ناظر بعين أمه وقال تحبيني يا قمر
قالت أمه يا بعد قلبي أكثر من كل البشر
قال بس سامحيني يا لحبيبه تراني أحتضر
ضحكت من كلامه وقالت ويش ها لخبر
تبي حـلاوة ولاتبي لعبة قول وأختصر
قال يومه تراني راحل وما يرد القدر
قالت تراني عارفة حركاتك ياهذا النمر
تراني عارف يوم تبي شي تحاول تختبر
تبسم الصغير وقال تراني عطيتك خـبر
وراح الصغير يلعب وقلب أمه يعتصر
قالت أعوذ بالله من الشيطان ومن ها لخبر
شافته يناظر في السما ثم فيها ويتنهد في صبر
قال يومه صحيح أنا صغير بس هذا من الله أمر
صاحت وقالت أسكت تراني من كلامك بنفجر
ثم غابت ورجعت وماعاد فيها شيءٍ من صبر
صاحت ياويلي! صغيرها فعلاً متمدد يحتضر
حضنته ومن ولها صاحت يارب رد القدر
قام مسكها وتشبت بكل قوة وطول بالنظر
قالت تراك طيب لا تودع تراني ما أصطبر
ولبست عباها وعند الطبيب تسأل ويش الخبر
قال الطبيب أمر الله ومالك يا أختي غير الصبر
قالت والحزن يقطع قلبها لا تقول مات عطه أبر
حضنته وقالت توه صغير رده وعطه عمـــر
هزها بقوة الطبيب وقال يا مؤمنة بيد مين العمر
قامت نستغفر وتقول صغير وباقي له عمر
قال ربك حدد له ساعة وأجل وما يرد القد ر
جوأهلها وحملوها وأخذوا صغيرهم لحضن القبر
غابت عن الدنيا والكل يسمعها تنادي باسمه وتعتذر
وياريت ينفــع الصياح لجـــانا من الله أمر
هاذي أم من ولدها كادت تكفر بالقضاء والقدر
العرض الشجري