الكعب العالي ..استبــيان ليه نلبسه؟

[مياسة]

صباح الجوري بالمشمش

قرأت قبل سنوات مضت بأن مخترعة الكعب العالي (وأنتم بكرمه) أمرأه قصيرهـ كان حبيــبها يُقبلها من جبيــنها <عاد أدخل على الله مدري حبيــبها هذا يصير زوجها او خطيبها )
<<فعـــلاُ الحب بيعـــمل المعـــــجزات >>>


المــهم .. ما لنا بالطويله .. ابدخل بالموضوع دوووغري

يووووهـ تعبت رجولي .. اليوم كله زحمة شغل ومن فصل لثاني (مختـبه وطايره شوشتي ).. ليــتني لابسه سبور ومالبست كعب ..بس ما جاء ببالي ان الموجهه بتحضر اليوم !!

ردت علىّ وحده من الزميلات يقالها بتواسيني .. ليه تلبــسين كعب وأنتي طويله مشاء الله عليك.. أحم أحم (58سم يقالي طويله!!!؟) ما عندها سالفه

المهم .. قلت لها أنا ألبس الكعب مو عشان أصير طويله ..انا البسه لزوم الاناقــــه .. ما احب الخدع .. تخيلي لو انا قصيره مره ولابسه كعب 10سم كاشخه فيه .. واذا جيت اصلي عند احد وشلت الجزمات اصير نزلت من الدور الثالث خخخخخخخخخ انواع الفشيله !! يا زين القناعه ..
ولو اني قصيره وش فيها؟ ما راح بيقلل هذا الشيْ من قيمـتي ؟؟ ولا اتفشل عند هالموقف !!!

أنا ببالي ان الي تلبس كعب مو عشان تطول .. بس عشان الأناقه لان حتى الطويلات يلبسونه ..

وأنا كتبت هالموضوع .. وهالمقدمه العريضه .. بس عشان اعرف:
لماذا الأنثى تحب أن ترتدي الكعب ؟

أنتـــــظر الأراء
وسلامتــــكن يالعزيـــــزات

[فارس الميدان]

حبيت اقولك ترا ضيق صدري طولك ههه

بالله ليش بنات العرب وخاصه نجد قزمان بالحيل

دايم الواحد اذا شاف حرمه طويله حتى لو هو شايب ينهبل

اقتباس: (58سم يقالي طويله!!!؟)

الله يطولك عليها 100 حتى تكوني دارجه مع الناس

اقتباس: لماذا الأنثى تحب أن ترتدي الكعب ؟

لانها قصيره


.

[@ ابتسام @]

والله السبور ما مثله

ليتنا بس نقدر نلبسه بالعروس وما احد ينقد علينا.

اللي تلبسه وهي طويله للاناقه حتى يصير فستانها رزة يعني ؛ واللي تلبسه وهي قصيرة اكيد تبيه يطولها هذي ما تبي دكتور :::::> اي خبير

خيتوووو

[اتعبني خطااااك]

.. تخيلي لو انا قصيره مره ولابسه كعب 10سم كاشخه فيه .. واذا جيت اصلي عند احد وشلت الجزمات اصير نزلت من الدور الثالث خخخخخخخخخ انواع الفشيله !! يا زين القناعه ..

ههههههههه اتصدقينقد شفت وحده كذا ابصراحه انصدمت لبستلك ذاك الكعب الي يخوف من طوله وعشان الصلاة اافصخت الجزمه
اعزكم الله احسبه طاحت من صغره وهي يعني عروس مو صغيره

المهم انا عندي كعب بس للمناسبات الكبيره والباقي كله ســـــــــــــح لاني طويله وابوي لويشوفني لبسه الكعب يزعل يوقول لي احمدي ربك انك طويله وتلبسين كعب مايصلح
لكن اكعب له رزته وشكله الحلو وبصراحه احبه بس الحمدالله 0000000000

[العبرى]

فيه كعب صغير ممكن ينلبس يومياً للأناقه

والسح مره أنيق بعد


الكعب العالي ماأظن ينلبس للتطويل أكثر من الأناقه

وبالأفراح شيء ضروري أكيد للرفع لأن الفستان بيكون أطول!




مياسه/
موضوعك رائع
وتحفه



تحيتي,,,

[مياسة]

اقتباس:  المشاركة الأصلية كتبت بواسطة فارس الميدان     حبيت اقولك ترا ضيق صدري طولك ههه الله يطولك عليها 100 حتى تكوني دارجه مع الناس .

خخخخخخخخخخخ صدقت يا اخوي يافارس .. انا انهبلت لما قريت اني طولي 58 سم مدري ليه ناسيه الميه ههههههه بسم الله عليّ حسيت نفــسي جوجو ماجوج

عموماً أشكرك على التنبــــيه المهم .. والتحطيم الجميل لبنات العرب يا اخ العرب
وصدقت في هالنوع من الشيّاب

منور صفحتي يا صاحب الميدان

[مياسة]

اقتباس:  المشاركة الأصلية كتبت بواسطة العبرى     الكعب العالي ماأظن ينلبس للتطويل أكثر من الأناقه تحيتي,,,

العبري هنيا .. يالله انك تحييها .. كأني مو مصدقه جيتها .. او يورالي

الكعب العالي ماأظن ينلبس للتطويل أكثر من الأناقه
نفس رأيي وأجابتي لزميلـــتي .. العــبري ياهلا بوجودك

[ViMtO LiPs]

بصراحة احس الانثى اللي تلبس فلات او بدون كعب خالية من الانوثة


الكعب انوثة قبل لايصير تطويل


وجمال الملابس مايكمل الا فيه


والدليل على كذا عارضات الازياء اللي اطول من لاعبين كرة السلة حتى



لكن لو شفتي لما تلبسين كعب مو روكي شوفي ساقك كيف تتلف وتكتسب شكل مثير


تحياتي

[!! شموووخ !!]

[align=center]

مثل ماقااالت بسووومه

للعرس والفستااان لازم الكعب للرزهـ

وللمناسبات العاديه فيه الكعب المتوسط يمشي الحال للقصيره

بس ليته الموضه دايم سبورت نرتااااح من الكعب نطامر ونراكض على كيفناااا[/align]

[مياسة]

اقتباس:  المشاركة الأصلية كتبت بواسطة @بسووومه@     والله السبور ما مثله ليتنا بس نقدر نلبسه بالعروس وما احد ينقد علينا. اللي تلبسه وهي طويله للاناقه حتى يصير فستانها رزة يعني ؛ واللي تلبسه وهي قصيرة اكيد تبيه يطولها هذي ما تبي دكتور :::::> اي خبير خيتوووو

تسلمي بسومه عى هيك راي .. اما سالفه السبور بالعروس .. فله ..عشان ما ننزل من المنصه ابد خخخخخخخخخخ

[مياسة]

اقتباس:  المشاركة الأصلية كتبت بواسطة طــــــيف     المهم انا عندي كعب بس للمناسبات الكبيره والباقي كله ســـــــــــــح لاني طويله وابوي لويشوفني لبسه الكعب يزعل يوقول لي احمدي ربك انك طويله وتلبسين كعب مايصلح لكن اكعب له رزته وشكله الحلو وبصراحه احبه بس الحمدالله 0000000000

صح الرزه اهم شي ... بس الاكثار منه مضر على الارحام ..الله يحفظنا

[هامة حاسوبية]

[align=center]

الكعب للمناسبات ضروري لزوم الأناقة مثل ماتفضلتوا

لأنه فعلا يكسب الأنثى رونق خاص

أما في أماكن العمل فالــ (سح) أفضل شي

لأن الكعب متعـــــــــــب للظهر بشكل خيالي >> يعني عسانا نتحمله بالمناسبات ...[/align]

[متغربه]

الكعب للشكل مو للتطويل انا اشوف ان لبس الكعب اناقه

سواء طويله اوقصيرة

بس مو اي كعب حلو

على حسب الموضه

[الرأي الأول]

انا عندى راى بالكعب مع انى رجل

الكعب لايناسب اى امراه فهناك السمينه والطويله ارى ان لبسه شاذ

الكعب مكمل للبس بطريقه ظاهره لانه يكمل تناسق اللبس ويبرز التكامل فيه خاصه لللاتى يتمتعن اصلا بتناسق مستوى الجسم

الكعب لايصلح للسرعه فاقل تصرف خاطى ستفقد المراه توازنها

الكعب سلاح للمراه عند الضروره القصوى فضربه منه على راس المعتدى سيكون قاسيا وربما يفقد الوعى

الكعب العالى تاثيره على المدى الطويل سيى ويودى الى تقوس الظهر

انصح بالبعد عن الكعب العالى المسمى شوكه وذلك لخطورته عند اى انزلاق



هذه بعض ماعندى تحياتى

[شموع تحت المطر]

الكعب يعطي رزه حتى لو الوحده طويله

وغير كذا اذا مشيتي بالكعب تكون طريقة مشيتك مرتبه
مو مثل السبورت>>عشوائية
انا عن نفسي اقصر من طول الكعب اخليه شي بسيط عشان مايتعب
بس شنسوي لزوم الكشخه والاناقه.