حبيبي شقاوي
الانجليزي ما يبي شي بس شوف خلك معي وانشاء الله انك
تغدي ما يحتاج , يعني ما تحتاج من يترجم لك ويساعدك
موب تغدي ترطن , الرطن يبيلو كليه ويالله بعد .
1. اهم شي , تركز بالبدايه على الكلمات خصوصا اللي
تلقاها مكتوبه سواء بالتلفزيون , الشارع , الدراسه ,
المنتجات , باي مكان يصل له نظرك , تعرف معنى الكلمه
وطريقة نطقها.
2. لازم يكون رصيدك بالمفردات كبير شوي عشان تقدر
بعدها بمده انك تحاول تتفاهم مع الاجانب بالانجليزيه
ولا تنحرج , عد روحك بمعهد لغه وما فيها شي لو تسئله
عن معنى بعض الاشياء بالانجليزيه .
3. طبعا لا تفكر بالنقطه 2 الا بعد مده تصل لسنه او سنتين
من جمع المفردات وحفظ الكلمات الدارجه والمستخدمه بكثره.
4.اذا وصلت مرحلة التحدث بشيء من الطلاقه , وشفت روحك
تتكلم ما شاء الله , تقدر انك تطور روحك سواء بدورة لغة
بالمعهد البريطاني او تتوكل على الله و تسافر وتاخذ دورة
لغة لمدة ثلاث الى ستة شهور تكلف من 20الى40الف ريال
وادري انك لو رحت منتب مكملن اسبوعين الا وانت ناكس
وتقول ( ولهن على بريده ) مير خذ الدوره بالرياض وانسفهم
الاربعاء وفله ببريده وداوم السبت
العرض العادي
