هلا عاشق ,,أنا بصراحة رجل بيتي ,يعني ما أطلع إلا بعد صلاة العشاء للإستراحة لمدة ساعة ونصف أو ساعتين وبعدها أعود إلى عشي .
بس ممكن الراحة النفسية تلعب دور ,بعض الأزواج يصير عنده بالبيت الشويش عطيه أنواع الدلاخه والدباشه والبروده وبالتالي سيهرب ويبحث عن بديل يقتل به روتين المنزل القاتل .......دمت بخير عشوقي
طيب ماسألتهم وش السبب..
انا معك الزوجة لها دور..لكن الزوج له دور بعد..
بعض الرجال لاقعد مع زوجته تقل ميت(ن) له احد..عاقد حجاجه..تقل هموم الدنيا فوق راسه..
لاواذا قالتله سولف قال وش تبينن اقول..
هذا ماتصدق زوجته انه ينقلع لأنه يجيب لها الاحباط..
صدقني ان الرجل يقدر يخلي زوجته صديقته في آن واحد..
كلمها عن همومك واحلامك وحتى مشاكلك بالعمل ولاتقول امور ماتخصها..
لا..وفيه بعض الرجال تلقاه ضايق صدره واذا قالت له زوجته وش فيك؟؟
قال شي ما يعنيك<<انواع الجلافة
وعشان كذا تكون لغة الحوار بالبيت مفقودة..
فيروح الرجل برا يدور احد يوسع صدره..ويحط اللوم على زوجته..
وهو مايدري انه يضايق نفسه بنفسه..
وبعض الرجال مايراها مشكلة فلذلك ماعندة استعداد يسوي شي..
وهالجنس الله يعين زوجته عليه..
.. سوف أجاوب على سؤالك بكل حيادية..لاسيما وأنا ( الهاربة بكيفي)..!!!
.. القضية أخي الكريم متشعبة..مابين الإقرار بحتمية التغيير وهذه من صفات النفس البشرية..كما قال بنوا إسرائيل ( لن نصبر على طعام واحد)..وثانيها نوعية الواقع الشخصي..فهناك من يدمن على الهروب كعلاج نفسي وربما يفظل العزلة أحيانا..وثالها قضية البحث عن الصحبة ومنادمتهم..خصوصا حينما يجد الشخص طابع الحرية وموت عين الرقيب..فحينئذ يكون الهروب..وخلق الأعذار الوهمية لـــه.. وإن لم تكن صحيحة..
.. لــكن لماذا نسميه هروبا؟ ونحن نعلم أن الهارب من الشيء يكره مواقعته..لماذا لانسميه (بــُعد الرجل عن بيته) أو ( الخروج المتكرر) لأنه ما من رجل إلا وقلبه متعلق ببيته( عــدا الحالات النادرة الحاوية لملفات شائكة ) وهذه نسأل الله لأهلها تفريج الكربة، والإعانة على الحـــياة..والله المستعان.
[align=center]عاد تصدق ان هروبهم فيه خير وبركة لو يجلس بالبيت قسم بالله ان يحط كل عيوب الدنيا بالبيت ليش هذا كذا ليش الارض به قشور فصفص وهو ماشاف غير قشر واحد!! ....والله هروبهم يريح المراءة شوي هي تمل من مقابل وجهه كل الوقت ولا عاد أن ماحط عيوب حط حرته بالشاهي كل دقيقة ياهيييييش سوي شاهي...
أنا ضد أن يكون خروجه لأوقات طويلة حلو أنه يريحها من وجهه العصريه عشان تاخذ راحتها ويشبك شوي من المغرب.....
أحترامي..[/align]
التوقيع
ياسمــــــين التقيه
إلى جنة الفردوس الأعلى أنت وزوجك بإذن الله ..
الرجل الذي يهرب من البيت يكوون بعيد عن ابنائه وعن زوجته وغير متفاهم معهم لان هرووبهم يدل على انه لايستطيع ان يكوون بينه وبين اهل بيته تفاهم يجعل من جلووسه بالبيت مريح ومحبب له فلو استطاع ان يقنع زوجته بانه ان فعلت كذا وتركت كذا ستجعل الوقت الذي يقضيه معها ممتع فلا يخرج من بيته
ليش الرجال يهربون من بيوتهم ؟
....والله هروبهم يريح المراءة شوي هي تمل من مقابل وجهه كل الوقت ولا عاد أن ماحط عيوب حط حرته بالشاهي كل دقيقة ياهيييييش سوي شاهي
...
.....
العرض العادي
