عبـاس على دبـاس وساعه تطلـع معـك (( مقـــلوبه ))

[فارس الميدان]

[align=center]مرحبا بالجميع

اثاري المقلوبه سهله وانا احسبها صعبه ..

على العموم يقلون المقلوبات اشكال وانواع .. وكلن له طريقه

من الاول / بس ماراح ادخل بالطبخه لين احكي سبب تعلمي لها : > مسوي انه تعلم شي صعب هه،،


انا صارلي حوالي 11 سنه اكل من المطاعم بشكل يومي في الاستراحه والا اذا كان فيه مناسبة في احد البيوت .. لين مليت وتعبت وصرت اكره المطاعم

مع ان الشباب بالاستراحه عددهم حوالي 15 واحد . بس مع الاسف مافي احد يفهم بالطبخ ..

جبنا طباخ .. جلس لمدة سنتين .. كنا مبوسطين فيه لدرجة انه أيام الشتاء
كنا نطلع فيه المخيم ويركب قدام لانه اهم واحد بالرحله ..>> يموتون بالاكل


المهم الطباخ مع الوقت اكتشفنا انه مسكن في غرفته بنات بنقاليات هاربات من المستشفى .. بعدها نصحناه وطردناه .

والله اني متحسف في طردته لان الاكل مشكله بالنسبه لي ..

ايام كنت صغير كنت مفتون بالطبخ ودايم ابزع ، اذكر مره طبخت في مخيم لحوالي 20 واحد ،،

بعد ما خلص الاكل جبت القدر بحط العشاء ، والله لا يوريكم مكروه ،،
مدري ليش الرز طلع لازق بالقدر ،، والصلصه جالسه فوق مدري وش جابها ..
ناشفه بالحيل وصاير الرز متلزق في بعض ، انا قطعتها مثلثات وقلت كل واحد ياخذ نصيبه يالربع
اذكر واحد من العيال يقول هذي نثريه ولا قاتو .؟
والثاني يقول ماباقي الا تجيب دريم وب تكتب فوقها ( مبروك النجاح يا فارس )
من بعد هذا الكلام جتني صدمه ومادخلت المطبخ 10 سنوات ..

والحين عرفت هذي الطبخه بعد ما انجبرت عليها حتى ناكل شي من طبخنا ونستغني عن المطاعم ..

الطبخه سهله بالحيل ولذيذه

المكونات والطبخه بشكل سريع /

بطاطس
+
قرع
+
طماط
+
بصل
+
كوسه
+
دجاج او لحم

تقطعهم ،، وطوالي تحطهم في الكاتم ، تحط البهارات والملح وتحط الرز بعد ما تطبخه على الماء نص استوى ..
وسكر الكاتم وتقصر عليه ،، لمدة ساعه فقط
للاحاطه ترا الطبخه بدون ماء .. لان الطماط والبطاطس والبصل والقرع فيهم مويه تكفي الرز بقياس موزون ..

صدقوني لذيذه للي يبي يطبخ بدون تعب ، وتطلع معه طبخه حلوه [/align]

[إشراق]

مبروك أذا عرفت تطبخ وش عقبه يوم جيت تعرس

عقبال باقي العزابيه يعرفون يطبخون

[العبرى]

زين يطلع منكم..

المقلوبه جداً سهله مع إن وصفتك مدري كيف لكن

يعطيك العافيه





تحيتي,,,

[Queen of buraydh]

طيب مايذوب الرز ؟؟؟؟

رز وفي الكاتم وساعه ؟؟؟ احسه بيذوب ؟

ع العموم نجربّها مع اني مااحب الكاتم احس طعم الاكل فيه ماصخ ..

شكراً لك اخ فارس وعقبال ما يتعلمون بقية العزاب لأن اكل المطاعم بيذبح بطونهم مساكين ..

[فارس الميدان]

اقتباس:  المشاركة الأصلية كتبت بواسطة إشراق     مبروك أذا عرفت تطبخ وش عقبه يوم جيت تعرس عقبال باقي العزابيه يعرفون يطبخون

والله الطبخ شي ضروري الواحد يتعلمه

[فارس الميدان]

اقتباس:  المشاركة الأصلية كتبت بواسطة العبرى     زين يطلع منكم.. المقلوبه جداً سهله مع إن وصفتك مدري كيف لكن يعطيك العافيه تحيتي,,,

ايه غريبه بس لذيذه صدقيني ،، انتي سويها وماعليك

[فارس الميدان]

اقتباس:  المشاركة الأصلية كتبت بواسطة Queen buraydh     طيب مايذوب الرز ؟؟؟؟ رز وفي الكاتم وساعه ؟؟؟ احسه بيذوب ؟ ع العموم نجربّها مع اني مااحب الكاتم احس طعم الاكل فيه ماصخ .. شكراً لك اخ فارس وعقبال ما يتعلمون بقية العزاب لأن اكل المطاعم بيذبح بطونهم مساكين ..

لا ما يذوب .. انتي قصري النار عليه ومن عندي ماعليك

جربيها ما راح تندمي

[جورينا]

فارس الميدان ..

حي الله شيفنا الطباخ ..

زين اللي ربي فكك من مطاريس هالعمال ماشفتهم بالتلفزيون

وصنعه باليد افيدلك واصح لك ..

تسلم يمينك اخوي على هالوصفة ماقصرت ..

بطبق وصفتكـ ان شاء الله واحكم واعلمك ..

رعاكـ ربي ..

[Queen of buraydh]

اخ فارس المقلوبه الآن على النار .... الله يستررر .. خايفه ماتضبط ويضحكون علي اهلي

راح ارجع اخبركم نجحت والا لا ان شاءالله ..

[جوان2007]

مشكورررررررر اخوي

[جناان]

ياسلام على المقلوبه
وخااصة بالدجاااج
لكن مقلوبتك
مدري احسه راح تكون جريش

كوين مثلي
والله ينا اكره رز الكاتم

[Queen of buraydh]

جنان
لا لا

لا تفوووتك .. بصراحه شييييي .. تصدقين اول مرّه اسوي مقلوبه ومضبوطه زي كذا .. لا وبعد سهله مايبي لها جهد خاصّه اذا جاك ضيوف فجأه ..

واحسن شي انها مافيها قلي وزيوت يعني صحّيه


بس اضفت على مقادير الاخ فارس :

زهره مقليه

حلقات باذنجان

ملعقة كبيره بهار كاري

ظرف بهارات مكسيكيه

شوي زبده

[الافق]

[align=center]

اقتباس:  المشاركة الأصلية كتبت بواسطة فارس الميدان     [align=center]مرحبا بالجميع اثاري المقلوبه سهله وانا احسبها صعبه .. على العموم يقلون المقلوبات اشكال وانواع .. وكلن له طريقه من الاول / بس ماراح ادخل بالطبخه لين احكي سبب تعلمي لها : > مسوي انه تعلم شي صعب هه،، انا صارلي حوالي 11 سنه اكل من المطاعم بشكل يومي في الاستراحه والا اذا كان فيه مناسبة في احد البيوت .. لين مليت وتعبت وصرت اكره المطاعم مع ان الشباب بالاستراحه عددهم حوالي 15 واحد . بس مع الاسف مافي احد يفهم بالطبخ .. جبنا طباخ .. جلس لمدة سنتين .. كنا مبوسطين فيه لدرجة انه أيام الشتاء كنا نطلع فيه المخيم ويركب قدام لانه اهم واحد بالرحله ..>> يموتون بالاكل المهم الطباخ مع الوقت اكتشفنا انه مسكن في غرفته بنات بنقاليات هاربات من المستشفى .. بعدها نصحناه وطردناه . والله اني متحسف في طردته لان الاكل مشكله بالنسبه لي .. ايام كنت صغير كنت مفتون بالطبخ ودايم ابزع ، اذكر مره طبخت في مخيم لحوالي 20 واحد ،، بعد ما خلص الاكل جبت القدر بحط العشاء ، والله لا يوريكم مكروه ،، مدري ليش الرز طلع لازق بالقدر ،، والصلصه جالسه فوق مدري وش جابها .. ناشفه بالحيل وصاير الرز متلزق في بعض ، انا قطعتها مثلثات وقلت كل واحد ياخذ نصيبه يالربع اذكر واحد من العيال يقول هذي نثريه ولا قاتو .؟ والثاني يقول ماباقي الا تجيب دريم وب تكتب فوقها ( مبروك النجاح يا فارس ) من بعد هذا الكلام جتني صدمه ومادخلت المطبخ 10 سنوات .. والحين عرفت هذي الطبخه بعد ما انجبرت عليها حتى ناكل شي من طبخنا ونستغني عن المطاعم .. الطبخه سهله بالحيل ولذيذه المكونات والطبخه بشكل سريع / بطاطس + قرع + طماط + بصل + كوسه + دجاج او لحم تقطعهم ،، وطوالي تحطهم في الكاتم ، تحط البهارات والملح وتحط الرز بعد ما تطبخه على الماء نص استوى .. وسكر الكاتم وتقصر عليه ،، لمدة ساعه فقط للاحاطه ترا الطبخه بدون ماء .. لان الطماط والبطاطس والبصل والقرع فيهم مويه تكفي الرز بقياس موزون .. صدقوني لذيذه للي يبي يطبخ بدون تعب ، وتطلع معه طبخه حلوه [/align]

أحسنت .. وش نسوي حنا يالعزوبيه ..
عموماً .. جاري التجربه !!!
الله يستر..



تحياتي[/align]

[الافق]

اقتباس:  المشاركة الأصلية كتبت بواسطة Queen buraydh     جنان لا لا لا تفوووتك .. بصراحه شييييي .. تصدقين اول مرّه اسوي مقلوبه ومضبوطه زي كذا .. لا وبعد سهله مايبي لها جهد خاصّه اذا جاك ضيوف فجأه .. واحسن شي انها مافيها قلي وزيوت يعني صحّيه بس اضفت على مقادير الاخ فارس : زهره مقليه حلقات باذنجان ملعقة كبيره بهار كاري ظرف بهارات مكسيكيه شوي زبده

[align=center][align=center]إن نجحت طبخة الأخ فارس .. نجرب بكرى إضافة كوين ..



تحياتي[/align][/align]

[Queen of buraydh]

^^^

اخ الافق لا تنسى تخبّرنا وش طلع معك من نتيجه ,, اليوم سويتها مرّه ثانيه بإجتماع الاستراحه ( عنز طاحت بعبس )