اذا قالت لك زوجتك انثبر فبكل سرور انثبر .....@

[هيفاء انا]

ياالله ان تحييهم وتبقيهم وتمسيهم بالخير
وتصبحهم بالسرور >> معليش مستانسه



حصلت معلومة قيمة وبالنسبة لي جديدة واول مره اسمع بها
وان شاء الله تكونون بعد اول مره تسمعون بها مني..



اخي الزوج..
إذا قالت لك زوجتك انثبر فلا تفهمها غلط
معلومة مفيدة
أنثبر بس !!!‏




هالمعلومة مفيدة لأنها كلمة تراثية ما نرضى أحد يأخذها منا
( انثبر)هي كلمة دارجه في المجتمع السعودي خاصة والخليج بشكل عام
وكثيرا ما تقولها الزوجة لزوجها ...
‏جهل معناها كثير من الناس
انثبر هي كلمة قديمه وهي تتكون من شقين


(( ‏انثى بر)

والانثى/ يقصد بها الاناث
و بر / يقصد فيها الاحسان
واصل الكلمة ان رجل تخاصم مع زوجته ووصل بهم الامر للمحكمة
وقد وبخ القاضي الرجل
وقال له (( ‏انثى بر بها )) ... ‏ويقصد ان ارفق بها ولا تغضبها
وبعدها اصبحت النساء عندما تريد ان تستعطف زوجها تقول له
(( ‏انثى بر))‏


ومع مرور الوقت تطورت واصبحت
(( ‏انثبر))
‏فأصبحت الزوجه عندما تريد الذهاب تقول لزوجها انثبر
وخلنا نروح السوق ...‏او أهلي.. ‏تقصد بر فيني و ودني السوق اواهلي
.................................................. color=#000000]




المرأه كلها عذووووووبه وحنااااااان ماراح يطلعه منها إلا كلام حلو
شوووووف حتى هالكلمه ( أنثبر ) يحسبه اغلب الرجال إهانه طلعت دعوه لهم



انتهى

صح السانك........


شوفتوا يا معشر الازواج انكم دائماً تظلمون زوجاتكم وانهن
عذبات رومانسيات حنونات يالبيهم...بس ما عرفتو قيمتهم..
عقبال ما يلاقون معنى لكلمة " اذلف "..

[هدوء في ضجيج الصمت]

والله صدق....

بروح أقولها الأبوي وأخواني......

الحريم دايم منبوذات من المجتمع...

أحترامي’’’’’’

[صاحي و رايـق]

أيوه أيوه بدينا بحركات النصف كم يا غنادير
ترى ذا الحركات أكل عليها الزمن وشرب
أنا ما علي من القاموس القديم اللي حاق وداس بعقول بعض ناس
أنا علي من قاموسي ذا الحين وكيف معناها في مضمون عقلي !

أجل فيكن بر يا بنات ذا الوقت
ترى إذا أنتم تتبعون منهج هامان يابنات ترى أحنا فراعين زماننا ونفهمها وهي طايره
والله يا أنتن كود الوحده منكن تاخذ لها رجلين وعساهم يكفون ويوفون عليها
رجل واحد ما يكفي لإمرأة وحده لا بمعاشره ولا بتنفيذ طلبات
حتى سرير النوم كود تفصل لك سرير له كفرات
لإنهن الله يصلحهم ما هنا أكثر من ثرثرتهن عند النوم
إذا مليت منها شتها خلها تبعد عنك !

أجل ياروح أمك يا هانم هيفاء فصلتيها على ما تشتهين
أنثى بر وإلا أنثى فطاير مشلتته
أقول دوري على غيرنا وبلاش تتعبيننا
الناس واجد وكلن يفسرها !


إلى اللقـــــــــــــاء

[تالا miss,,,]

ههههههههههههه ...اشك انها كذا ..

[هند الوفاء]

معنى حلو..بس تظل ثقيلة (انثى بر )..

خسارة كان معناها زين..لكن سوء الاستخدام والمقصد منها مع مر الزمن تعر!!

واشرايج بلي يقولون لها

(أنثــــــــــــــــــبري )

شكرا لك هيفاء

[ابو الشلاليم]

هيفاء حرام كذا والله بمقالك هذا تبي تكثرين حالات الطلاق والطواري تبي تكثف جهودها والله يستر من الباقي والسبه مقال كتبتيه وانتي مستانسه...............تقبلي رايي

[# الزلزال #]

اقتباس:  المشاركة الأصلية كتبت بواسطة صاحي و رايـق     حتى سرير النوم كود تفصل لك سرير له كفرات لإنهن الله يصلحهم ما هنا أكثر من ثرثرتهن عند النوم إذا مليت منها شتها خلها تبعد عنك !

ههههههههههههههههه

استغفر الله وراكــ شته حراام عليكــ ترا قرقهن اوقات زين واوقات ودكــ

تنامون عى طرف جبل ودربيه مهب تشوته ..


وبعدين ..

انــــــــــــا حصلت على معلومة قيمة وذات بعد اقتصادي

اذا قالتي لزوجكـ بروح لسوق وقالكـ انطمي لا يضيق صدركــ


فكلمت انطمي كلمة اغريقية شهيرة توارثها العرب عن الاغريق

وتعني ان الزوج يرفض من اجل حبكـ من اجلكي انتي

ومن اجل زوال الاستعمار الفرنسي >>>> مسكـ خط

[™ Miss 7oor ❤]

هههههههههههههه كل الشباب انثبرو ههههههه

[الحنتريش]

اجل انثبري ياهيفاءانا
انثبر = المعنى الي هي قالت بس الياء للتأنيث عشان تبر بامه والا اخته

[تيفا]

اجل انثبري وقومي بس بالا لواقه

[هيفاء انا]

اقتباس:  المشاركة الأصلية كتبت بواسطة صاحي و رايـق     يا غنادير أجل ياروح أمك يا هانم هيفاء فصلتيها على ما تشتهين أنثى بر وإلا أنثى فطاير مشلتته أقول دوري على غيرنا وبلاش تتعبيننا الناس واجد وكلن يفسرها ! إلى اللقـــــــــــــاء

هلا بالصاحى شكلك مشتهين فطائر

والله ماعندى اغلى منكم افسرلكم واسفه اذا موضوعى تعبك اناحبيت افيدك للمسقبل
اخاف المعزبه تقولك انثبر وتعطيها طراق

[هيفاء انا]

اقتباس:  المشاركة الأصلية كتبت بواسطة ملكة التواجر     والله صدق.... بروح أقولها الأبوي وأخواني...... الحريم دايم منبوذات من المجتمع... أحترامي’’’’’’

هلا بالتواجر

لاهذي الكلمه للزوج فقط ماتصلح للوالد او ا لاخوان لانها غزليه

اشكرك على المرور

[هيفاء انا]

اقتباس:  المشاركة الأصلية كتبت بواسطة هند الوفاء     معنى حلو..بس تظل ثقيلة (انثى بر ).. خسارة كان معناها زين..لكن سوء الاستخدام والمقصد منها مع مر الزمن تعر!! واشرايج بلي يقولون لها (أنثــــــــــــــــــبري ) شكرا لك هيفاء

هلابالغاليه

تشرفت بمشاركتك

بالنسبه للى يقول انثبري فترى الكلمه راجعه له لانها اطلق على نفسه انثى مو ذكر ههههههههههههههههههههه

[هيفاء انا]

اقتباس:  المشاركة الأصلية كتبت بواسطة ابو الشلاليم     هيفاء حرام كذا والله بمقالك هذا تبي تكثرين حالات الطلاق والطواري تبي تكثف جهودها والله يستر من الباقي والسبه مقال كتبتيه وانتي مستانسه...............تقبلي رايي

بالعكس انا اقلل من النسبه اوضح لكم ان الكلمه حلوه

رايك على راسي ابو الشلاليم تشرفت بمشاركتك

[هيفاء انا]

اقتباس:  المشاركة الأصلية كتبت بواسطة # الزلزال #     ههههههههههههههههه استغفر الله وراكــ شته حراام عليكــ ترا قرقهن اوقات زين واوقات ودكــ تنامون عى طرف جبل ودربيه مهب تشوته .. وبعدين .. انــــــــــــا حصلت على معلومة قيمة وذات بعد اقتصادي اذا قالتي لزوجكـ بروح لسوق وقالكـ انطمي لا يضيق صدركــ فكلمت انطمي كلمة اغريقية شهيرة توارثها العرب عن الاغريق وتعني ان الزوج يرفض من اجل حبكـ من اجلكي انتي ومن اجل زوال الاستعمار الفرنسي >>>> مسكـ خط

مرحبا الزلزال

شرفنى مرورك

معلومه ممتازه وترد من اعتبارنا

الله يرفع قدرك على هذي المواساه