هذي بعض المصطلحات الجداويه وراح اقولها بلهجت اهل الحجاز <<متاثرفيهم هع
شوفوا الكلمات هدي واحكموا واتحدى اذا ما قلتوا كلمة منها >>>> خخخخخخخخخخخخ
اكيد اهل جدة يعرفووووها
أبو كلب
وهادي الكلمة تنقال لما يكون في شي ما يعجبك هههههههههاي يعني زي
لمن يكون جوالك قديم ومعدوم العافيه تقول عليه جوال أبو كلب ولمن
يكون قلمك ما بيكتب زي الأوادم ويقطع تقول قلم
أبو كلب
أشكل
جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل ومأخودة من لعبة البلوت او
الورق للاخوان اللي ما يعرفو معنى البلوت
أطبعوا
ههههههههههاي من الألفاظ المضحكة جدا وتنقال لمن شخص ما يسمعك ويسأل
ايش قولت وماتعيد الكلام تاني فتقوله اطبعوا
أل
انتشرت بشكل رهيب اضافة ال التعريف من باب المبالغة في الفترة
الاخيرة زي مثلا لمن تشوف واحد غشيم تقول مو بس غشيم الغشيم ههههههه
لمن شباب يعاكسوا في السوق ويشوفو بنات ما يقولو بنات البنات ما راح
يفهمها الا اهل الحجاز بصراحه لانها تتنطق بطريقة مميزه
=== > يموت في الطرق المميزه
إنبراش
نعرف انه لمن بتلعب كوره واحد يدخل عليك معناتها انبرش عليك لكن عند
الشباب صار لها معنى تاني انبراشة صار معناها انه دخله غلط وسط
الكلام يعني انه تكون انت والشلة بتهرجوا في موضوع ويجي واحد يقول
كلام مالوا أي علاقة بالموضوع هنا نقول فلان انبرش وهادي تصير
انبراشه
ولا لمن يكون الكل ساكت ويجي واحد يقول كلام ماله داعي زي
نكته بايخه مثلا هنا نقول على الحركة دي انبراشه
بسط وهز وسط
تخيلو الفيلم الهندي دا كولو عشان تجاوب على احد يقولك كيف حالك؟
بلف :ههههههههههاي من اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو
شاف صاحبه اشترى سياره جديده وعجبته قوام جاب وحده من نفس النوع هنا
نقول انه بلف ينبلف بسرعة هههههههههاي ولمن يكونو اتنين بيتضاربو
ويجي واحد يحرش ..
ولا لما يكون واحد يجري بالكورة ولساهو بعيد عن المرمى ويجي واحد
يقولو شوووت يقوم يشووت كدا بسرعة دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص
تشبيك
ودي الكلمة معروفه وانتشرت بمختلف ارجاء المعمورة ومعناها انه لمن
واحد يقول انا شبكت فلانه يعني انا خليتها تعجب فيا وتحبني و
تكلمني وزي كدا
تغريز
كلمة يعرف انه لمن السيارة تغرز يعني تغرز في الرمل لكن بين الشباب
المصطلح ده غير يعني لمن انته تيجي وتقول غرزت عند فلانه يعني وقعت
في دباديبها ههههههههههه
او تقول فلانه غرزت عندي يعني وقعت في
دباديبي ايش بالله الكلام الفاضي دا نجيبلك ونش
احسنلك
هههههههههههههههههههاي
حمزه :
هادا اللفظ معروف حاليا بين مجتمع الشباب بالشخص الركاب يعني الكذاب فلمن تلاقي
احد يبكش يقولوه بس ياحمزه << هع اللي اسمه حمزه يغيره هوع
جنط : الكل يعرف جنوط السيارات طبعا لكن اليومين دول برضو صار للجنط
معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى
أشكل
او تجي بمعنى واحد غبي يقولونله جنط<<<بس هذي معناها عند البريداويه يعني
دافور : دافور معناها زمان في الحجاز الفرن ولكن دحين صار معناها البنت او
الولد الشاطر\ة في الدراسة نقول عنه\ا دافور\ه اللي دايمن شغال
عالكتب ولا يسيبها زي ما يسموه المصارية عثة كتب
دعس : دي الكلمة تنقال للاقدام على الشي وتنفع مرادف لكلمة قدام يعني
لمن مثلا يجي احد يقولك تيجي نروح التحلية ترد عليه وتقول والله دعس
يعني يلا معاك
ولا هيا شباب نلعب كورة يقولولو ادعس
زي الكرتوووون : تنقال للواحد
الأهبل
شاكوش
: معناها الاصلي طبعا المطرقة لكن دحين صار معناها البنت ولا الولد
اللي مو حلو هههههههاي نقول عنه شاكوش
شباب في رحلة
: وهيا مرادف لكلمة مشى حالك اللي أستخدمتها كتير في كلامي فلمن
تعمل شي وما يطلع مره مزبوط فتقول للي جنبك يااخي عادي شباب في رحلة
ههههههههههاي
ولا تسوي شي مو معتاد كدا وتحس احد استغرب فتقولو شباب في رحلة ياخي
شوربة
: طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن
هنا معناها غير فلمن انته تقول شوربه يعني شي سهل
فلمن مثلا يكون عندك اختبار ويكون سهل جدا تقول الاختبار كان شوربة
وهكذا
ولا مثلا تكلم احد وتقولو انا اروح شوربه ..
يعني اروح وطي ..
ولا تيجي المدام تجبلك الاكل تقوم تقولها حياتي من غيرك شوربة<<< ايه هين هع
صاروخ : هههههههاي طبعا نعرف الصواريخ لكن هنا معناها شي ثاني معناها
البنت الحلوة فلمن الاولاد يشوفو بنت حلوة يقولو عنها صاروخ
صهيوني
: كلمة جدا وحشه بصراحه وما احب انه نستخدمها وهي تنقال للشي الحلو
فيقولو لو شي جدا جميل صهيوني وهي مو حلوه لانه الصهاينة اليهود مو ؟؟؟؟
طقطقة : ودي الكلمة تنقال لمن تبغى تتسلي في واحد يعني تستعبط عليه وهوا
اهبل يكون مسكين على نياته وتلاقي ياما شباب مثلا متجمعين يقولو لو
جا فلان نطقطق عليه ولا تلاقي واحد يجي يقول امس طقطنا على راس فلان
وزي كده
في الألف وفي المليون
دي حلوه مره وهيا لمن تشوف شي يعجبك ويكون مميز مافي زي يعني او
تعمل حركه مميزه او شي زي كده لنفرض مثلا جوال عجبك تقول والله جوال
في الألف أو تقول جوال في المليون
ما عندك احد : هههاي كلمه فله ولمن مايكون عندك هرجه
وتنقال للشي اللي مو تمام
نمرة واستمارة
: ودي تنقال عند التأكيد وغالبا في الغباء والهباله زي مثلا تقول
فلان أهبل بنمرة واستمارة
كاي
: وهادي هيا ضحكة الشباب الجديدة ويضحكوها وقت التريقة والشماتة و
لا دحين صار الضحك تقول كااااااي بصوت عالي وتمد الألف<<والله عالم فاضيه
هبقة
: هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين متلا فهبقة هنا معناها
طلعة وليها معنى تاني بمعنى هروب زي لمن طالب يقول أمس هبقت من
المدرسة يعني شردت منها او تسوي حاجة غريبة على حركاتك انتا تقول
ياعمي هبقة
يعطيك
دي الكلمة من الكلمات الجديدة وتنقال للتشجيع يعني لمن تلاقي احد
عامل حاجه رهيبه تقوله يعطيييييييييك بمد الياء التانية زي مثلا
يكون سجل قول ولا شي زي كده
ركبتي ..
من الكلمات الي تدل اني عارف اللي قدامي يبكش.
يقومو يقولولو كده يعني زي واحد قاعد يتكلم ويحكي وكول كلامو بكش
يقوم واحد يقول للتاني يووواد شوف شوف ركبتي<<<خخخخ
يلعن ام الفله ..
وهادي من
الكلمات الي ماسكه في لساني ...
لمن يكونو في شباب وعجبتهم مره الطلعه ولا يبسطو الواحد
يقولو على الطلعه مثلا يلعن ام الفله ..
امووو
يعني مثلا مين فين لأمو حلو ..
يابن الناس سيب امو في حالها هيا اشلها صلاح ..
فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..<<< امووووت في هالكلمه هع
فوكها ..
هههههههههههاي هادي المره هوا حيفكها ..
لمن الواحد تكون اخلاقه زفت ومررره طين ..
تقولو ياشيخ خلاص فوكها
...
قويه ..
لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء
خريييش..
دي الكلمة لمن تكون جالس بين الشباب ويجيك واحد
يجلس يكدب ويلفق في الحكاية ويملح فيهاتقوم تقول خريييييش
كووووووول .. وتنقال على أي شي يعجبهم ..
بااااااااد .... لمن تشوف امر مو حلو ولا ولد سيء منظرو يقولو عليه باد .
بمد الالف ..؛؛<<<ضاربين باللغه هع
هيااا خير
لما يسير شي مفاجيء ولا يكون في حاجة غريبة كدا
كل فطير وطير
يعني يللا روح سري راحت عليك خلاص
انشكاح ..
ومعناها يعني لمن الواحد بيسمع خبر حلو ولا عندو خرجه خطيره وفيها
فله تلاقي طاير من الفرح ومين قدو .. على طول نقولو بطل انشكاح
تلاقيه منشكح << يلعن ام اللغه ياشيخ
لاتدف
كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل .. ولا واحد معصب وبيهزئ في الكلام .
ولا كده واحد يقول يلا بسرعه سوي كده دحين ..
تقوم تقولو
لاتدف
قردنه .. ..
مثلا تبغى تخرج وابوك مصر انك اليوم معاقب مافي خروج ..
على طول يقولك صاحبك ياشيخ روح قردنو .. يعني روح جيب راسو ..
ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب او تروح تقول لصحبتك نبغا نخرج
وهيا تقولك لا ومدري ايش فتقعد تقردنها الين ما ترضى
ههههههههههااي << هذي معروفه لكل انحاء المملكه
اصرفها.. اخرشها
هههههههههههاي كلمه في اللزيز ..
عندك كده كدبه ومنتى عارف تكزبها وخايف وعامل الولد الي ماعمرو يكزب
وانت دحين في ورطه ولازم تكزب ..
يقوم صاحبك يقولك ياشيخ خلاص اخرشها ولا اصرفها
ولا سويت مصيبة وتبغا تلف الموضوع فتبدا تفكر كيف تخرشها ولا تصرفها
نص كوم
حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
كده قول مين الاخير ..
عندك شي تبغاه مصلحه تبغاها قول ..
هبقة
: هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين متلا فهبقة هنا معناها
طلعة وليها معنى تاني بمعنى هروب زي لمن طالب يقول أمس هبقت من
المدرسة يعني شردت منها او تسوي حاجة غريبة على حركاتك انتا تقول
ياعمي هبقة
امووو
يعني مثلا مين فين لأمو حلو ..
يابن الناس سيب امو في حالها هيا اشلها صلاح ..
فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا ..<<< امووووت في هالكلمه هع
انشكاح ..
ومعناها يعني لمن الواحد بيسمع خبر حلو ولا عندو خرجه خطيره وفيها
فله تلاقي طاير من الفرح ومين قدو .. على طول نقولو بطل انشكاح
تلاقيه منشكح << يلعن ام اللغه ياشيخ
قردنه .. ..
مثلا تبغى تخرج وابوك مصر انك اليوم معاقب مافي خروج ..
على طول يقولك صاحبك ياشيخ روح قردنو .. يعني روح جيب راسو ..
ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب او تروح تقول لصحبتك نبغا نخرج
وهيا تقولك لا ومدري ايش فتقعد تقردنها الين ما ترضى
ههههههههههااي << هذي معروفه لكل انحاء المملكه
مصطلحاااااااات جدااااااااويه
العرض العادي
