بنت تنتظر ارائكم يابنات وياشباب بس بسرعه.....

[قلب الأسد]

هذي بنت وقريبه لي عمرها 20 سنه تقريبا
تقدم لخطبتها شاب يحمل موصفات الرجوله
ذو خلق ودين ووظيفه ومال ولكن بعد الخطبه
واثناء السؤال من اخو الفتاة اتضح له ان هذا
الشاب يحب البر بشكل غريب ولاتكـاد تمــر
اجازه او نهاية كل اسبوع وخصوصا في فصــل
الشتاء الا ويخرج للنزه والصيد يعني راعي بـر
عموما الوضع عادي ويضل رجل ولكن مثل هذه
الهوايه وكما بلغت انها هوايه بزود وحب غريب
للبر هل ستؤثر على الفتاة مستقبلا وتكــــون
هذه الفتاة لاتخرج من بيت اهلها عند خروجــه
وهل ستعاني. ام انها لن تؤثر وتتعود عليــــــها.
اللي عنده راي يقوله خصوصا ان اهل الفتــــــاة
لم يعطو الاوكيه لأهـــــــــــــــــل الخـــــاطــب.

[عجوز سمنسي]

ههههههههههه

قلب الاسد ياقلبي

والله ان اغلب حقين البر رجال ينشد فيهم الظهر

اعرف قريب لي من النوعية هذي من حبه للبر ياخذ زوجته معه للبر ويعزب هو واياها

ياخي وبعدين اذا صار راعي بر ؟ يعني ما اعتقد ان هذا يعيبه

واعتقد انه بعد الزواج راح يتغير ويهبط شوي ويركد

عاد هي وحكمتها

[توتي]

وياقلب انا اقول راعي بر ولا راعي سفرات وروحات وجيات منا ومنا

[عازفة ألحان الليل]

هذه ليست مشكله ياقلب ضب !!!!!!!!!!!

وارفض التعليق عليها ...

[الصمت القاتل]

والبر عيب؟

يبوو شوف شبابنا انحراف وضياع

زوجوها وتوكلوا على الله اذا بس بلاه البر ماشوفه قصور

[إشراق]

هالحين البر صار عيب؟؟؟

عجيب

بالعكس راعين البران هم الرجال

مهب التبطح بالاستراحات ومقابل هالدشوش

وحده اعرفها زوجها يحب البر بشكل عجيب ويطلع شبه يومي مهب اخر الاسبوع مثل هالخاطب ياحول


ولدرجة انه اذا مالقى احد يطلع معه

طلع لحاله وفل عزبته وشب النار وطلع معاميله وسواله شويهي

ويقعد لحاله

عايشين ماشاء الله تبارك الله سمن على عسل

ولاشي ينغص حياتهم

[أبوالبراء]

الله انا ابيدي رايي الجاد
اشوف ان البر مو عيب ولرجال بكره لاجو عيالها يجون طحاطيح مو على الهمبرقل والفطيرة .
اما اذا كان في شي ثاني زي الدخان او السهر في المنتزهات الشبابيه بشكل غريب او انه يجيب شباب يسهر في بيته .
هذه المواصفات انا رافظ قبل اهل البنت لانه مايستاهلها وكذا اهي الخسرانه اذا رضية عليه .
اما غيرها فتوكلوا بعد الاكثار من صلاة الاستخاااااااااره ...



وسلام راااااااااااااااايي ارجو التقبل .


أبو البراء

[رحيل]

يحمدون ربهم عيبه راعي بر

مهب عيبه شئ ثاني

وإذا هو رجل هذا أهم شئ لايفرطون فيه

والله يكتب لهم الخير ويوفقهم

[* ويــن الوفــا *]

هذه مو مشكلة هذي نعمه راعي ولاراعي سفرات وفعلا دايم راعين البر ماشاءالله عليهم اخلاق ويقدر بعدين هي المستفيدة تسوي زيارات لاهله صحيح راح تتبهذل من الحل والترحال لكن لاتفوت عليها الفرصة تستخير والله يوفقها

[هامة حاسوبية]

[align=center]




لا أعتقد أن هذا عيباً يرفض لأجله الرجل ..!!





[/align]

[•°سـرىآ اللـيـل°•]

والله حسب معلوماتي إن كانت صحيحة أن راعين البر رجال لو صاروا دجة علم وهذا غالب لكن عاقلين و ماعندهم لف ودوران وحركات الشباب الطايشين .. على العموم والنعم فيهم ..

من ناحية بتتأثر هذي أكيد أختي زوجه راعي بر وتضايقت من هالشيء لكن مافيه إنسان برسمه على كيف قلمي ,, قل له تتوكل على الله وأهم شيء الرجولة بالزوج ,, لامال ولاحسب ولانسب ولاوظيفة ..

وأهذب تاهيه’

[البـــBADERـــدر B.D.Q]

لا اعتقد ان البر عيب بالنسبه للرجل
بالعكس البر يعلم الرجال الصبر والتريث في كثير من الامور

اخوي قلب الضب يمكن تكون طلعاته كثيره ايام العزوبيه لكن اذا عرف ان وراه مسؤليه ووراه ناس تنتظره صدقني راح تخف هذي الطلعات شوي شوي الين تنتهي مره
وتصير طلعاته مع زوجته وعياله بس

اذا كانت فعلا زوجه صالحه له

[ممكن اكون بكونك]

[align=center]البر مو عيب على الاقل تعرف وين يروح ..

العيب والله بالخربطة والسهرات ..

خلها تتوكل على الله وتتزوج ×××××...[/align]

[حزام الأمان]

قال عليه الصلاة والسلام :"من جائكم من ترضون دينه وخلقة فزوجوة "

اذا هذا فقط عذروبه "عندكم" فهو نعم الرجـــــــــــــــل

[قلب الأسد]

[align=center]

اقتباس:  المشاركة الأصلية كتبت بواسطة عجوز سمنسي     ههههههههههه قلب الاسد ياقلبي والله ان اغلب حقين البر رجال ينشد فيهم الظهر اعرف قريب لي من النوعية هذي من حبه للبر ياخذ زوجته معه للبر ويعزب هو واياها ياخي وبعدين اذا صار راعي بر ؟ يعني ما اعتقد ان هذا يعيبه واعتقد انه بعد الزواج راح يتغير ويهبط شوي ويركد عاد هي وحكمتها

نعم وانا املك اصدقاء راعين بر من ارجل الرجال
ويمكن يهبط بعد الزواج >>اعجبي هذا الرد.

عجوز شرفتنا ياغالي..[/align]