بنات ابليس او بنات المطاوعة ؟ .. تجدهم في شريط المجد

[فتحي الشقاقي]

[align=center]



مرحبا بالجميع وكلن في محلة ..

عن شريط الحوار او الشات على قناة المجد القصد المعني بالموضوع ،، هناك لا تعلم هل المتحاورين هم بنات ابليس او بنات المطاوعه ؟

كلام لا تعلم كيف تستصيغه وهو مكتوب على احد البرامج الدنينية ..

ومو حلوه عند ربي .. انك تشاهد على الشريط كلام فيه من قلت الأدب ،، وفي نفس الوقت تسمع كلام ديني ..>> مررره موب راكبه من باب الحياء


حينما كنت اتابع احد البرامج الدينيه >> اللهم لا رياء

حصلت وحده كاتبه على الشريط بكل وقاحه ( يابنات انا حاطه البارح على شعري زغولت بعير ولما صحيت من النوم صارت ريحة بشعري مقرفه لدرجت اني غبت عن الجامعه من قوة الريحه فيه احد يعرف كيف اشيل الريحه من شعري ) ..

بالله عليكم هذا كلام ينقال في قناة دينيه ؟

والثانية كاتبه ( الذهب الاصفر غالي والذهب الابيض سعبووووول وش حلاته )

بالله عليكم هذا كلام ينقال في قناة دينية ؟

والثالثه كاتبة ( عندي وصفات تجنن للي ركبها واكواعها سوووود )

والله عيب ،، الواحد يستحي وهو جالس عند عياله والكلام هذا على اطهر قناه للمسلمين والتي اصبحت في كل بيت ،،

يعني حتى قناة المجد ماسلمت من الهبال ؟

حتى الي قاهرني ان الكتابات هذي كلها من بنات ومافي كتابات من العيال ابد ،، استنكرت الوضع شوي .، سألت واحد من الربع
قلتله تتوقع ليش مافي عيال يستهبلون ؟

قال يافتحي بنات المطاوعه محجرين عليهم ..
اما العيال صعبه تقفل عليه في بيت ،، تحصل عيالهم في الاستراحات يتابعون قنوات عادية .. بس البنات هم الي ماكلينها ومافي غير قناة المجد بالبيت >> الوالد مطوع وممنوع يدخل غير المجد ..

مسكينه يا قناة المجد ،، اكلتيها غصب عليك

انا اقترح ان قناة المجد تحط موظف على السستم حق الشات عشان يقوم بتنسيق المداخلات ويحذف المداخلات المخله بالأدب ..>> مو هيك ابن عمي ؟

امبلى هيك .. لانو بهي الحاله منا محرزه الواحد يحطا في بيتو ..[/align]

[[..عذآري..]]

اقتباس: قال يافتحي بنات المطاوعه محجرين عليهم ..

عين العقل على الكلمه هذي...


بنات المطاوعه يسون اي شي ولا يبألن بي تصرفاتهن لان كل ممنوع مرغوب

عكس البنت اللي اهلها مو معقدين بالعكس تحصلها انسانه محترمه لان كل شي متوفر لها

من شأن كذا ماالجات الى الكلام الي تقوله

[بنت البدائع]

عادي وش فيها إذا أستفسرت البنات عن أي شي بخصوص الحاجه
تهون إذا أن اللي قالوا زي ماذكرت ..

الحين شريط المجد صاير فله نوعاً ما

قسماً بالله أغلب بنات الكليه عرفت إنهن يبي يتزوجن عن طريق شريط المجد والتبريكات

[عجوز سمنسي]

في فمي ماء يافتحي لكن صعب اقوله

هذي ضريبة اذا كان فيه احد يعرف ان فلان هو العجوز السمنسي

[جناان]

تصدق ما عمري قريت مثل هالسوالف ابداااا
وبعدين الشات على قناة الاطفال

[اميرة الورد]

قمت السخافه يصير شريط ذا القناة كذا المشكله انو مخصصين الحين قناة اسمها بنات حوا كلهاشات ودينيه وكلها حريم ايسولفون وراه ماتروح هناك اصرف مو عند قناة يتابعها الكبير والصغير من رجال وحريم ياخزياه بس الشرهه مو عليهن على اللي سمح برسايلهن انها تطلع من اول شي وفتحلهن باب ماله داعي والا وشوله ايقالها ماتقدر تحل مشكلتها بنفسها ان ودي ادري من ويلهن الجراءه بالكتابه...

تقل مروي

[§¤~^~¤§ شوكلاته مالحه§¤~^~¤§]

استهبال اكثر من انه استفسار عن حاجه بعدين الله واكبر ماكثر الله الا المنتديات تروح تستفسر عن الي تبغاه صدق بعض الاسئله تجي نص كم

[قلب الأسد]

فتحي الشفافه ياهلا بك ياملح الشات كله :: انا شفت مثل ماذكرت بس شفتهن
بقناة بدايه وحواء بس المجد مادري ,لكن انهن بنات مطاوعه ليس ضروري لأن اكثر
البيوت عندهم المجد ورب الأسره مادله الطوع بس حاطه لعياله وهو برا عند قنوات
الأغاني والأفلام ,وبصراحه الجمل اللي ذكرت فيها قلة ادب وين المسؤلين عن تلك
القناة والمشكله انها دينيه .

[&نجدية كووول&]

مصرقع شات المجد والله أني مالي خلقه كله خلطات ومشاكل وزوجي مدري وش فيه...


بص لاصار ضايق خلقك تتونس فيه...لاني أنا مو من متابعات القنوات الثانيه...

[لعيووووونك]

والله هالبنات يشغلن اللي ما ينشغل
تجيبه منا تروح منا .. بصراحه البنت بهالزمن تربيته معقده !
طبع البنت سبحان اللي خلقه أعوج .. يعني إذا حطت بباله شيء ألا تسويه بالطيب أو بالغصب .
الاغلب منهن الحياء منزوع مثل ما ذكرت .
وهذا اللي ذكرته كله من أسباب الحرمان من لدا الأهل يا فتيحي .
لو تلاحظ البنت السيئه تفرح أنه تسيء وتحوس سمعة غيره .
مستحيل أنه تفكر وش راح يكون له بالايام القادمه
تلاقي المظهر كأنه مظهر صحابيه والباطن لا تعليق عليه .

دمت

[علشانك بس]

[align=center]أهلا فتحـي الأسمراني ,,,
انا والله ماشفت اللي انت تقول .. لكن أسمع فيه !!
تعرف أشغالي والتزامـاتي ماتسمح لي اقابل التـي في [/align]

[الكبري]

[align=center]

اقتباس:  المشاركة الأصلية كتبت بواسطة جناان     وبعدين الشات على قناة الاطفال

ننتظر التوضيح منك يافتحي .

وقناة المجد سدت مكان كان شاغراَ فشكراَ لهم على ماقدموه وننتظر ونتمنى لهم التطور .

وأضن أن الرسائل تمر بمرحلة فلترة قبل النشر على الشريط .



عذاري المطاوعه معقدين !

ومن يتركون بناتهم دون توجيه لمتابعة قناة غير ضاره هؤلاء على صواب !

لكم أطيب المنى [/align]

[إشراق]

صحيح قريت أشياء تحوم الكبد
وأشياء مالها داعي

بس تظل عندي شات مجد الأطفال أهون من شات أي قناة فضائيه ثانيه
ماغير تغزل وحب وشعر ووله تقل منزوع الحب منهم وماعمرهم شافوه بحياتهم
هذولي بنات غير المطاوعه ياعذاري يدورن الحب بشات غير المجد


فتحي هونها وتهون صحيح عليها مآخذ بس قليله ولاتذكر مقارنة بغيرها

وهي أحسن الموجود بدال قنوات المجن والصرقعه والأغاني

[منصورعبدالله]

المفترض من نفس القناة الموقرة
انها ماتحط شريط بالاساس!!
لانها قناة دين لفائدة الناس وليس للكسب من المسجات...

وصراحة ان الشريط كذا يخرب الناس بدلا من الفائدة
لانهم قلبوها شات وسواليف حريم..







تحياتي ليك,,,,,,,

[[..عذآري..]]

اقتباس: عذاري المطاوعه معقدين ! !

اخي انا لم اعم جميع المطاوعه بل من اللذي ارهم في مجتمعنا

اقتباس: ومن يتركون بناتهم دون توجيه لمتابعة قناة غير ضاره هؤلاء على صواب

مافهمت عليك !!!!