انترنت والا سعسعه بالأستراحات اختاري !!!!

[عاشق ديرتي بريده]

بالسابق اكثر الأزواج لايجلسون بالبيت الا ساعات قليله !!

وبالوقت الحالي تغير الحال وصاروا يجلسون بالبيت وخروجهم قليل !

ولكن سبب جلوسهم بالبيت مو علشان الزوجه او الأولاد السبب الرئيسي هو الأنتر نت !!

أختي الزوجه لو خيروك خروج زوجك من البيت او الجلوس بالبيت امام شاشة الأنتر نت ماذا تختارين !!!!!!!!!!

ادري ان كلهن شينات بس هذا حال السعوديين مابهم ملح اذا طفو بشي !

[@ ابتسام @]

اقتباس: أختي الزوجه لو خيروك خروج زوجك من البيت او الجلوس بالبيت امام شاشة الأنتر نت ماذا تختارين !!!!!!!!!!

طبعا الجلوس في البيت امام النت وانا معه ... وحط تحت وانا معه ستة الآف خط .

[وحده من الوحدات]

شف ونا ختك طبعا انا لو يخرونن تاخذين واحد سواع ع قولك ولا راعي نت



ونا مغمضه بقوول ابي اللي ما تقضبه الارض



احسن من انه يكون موجود ولا كنه موجود مقاابلن ها الصنم وسافهن >>> تغز ع الاب توب

[وحده من الوحدات]

اقتباس:  المشاركة الأصلية كتبت بواسطة @ ابتسام @     طبعا الجلوس في البيت امام النت وانا معه ... وحط تحت وانا معه ستة الآف خط .

تبي تبتلون طول اليوم مقابلينه


اصلا انتي بتملين بيكون طبعا ميوله غير ميولتس


وبتندبل تسبدتس وتتقولين اثره صادزه وحده

[تسواهن]

لا والله يطلع ويا ربعا ومايرد الا بانصاص الليالي اهون من مقابله هالنت وعلى غير نفع

[قلب الأسد]

شكل مالي دخل بالموضوع ,,بس انا ابطلع واقعد يعني تبي
الرجل ياعاشق ينتظر وش تقوله المدام يقعد اويطلع عاشق
عطنا سؤال حنا طيب على هالحريم..........

[•°سـرىآ اللـيـل°•]

[align=center]

شخصياً مالي خلق المتابعة ..

يعني أنا متزوجة إنسان كبير فاهم عاقل يعرف مصلحة نفسه ..

إذا بيروح للإستراحة يروح يعني وش أخاف عليه ؟! يطالع ستلايت ؟ يشوف فنانات وممثلات وماأدري إيش ..

في البيت يفتح نت وش أخاف منه ؟! يشوف مقاطع مش ولابد! يدخل شات يغازل !!!

كيفه النار بتاكله هو .. والغيره على هالأشكال أدوسه تحت رجلي لأنه زوج مايستاهل أني أغار عليه ..

وأنا وش علاقتي أتابع إنسان أمه و أبوه المسؤولين عن تربيته مو سرىآ ,,, خلاص أنا مسؤولة عن نفسي وعيالي..

أما ولد الناس مالي ومال وجع الرأس معه , في الحق هو المسؤول عني وعنهم لكن إنقلبت المعادلة

بيروح للإستراحة يروح , بيسافر يسافر , بيفتح نت يفتح , بيغازل يغازل , بيموت يموت , بيروح للنار يروح , هو المسؤل عنه نفسه ..

اللعنة خلااااااااااااااااااااااص كفى بالسابقات أمراض ياما وياما تعبن وراهم ولانفع .. ومع ذلك كل بلاء يحط عليهن

ياسيدي حطها في بالك وحافظ عليها بدماغك ... (( اللي مايعرف مصلحته لايهمك ))


وسلامة عمري و عمرها .. أهذب تاهيه’

[/align]

[لينااا]

أستغرب مثل هالكلام والأحاديث ؟

أوكي يجلس بالبيت ومو شرط اكون عنده وقت استخدامه للإنترنت

ويروح للإستراحة ومو شرط كل شوي ادقدق عليه ومقلقه راحته !!

الزوج اذا مازرعتي فيه الثقه بنفسه من البدايه ماراح ينفع لو تحطين عيونك بدال عيونه !

وبعدين الزوجة الذكية هي اللي تحتوي زوجها وتخليه مايشوف غيرها بإسلوب لين .. ولا يمكن يلعب من وراها ماهما كان !!

لكن استغرب من شي !!

النت وش فيه ؟

هذا انت جالس على النت !!


ماظنتي انه بعبع

لكن العقل هو اللي احيانا يصير بعبع للإنسان


والله المستعان


.

[ممكن اكون بكونك]

اقتباس:  المشاركة الأصلية كتبت بواسطة •°سـرىآ اللـيـل°•     [align=center] شخصياً مالي خلق المتابعة .. يعني أنا متزوجة إنسان كبير فاهم عاقل يعرف مصلحة نفسه .. إذا بيروح للإستراحة يروح يعني وش أخاف عليه ؟! يطالع ستلايت ؟ يشوف فنانات وممثلات وماأدري إيش .. في البيت يفتح نت وش أخاف منه ؟! يشوف مقاطع مش ولابد! يدخل شات يغازل !!! كيفه النار بتاكله هو .. والغيره على هالأشكال أدوسه تحت رجلي لأنه زوج مايستاهل أني أغار عليه .. وأنا وش علاقتي أتابع إنسان أمه و أبوه المسؤولين عن تربيته مو سرىآ ,,, خلاص أنا مسؤولة عن نفسي وعيالي.. أما ولد الناس مالي ومال وجع الرأس معه , في الحق هو المسؤول عني وعنهم لكن إنقلبت المعادلة بيروح للإستراحة يروح , بيسافر يسافر , بيفتح نت يفتح , بيغازل يغازل , بيموت يموت , بيروح للنار يروح , هو المسؤل عنه نفسه .. اللعنة خلااااااااااااااااااااااص كفى بالسابقات أمراض ياما وياما تعبن وراهم ولانفع .. ومع ذلك كل بلاء يحط عليهن ياسيدي حطها في بالك وحافظ عليها بدماغك ... (( اللي مايعرف مصلحته لايهمك )) وسلامة عمري و عمرها .. أهذب تاهيه’ [/align]

[align=center]الحمدلله والشكر .. ايش هالتفكير سرى الليل ..؟؟ اذا الزوجة ما اهتمت بزوجها اجل بمين تهتم ..؟؟ واذا على قولتك اهتم بعيالي .. اجل لاتلومين زوجك لو غازل وسافر وسهر الليالي بعيد عنك ؟؟[/align]

[•°سـرىآ اللـيـل°•]

[align=center]

اقتباس:  المشاركة الأصلية كتبت بواسطة ممكن اكون بكونك     [align=center]الحمدلله والشكر .. ايش هالتفكير سرى الليل ..؟؟ اذا الزوجة ما اهتمت بزوجها اجل بمين تهتم ..؟؟ واذا على قولتك اهتم بعيالي .. اجل لاتلومين زوجك لو غازل وسافر وسهر الليالي بعيد عنك ؟؟[/align]

لاتسألين عن تفكيري إسألي نفسك عن فهمك .. مشكلة إذا مافهمتي السالفة وجيتي خرااص ..
أنا ماقلت ماأهتم بزوجي بالإهتمام اللي راح بالك له الظاهر قصدي واضح
إذا زوجي بيبي ولايعرف مصلحة نفسه وش اسوي له !!!!!!!!!!!!!!!!
أبكي وأقول الله يخليك أنت غالي وأحبك موت تكفى لاتطلع برا البيت طلبتك ياقمر ويابدر ويامزيون أرحم قليب مات في غلاك ..

نعم أهتم بعيالي <<< من ناحية التربية ياشيختي أفهمي بعدين ردي ..
الإهتمام هنا مش بالشكل و لا بالبيت بل في التربية والمتابعة .. يعني مش لايق أعيد تربية زوجي من جديد ..
وأنا أعتبر الزوجة اللي تتابع زوجه بكل مكان وينك ووين رحت وليه تسهر وليه تنام ولا تقوم .. صحيحه وتبي من يقرأ عليه..
والله عيب أسأل رجل وين يروح ووين يسافر عييب عييب إذا الله بلاني برجل نص لفة أصبر وأحتسب
وخلاص إذا بيسافر وبيسهر ماله داعي أولول << ياكثر اللي ولولن غيري ولاحصلن أي نتيجة ..

أفهمي قصدي من الإهتمام هنا ... وأهذب تاهيه’[/align]

[@ ابتسام @]

اقتباس:  المشاركة الأصلية كتبت بواسطة وحده من الوحدات     تبي تبتلون طول اليوم مقابلينه اصلا انتي بتملين بيكون طبعا ميوله غير ميولتس وبتندبل تسبدتس وتتقولين اثره صادزه وحده

لا تطمني من ناحيتي هو بيمل وانا ما مليت .. ويكفي انه يكون جنبي اذا بغيت سالفة او روحة

[@ ابتسام @]

اقتباس:  المشاركة الأصلية كتبت بواسطة •°سـرىآ اللـيـل°•     [align=center] شخصياً مالي خلق المتابعة .. يعني أنا متزوجة إنسان كبير فاهم عاقل يعرف مصلحة نفسه .. إذا بيروح للإستراحة يروح يعني وش أخاف عليه ؟! يطالع ستلايت ؟ يشوف فنانات وممثلات وماأدري إيش .. في البيت يفتح نت وش أخاف منه ؟! يشوف مقاطع مش ولابد! يدخل شات يغازل !!! كيفه النار بتاكله هو .. والغيره على هالأشكال أدوسه تحت رجلي لأنه زوج مايستاهل أني أغار عليه .. وأنا وش علاقتي أتابع إنسان أمه و أبوه المسؤولين عن تربيته مو سرىآ ,,, خلاص أنا مسؤولة عن نفسي وعيالي.. أما ولد الناس مالي ومال وجع الرأس معه , في الحق هو المسؤول عني وعنهم لكن إنقلبت المعادلة بيروح للإستراحة يروح , بيسافر يسافر , بيفتح نت يفتح , بيغازل يغازل , بيموت يموت , بيروح للنار يروح , هو المسؤل عنه نفسه .. اللعنة خلااااااااااااااااااااااص كفى بالسابقات أمراض ياما وياما تعبن وراهم ولانفع .. ومع ذلك كل بلاء يحط عليهن ياسيدي حطها في بالك وحافظ عليها بدماغك ... (( اللي مايعرف مصلحته لايهمك )) ’ [/align]

مصلحته هي مصلحتك .
ويا ماما مصلحتك انتي تندرج تحت مصلحته اذا ما عضيتي عليه بايدينك واسنانك اخذنه منك الحريم وقعدتي تولولين على حظك وترجين اخوانك يعطفون على عيالك ويركبونهم بالسيارة وينظرون لهم نظرة شفقه ...
وغيرك تاكل بعقله حلاوه لو هو كبر جدي وعقله رصف حديداذا ما حافظتي عليه .
و ترى متابعتهم تجيب نتيجة وترد نزواتهم الصبيانية اللي تطري لهم
اسالي مجربة

[•°سـرىآ اللـيـل°•]

حبيبتي ياكثر المجربات حولي .. ومن قال إن مصلحتي تندرج تحت مصلحة إنسان فاشل ماعرف يداوي روحه !!؟

إذا زوجي شين وش اللي فيه زين عشان أعض عليه ؟! خلي كل حريم الحارة يضفنه وقتها النفس طابت ..

ياشيختي إذا بلوى من الله تتمنين له الموت وأن الله يفكك منه ومن خرابيطه ..

وعيالي ماراح ينتفعون من أبو ماعرف مصلحة نفسه بالأول عشان يعرف مصلحة عياله ..

مير أعيش معه عشان يكون لعيالي كيان حفاظاً على نفسياتهم وإلا الردي مامنه فايدة مع إحترامي للحرامي ..

والهداية بيد الله وبدل ماأسبب مشاكل ليه تروح وليه تجي ويبدأ عناد ,, أفل سجادتي وأدعي أصرف لي من وجع الرأس ..

وإن الله يهديه لعياله مهب لي ,, أنا كل اللي بيني وبينه عقد وبلمح البصر ينتهي لو صار ماصار بس البلاء بالعيال يبقى هذا أبوهم طول الدهر ,,,

يابنت الرجال الله يرزقنا الناس الطيبين ويبعدنا عن الرديين .. ترى الردي ماله دوااء لو تقولن اللي تقولن وسبقت التجارب ..

أهذب تاهيه’

[اتعبني خطااااك]

كلهن مرض ياعاشق

لكن نختار اللي يسعس احسن من شوفت البلاوي اللي يطلعونه من تحت الاارض
من ه البليه

معليش تراي معصبه ودي اغول احد !!!!!!!!!!

[العريف]

اخت سرى




ماقول غير ( يامسكين اللي بياخذك )


من جد .... الافضل لاتتزوجين حتى تتغير قناعاتك ... لأنه بهالحاله ...... ونظرتك له بهالشكل ... والله إن يقطّك ببيت أهلك .. ومحد سمّى عليك .. ويقطّ عيالك معاك .....

أنتي فاهمة العلاقة الزوجية بالمقلوب ... وتحسبين السالفة .. شراكة جهادية أو تخطيط لمعركة .. أو شراكة إستثمارية .... !



شوري عليك ... شور أخو لأخته .. إما إنك تغيرين نظرتك .. أو لاتعرسين ... ينقال لسه ماتزوجت ولاينقال مطلقة !


وبالاخير : نصيبك حـ يصيبك .. لامحاله