>>وده تصيح
والله احس انتس متزوجه لان اللي متزوجه هي اللي ماتلقى وقت تحك راسه من الكرف >> تبي تسذب صاحي ورايق
واذا جاءالليل تطيح بفراشه تقل جنازه >>> والله من البهارات

[مدرعمهـ]

يااا حبني لكم

تبون الصدز

ما توقعت أحد يرد



فتاة نادرة


تنظيم الوقت زي ما تقولون يحتاااج صبر

مثال من واقعنا ....

كم وحده حطت جدول مذاكرة في أسابيع المراجعة وألتزمت فيه .....

متأكدة ولا 40 بالمية قدروا ... ألا ما يضيع الوقت من هنا ومن هناك هذا وهو فترة وتنتهي فما بالك بجدول مدى الحياة ...

يعني خلاص بقعد طول عمري أمشي على كذا ؟؟؟ اشكرتس لمرورتس

[مدرعمهـ]

اخت السلطان ابطرف لتس الباب لا تبطين همااااه

[مدرعمهـ]

دانتيل

الفراغ الدائم ممل بس الشغل ممل ويتعب ويرهق

وتنظيم الوقت فن ومهارة مو الكل يتقنها بدليل أني جالسة على النت وأختباراتي قربت والبيت فيه شغل ما خلص

حياك الله

[مدرعمهـ]

ميسم الورد

هو على كلام البيت كله عزابية

لكن الله يديم عليك هالراحة يا رب ولا يغير عليك حياتك

أن شاء الله اذا جت العطلة أصير زيك

جزاك الله خير على النصائح

[مدرعمهـ]

قطرة ندى


الله يعنني وياك لكن الحمد لله على كل حال ... مو جاية أتشكى جاية أدور حلول

شاكرين مرورك