تعــــــــــالو شوفـــــــــــو حــــــــــالتي0000بغيتها طرب صارت نشب

بسكاتي اذلك · 11-04-07, 07:58 am

السلامـ عليكمـ ورحمـــة الله وبركاتـــهـ

حياااااااااااااكمـ من لاتنام عينه

الموضوع ومافيه ياجماعة الخيــر إني بغيت اتميلح عند أخـوي وانقلبت السالفة على راسي ....

ايييييييييييييييييييييه

بقول لكم السالفة وانتوا احكموا بما تمليه عليكم ضمائركم الحية !!!!!

كنت في يوم من الأيام قاعده لا ليًا ولا عليًا

أهلـي كلهمـ طالعيـن ومافيـه إلا أبــوي وموب لمــي..

وأخـوي كــان نايمـ ,,,

المهم وقمت وشمرت عن سواعدي وقررت اني افرح أخـوي اذا قام واخليه اسعد أخـو في الدنيا
<<يابعــــدي ادور سعادته
وآخذ الصابون (( صابون الصحـون فيري )) واطلع للحوش وقررت اغسل سيارة الرجال .

طبعا لايخفى عليكم اني ظنيت كل مازاد الصابون ازدادت النتائج روعةً وتألقاً..

وصبيت صابون من قلب وكمية الصابون كانت تتناسب طرديا مع مقدار السنــع اللي خمني في ذيك اللحظه .

وبدأت رحلة البربسة في غسل السيارة .................

وعينكم ماتشوف إلا النور

وقمت احوس بهالسيارة واتبوسم انا وخشتي

واتخيل فرحة أخـوي اذا عرف اني غسلت سيارته بيدي الناعمتان

واصب مويه ابي الصابون يروح ... مافيه امل الصابون يررررررررغي كثييييييييير !!!!!

والسياره حالتها كسيفة .............. وصارت حفلة صابون

واصب مويه والصابون يرررررررررغي وانا أصييييييييييييييح

والسياره بحالة وانا أصيييييييييييييييييييييييح

واللي صدمني اكثر ان تانكي البنزين اطرافه يطلع منها فقاعات!!!!!

فخفت ان التانكي دخله مويه وصابون !!!!

وقعدت أصييييييييييييييييييييييييح

طبعا صبيت في الميااااااااه لييييييييييييييين دخت ,,,,

لا السياره راضيه تنظف !!!! وصابون الغبرا مازال يرغي !!!! الشارع امتلئ مويه !!!!

((أسرفت في المويه_الله لايعاقبني_ و تسربت من تحت الباب والبلدية بتغرم أبـوي))

كل هذا يصير وانا أصيييييييييييييييح و اتخيل مصيري اذا صحى الرجال وشاف انجازاتي الرائعة

وضاااااقت بي الدنيا وقلت خلااااااااص وكلي امرك لله يابسكاتي00

وجبت منشفه كبيييييييره وبدأت امسح السيارة على بالي انها بتخف شوي المأساة !!!!

يوم شفت النتيجه قعدت أصيييييييييح . أففففففففف وش اسوي ؟؟؟!!!!

صارت السيارة ملغمطة !!! وحالتها حالة !!!! وطبعا ماقدر اصب مويه عليها !!!!

وصار همي همين ::: هالشارع الغرقان ,,,, والا هالسياره الملغمطه ,,,,,

والا هالرجال اللي بيحوسني ,,,,, والا هالتانكي اللي مدري وراه انهبل وقام يغرغر ,,,,,.

حاولت افكر بالعقل وش اسوي ؟؟ وش اسوي ؟؟.... مافيه حل .

تمنيت لحظتها انهم يخترعون ا ستشوار كبيييير انشف فيه الشارع ,,,

والا ياليتهم اخترعوا صابون مايرغي كثير,,,,

والا اانهم اخترعوا سيارات ماتغبر .

وأنا في غمرة افكاري .......... ............

الا اسمع صوت أخـوي قام من النوم !!!!!!!!!!!

أنـاااا خلااااااااص جـتني ام الركب .

دخلت بنحـاش واروح اتخبـا عند أبــوي وأمـر من عنـد اصالـــه وألقـاه قاعـد

وشـافنــي وانا غرقاااانه مويه ,,,,, وباين اني مرتاعة ومصوفره ,,,,

وطبعا آثار البكاء واااااااااااااااضحة .

قالــي خيـــر وش فيـتــس؟؟

وطبعا على طول بديت أصيييييييييييح واعترفت له بكل شئ وبالتفاصيل المملة

(( يعرف مني احس من انه يشوف من نفسه ))..

راح وشاف انجازاتي الرائعة .... شاف حفلة الصابون في الحوش وانصدم وتغير وجهة ...

وطلع وشاف حفلة المويه اللي بالشارع ورجع يآآآخذ حقه وحق البلدية مني .

وعدوا عينكم يجيه ماجاني ذاك اليوم

بدأ يزئررررررررر

وقعد يهاوش ليييييييين نشف الشارع ,,,, وكانت ليلة ليلاء .

السؤال اللي يطرح نفسه ياأعضائنا الكـرامـ ..... من الغلطان في هالسالفة كلها؟؟ :::

1 /// أخـوي اللي ماقدر تضحياتي ورغبتي في اني اخلي الحياة سعيده00

2 /// السيارة اللي مارضت تنظف من الصابون و التانكي اللي قام يغرغر وروعني .

3/// الصابون الشرير اللي طول الوقت يرغي وهبل بي .

4/// جميع الأجابات صحيحة .

Tulane · 11-04-07, 08:05 am

هههههههههههههههههههههههههههههههههههههههههههههههههه هههههههههههههه

فديتج ي اختاه والله انك رهيييييييييييييييييبه وعليك اسلوب في الطرح ولا اروع هههههههههههههههههههههههههههههههههه

وانا برأيي ان السبب السياره والتانكي والصابون اللي روعوك هههههههههههههههههههههه

فــــــــديتج فـــــــد وفـــــــــــــد ي الدبه

دلع وزين البنات · 11-04-07, 08:15 am

[grade="00008B FF6347 008000 4B0082 FF1493"]

ههههههههههههههههههههه

لا ما اخطيتي كان يوم علمتيه فركتي لها وهجيتي لغرفتك وسكرتي الباب عليك ولا كان اخذتي عصى

وقلتي له اضربن احسن هذا جزاي انت وجهك بفرحك في هذه الحاله هو بيستحي وبيفشل منك ام عاد كثري

منه بس اتصدقي جبتي لي خطه انما ايه بسوي مثلك بسيارة اخوي اليوم وبحوسه له وبقول وش دران

انه بتنعفس ساده ليش اقول له جب لي معك وجبه مشتهيه يقولي فاضيه >>لي حق اسوي فيه كذا[/grade]

دينا · 11-04-07, 01:10 pm

تبين اجد يالخبله انتي المخطيه ان كانه اخوس هذاك ال في بالي الي ترتيبه الثالثه
بصراحه انا استغرب انك مازلتي على قيد الحياه توقعت بس قلع راسك ورماه على يت جيرانك وخابرته مايبي احد يلمسه او يمر من عنده وانتي ياعيني جبتي الفيري
اقول اعترفي كم كف جاك وكم نعله لقتك وكم عقال عدل انحناء ظهرك
بس فاتن نص عمري ماحضرت الموقف وتفرجت عليك ودي اضحك

ابوسليمان22 · 11-04-07, 02:11 pm

المخطي اهلك ليش ما اخذوك.
وفكوا السياره والبلديه والشارع ووزارة المياه والحاره من لجة اخوك وابوك .

وفكيتي المستشفى اللي يبي يعالجون ايديك عقب الصابون .

ويمكن يتهمونك بالإرهاب .

صارت بعد كلامي قضية الشرق الأوسط.

ياليتني همك · 11-04-07, 02:34 pm

هههههههههههههههههههههههههه
بس مو السياره انتي قصدك الجيب
بـــــــــــــــــس احمـــــــدي ربــــــــــــــك
انـــــــــــــــــك ما مــــــــــــــــــتي

قهررررر أحبه · 11-04-07, 05:23 pm

والله أنتي الغلطانه لو قايلك أخوك أغسلي السياره كان زبدتي ونفختي ورفضتي وبتقولين طس أهناك وش شايفني مغسلة سيارات تبغى فلوس خذا ورح اغسلها ..
هذا الواقع وألا عارف إنك باره بخوك بس المفروض ماخذه اذنه قبل ... أشوفك كل صبح بدوانيتنا وأنا موجعن راسي وش تسوي هالبنت واثاريك تغسلين يابنت الذين وتتعلمين بعد على سياراتنا هنك تقربين لسيارتي مره ثانيه بقطع يدك وأكسر رجلك مثلآ يعني ..
وشي سيارة اخوك والله من القراده ياقهررررر ايه وش خليت من بريده لا تبعد بعيد ..

تحياتي لك يابسكاتي

* نـــور الإيمان* · 11-04-07, 05:47 pm

بسكاتي عمري لايهمك الشباب اقولك شيء عاد ............ اخوك ماينلام بجد لأن حطيها ببالك الولد مايهمه الاسيارته وهذا واقع لايخفى....... اما السياره ماتنلام ما اتحملت يداكي الناعمتان ...... مااقول الا الصابون الشرير هو المذنب انا اكره الصابون بسبب جلي المواعين لمسكت صحن زلق ومن ذاك اليوم اغسل الصحون بالماء فقط<<< ياويل الي يضحك على طريقتي بالجلي اطلع ايونه من مكانها اخليه مابسش لشي بحاياتوا..............تسلمين عمري ع الموضوع دمتي بود