الفضــــفــضـة ،،

[الأسترليني]

[align=center]جلست افكر بيني وبين نفسي كيف الشعب المصري عايش ومشي اموره بالرغم من المصائب و البلاوي و الفضائح اللي لا يخلوا منها تقريبا بيت بمصر .
ونحن بالسعودية (( النوافيس )) انتشروا عندنا بكثرة حمانا الله واياكم من الامراض النفسية .
خرجت بنتيجة ان الشعب المصري شعب صاحب فضفضة ولا يكتم الضغوطات داخل اروقة عروقة القلبية حتى لا يصاب بمرض نفسي او ذبحة .

[align=right]فاصلة / [/align]
[align=right]على طاري العنوان تذكرت سالفة لعم لي شايب يرويها لي ابنة محمد ويقول كنا بجدة وقال ابوي خلنا روح للبحر يقول رحت فيهم وصارت السالفة عند الشاطئ جب الجيب هنا ود الجيب هناك علشان لا يجي احد ويشوف الحريم .
المهم كان فيه شاب وجالس يدندن بالعود وابوي بس (( يتحقرص )) ما ارتاح وهذا جالس حولنا قام ابوي لة واخذ العود منه وقال للولد وشولة تناظر الحريم قال الولد/ يا ابويا انا والله مشفت حد من بناتك اشفيك انتا قال لة / طيب وش مقعدك هنا قال / يا ابويا انا جالس افدفد << افضفض
قالة رح فضفض بيتكم مهوب عند حريم الناس يا الله قم (( فارتس )) [/align][/align]
[align=center]


بالنهاية هل الفضفضة تخفف من ألم وقع المصيبة او ألم الحيرة .
.
.
.
.
الأسترليني ،،[/align]

[جبل عمر]

أول شي سلملي على عمك وقله بحل عند واحد من الشيبان وربي ان تسكن بشري ولا تقرب لحارتهم دبرة دبرة

السعودية أبقسمها

أبو حجوز فال أمها ولا تلقى عندهم ضغوط نفسية
أهل الشرقية حبوبين وماشين وشوية عندهم الضغوط
أهل الجنوب يعني فيهم شوي ومثلهم مثل أهل الشمال ما يخلون من الضغوط

نجي للقصمان فيهم ضغط الدنيا تدري لييه لأنهم ما يخلون أحد بحاله ويبلشون بخلق الله وراه ذا تسذا وراه ذا مايل ليه فلان يصلح كذا وليه علان يسكن هنا يعني بلشين بخلق الله والدليل شف جمعاتهم وش هي سوالفهم أتحداك تلقها سوالف عامة ونقاش وضحك لا لا حش بخلق الله وشفتوا فلان شراء وفلان باع وتقل موكلين بخلق الله......

هالقرقر الي تو كله على شان أعلمك إننا مو نكتم شي لا نفضفض لكن فضفضتنا هي الي تجيب لنا الهم والغم مو مثل البشوات فضفضتهم لأحد يسمعهم وأحد يواسهم ونفوسهم سمحه

يعني حنا كل شي مقلووووب

جبت لك الخير اليقين بس ماراح يرضي عمك

[امرؤ القيس]

تحية لك اخي الكريم


الفضفضة كلمة ( نفسية ) وربما تصعب الامور احيانا

ولا اعتقد ان الاخوة المصريين يفضفضون لأنهم كلهم بالهواء سوى , وكلهم صاروا ( عبدالمعين )

لكن ربما للبساطة التي يعيشونها دور في تلك الاريحية ولا اعتقد ان كل الشعب المصري هكذا 0


ونحن ايضا تختلف درجة ( النفسيات ) من مكان لآخر

فالصحراويين أكثر درجة نفسية من الساحليين والمدنيون يختلفون عن البريون وهكذا

لكن ومع هذا لايقارن احد باريحية الشعب المصري وبساطته


شكرا لك

[تالا miss,,,]

الواحد اذا عنده ضغوط حلو انه يلقى احد رايق يسمعه (ركزت على يسمعه بس يعني مايقعد يعطيه حلول )شي حلو ويريح شوي
وازين شي اذا بلشت يقعد بزاويه ويصيح له شوي الى حد ماتروح الغلقه والتكه ...

[فانتازيا إعلامي]

الاسترليني

الفضفضه هي بعكس الثرثره ..
الفضفضه تختار انت من تفضفض عليه , ويكون قريب .. و الفضفضه من القلب ..
و هي مريحه للقلب ..

والثرثره الشخص هو الذي يبلاك ولا يهمه من يكلم .. وهي بطولات مزيفه .....
وهي مصدعه للراس ..

شكراً لك ......

[" TWIX "]

[align=center]

اقتباس:  المشاركة الأصلية كتبت بواسطة الأسترليني     [align=center]وصارت السالفة عند الشاطئ جب الجيب هنا ود الجيب هناك علشان لا يجي احد ويشوف الحريم . [/align]

أجل صار رعي الجيب تقل في معارض راحت الرحلة البحرية توقيف سيارات...!!

بريدة.. يا حبيلهم [/align]

[خلف المعطف]

والله انا مستحيل اجلس كذا اذا تضايقت افضفض لبنت عمي وهي احيانا تتفخ قلبي بفضفضته

[Queen of buraydh]

شخصياً ؟ الفضفضه من وجهة نظري انها افضل انواع العلاج المؤقت لداء الهم

بشرط الا يكون اختيار المُفضفض عليه عشوائي

اقصد فيه صديقه ارتاح عندما اتحدّث اليها واخرج ما بداخلي من هموم , واخرى استحاله ان اخرج لها لو كلمه

ويسعدني لما تختارني احد الصديقات وتفضفضلي , هذا يدل على ارتياحها لي
ومن حسن حظي ان الوالده تختارني من الكل وتفضفض لي لما تكون متضايقه

[الأسترليني]

[align=center]اظن ايها الجبل جانبت الصواب كثيرا في هذا المقال [/align]

اقتباس:  المشاركة الأصلية كتبت بواسطة ^جبل عمر^     هالقرقر الي تو كله على شان أعلمك إننا مو نكتم شي لا نفضفض لكن فضفضتنا هي الي تجيب لنا الهم والغم مو مثل البشوات فضفضتهم لأحد يسمعهم وأحد يواسهم ونفوسهم سمحه يعني حنا كل شي مقلووووب

[align=center]والدليل ان محمد يقول صارت سالفتنا بالرحلة هالولد اللي دندن ابوي يمشي ويفضفض واذا فضفض على غيرة قام غيرة يعبي براسة ثم يرتفع ضغطة وذاك يقول لة اصلا انت يا ابو محمد ما تعرف المفروض انك صكيت العود براسة امحق من فضفضة صارت قصة و قضية رأي عام بالرحلة .

اشكر مرورك [/align]

[الأسترليني]

اقتباس:  المشاركة الأصلية كتبت بواسطة امرؤ القيس     تحية لك اخي الكريم الفضفضة كلمة ( نفسية ) وربما تصعب الامور احيانا ولا اعتقد ان الاخوة المصريين يفضفضون لأنهم كلهم بالهواء سوى , وكلهم صاروا ( عبدالمعين ) لكن ربما للبساطة التي يعيشونها دور في تلك الاريحية ولا اعتقد ان كل الشعب المصري هكذا 0 ونحن ايضا تختلف درجة ( النفسيات ) من مكان لآخر فالصحراويين أكثر درجة نفسية من الساحليين والمدنيون يختلفون عن البريون وهكذا لكن ومع هذا لايقارن احد باريحية الشعب المصري وبساطته شكرا لك

[align=center]حياك امرؤ

الاريحية هي البيئة المناسبة لزرع الفضفضة اين انتي ايتها الاريحية بين اهلي و احبابي (( قتلتنا الرسميات بمجتمعنا ))[/align]

[هدوء في ضجيج الصمت]

أعتقد أن من الصعب أن تجد شخص تفضفض عليه !!!


أحترامي ’’’’’

[عبدالله30]

أهلا أخي الاسترليني00

ودائما اتسال مثلك بالنسبة للمصريين عايشين على البركة والفرفشه والخربشه 00

المشكلة تجد الواحد منهم فرح انه مصري ويحب مصر ومبسوط ودور على شان ايش ماتجد شيء!!

يمكن لنوع الاكل دور فالفول يجعلك لاتفكر ولاتهتم كثيرا !


بالنسبة للفضفضة فالاجمل ألا تكتم همك وغضبك واخرج كل مافي قلبك سريعا 0

تحياتي لك0

[•°سـرىآ اللـيـل°•]

والله ياسيد الفضفضة حلوه بس للإسف أنا ماأفضفض أبد أبد والظاهر بيجين كل الأمراض إذا صار عمري 25 .,
وبموت إذا صار عمري 30 والله يرحمن برحمته ., والله الناس ماراح تجني منهم شيء ولو تبتل تفضفض ماراح تلاقي أحد يفهم لك .,

ـــــــــــــــــــــــــــــــــــــ//

اقتباس: نجي للقصمان فيهم ضغط الدنيا تدري لييه لأنهم ما يخلون أحد بحاله ويبلشون بخلق الله وراه ذا تسذا وراه ذا مايل ليه فلان يصلح كذا وليه علان يسكن هنا يعني بلشين بخلق الله والدليل شف جمعاتهم وش هي سوالفهم أتحداك تلقها سوالف عامة ونقاش وضحك لا لا حش بخلق الله وشفتوا فلان شراء وفلان باع وتقل موكلين بخلق الله......

مايسب أهله بلاسبب إلا اللئيم مع إحترامي لي .,
أهل القصيم مثلهم مثل غيرهم بس لإنك تجهل غيرهم تعتقد هم الوحيدين .,
وكلامك أعلاه فيه من المبالغات مالله به عليم ., وإذا أنت ومن حولك كذا تأكد أننا غيرك بالكلية .,
لاأحب حديثاً كهذا كونك ماتعرف غيرهم فلا تحكم أنهم أشين الناس .,
على العموم يضل كلامك يمثلك لاغير ., وغريبة أشوفكم تمقتون التعميم وهنا تعممون .,
لو سرىآ اللي خاطه ردك كان شفت الناقدين وراها شتايم ولعن ((لاتعممين)) بس التناقض عذاب الله لقومي .,

أهذب تاهيه’

[مياسة]

عســـاك ما تسمع فضفضة مصرية تجي لمي بين فترة وفترة (كوفيرة) ... الله يمسيها بالخير تفتح منوالها وهي تقول احنا راضين في عيشة ربنا .. وتطلع فضـفضتها بالأخير-->>> تشحذك ....!!! اما عن نفسي .. عندي القلم... احط حيلي فيه.. واطلع كل التفاعلات الكيميائية.. على شكل حروف.. او دموع... وأحياناً إذا خلصت ,, اششق الورقة ..! أو ديليت ع الملف...! ,,, الفضفضة مصطلح مُريح, ويُحتاج إليه بين فترات متباعدة.. بس اذا زادت عن حدها .. اصبحت نياحة!,,,,, آآآآآآآهـ راحت اللي كنت افضفض لها.. عسى ربي يهنيـها ...


الكريم جبل عمر.. بمجرد أن تتخيل عدم وجود ماتحدثت عنه... هذا كافي جداً لوضع جو خاص بك.. تعيشه كيفما تشاء..

[# الزلزال #]

اشكي هم وهمي اشتكالي ..

ويقال ..

لا تشكيلي .. ابكيلك

واعتقد الفضفضه هي نوع من انواع الشكوى من قسوة الحياة ..

تقــــــــــــــــــــــول ..

جلست افكر بيني وبين نفسي كيف الشعب المصري عايش ومشي اموره بالرغم من المصائب و البلاوي و الفضائح اللي لا يخلوا منها تقريبا بيت بمصر ..



نفس الشعور دائما يراودني خصوصا عندمــا اكون في مصر واشاهد مشاهد البؤس الذي يعيشه ذلك

الشعب من زحام في باصات متهالكة تزدحام من الداخل وتتجاوز البعض الاخر والعديد من المشاهد التي

تفطر القلب .... لماذا لايهجرون يبحثون عن حيــــــــــــــــــاة تتواءم مع التركيبة البشرية والانسانية