ليه اغني للقمر وليه اسولف للسما -- القوافي والجروح ودمعة اللقيا حلالك

[أحمد النصار]

[align=center]هذي قصيدة غزل قمه فالروعه والجمال من كل المناحي والاركان والواجبات وزياده مثل الطائره من موقعها بالارض كل مالها وترتفع فوق لتعانق السحاب ..الوكاد للتاكيد والا الثقه موجوده الحقوق محفوظه ل-بن حمري هذا اللي انا ادريه عنه.. يقول :-
القصيد أن ما انحنى لك يستوي عرضه وطوله
والقوافي والجروح ودمعة اللقياء حلالك
ليه اغني للقمر 00 وانتي على الارض امحموله
وليه اسولف للسماء وانجومها عقدك وشالك
الشهاده حق قبل اموت من زينه وهوله
اشهد اني ميتن بك في غرامك واحيىى لك
دلعوه وقدروه وبالحنايا فسحوّله
واشهدو له بالحلا يالحنبليه قبل مالك
غادين لك في ضميري بالهوى صوله وجوله
كيف ما استاهل غلاك ولومتك واعشق قبالك
انت عيدي وانت سيدي وانت شيً حسبوله
العيون وخاطري وايدّي تضحك في وصالك
انت عام الحب كله واروعه واجمل فصوله
انت ابو شعري وانا والشعر كنا من عيالك
هز جذع القلب يسقط لك رطب شعري ولوله
واشرب زلال المعاني بالهوى ياطيب فالك
يوم صارت ساعة الفرقا على مثلي عجوله
اغتنمت امن الدقايق لحظتينن كلها لك
قول كل اللي تقول وطول كل اللي تطوله
بس انا طالبك طلبه خلني دايم ببالك
وكل هرجن مايسر القلب تكفى لاتقوله
انت في عيني وحيد .. وانت في قلبي لحالك
وانت رجمن في فياض القلب وانت اوسع سهوله
ليه ما اخلي النظر والشوف يرتع في جمالك
المدى والوصل فيني والخفوق ابن حموله
ليت ماضمت جنوبي .. لفحتينن من شمالك
ان ذكرت الجدي والا سهيل والليل وسدوله
اذكري ظامي طلب له .. رشفتن من كف ها لك
ليت مالي من ثلاثيني سوى عمر الطفوله
وليت ياشمس المحبه ما انظرت عيني زوالك
لا تعلم بالغلا والحب مايمرح عذوله
واذكر اني قد عطيتك كلمتين وقلتها لك
القصيد ان ما انحنى لك يستوي عرضه وطوله
والقوافي والجروح ودمعة الفرقا حلالك
-- ونستودعكم الله واسئله يجمعنا بجنانه جل شانه [/align]

[أحمد بن ناحل]

أحمد النصار


صح لسانك ولسان ابن حمري


وتسلم يمناك على النقل والطرح المتميز


دمت بخير


تحياتي لك........,

[عبدالله الحلوه]

كعادتك اخي حمد تجيد الاختيار لتضع امامنا اجمل القصائد


تحياتي

[الأمواج الباردة]

[align=center]إلى أستاذي الفاضل ،، أحمد النصار ،،السلام عليك ،،

هكذا أنت كما عودتنا أستاذي الفاضل ،، تعود مميز في كتاباتك ,, وفي نقلك ،،

وأتمنى أن تبقى كما أنت وإلى الأمام دوماً ،،

ودمت بكل الخير ،،[/align]

[فهد الطويان]

المبدع أحمد النصار.
.
حياك وحي مانقلت.
.
قصيدة رائعه كروعة حضورك الشعري المتميز..
.
تقبل خالص تحيتي...

[أحمد النصار]

أحمد بن ناحل :
00 تسلم روحك ياسمي
ومرحبا بك كل وقت وكل حين
--------------
عبدالله الحلوه :
00 ياهلا ياهلا استاذ عبدالله وشكرلك على حضور ودام سرورك
------------
الامواج البارده :
عليك السلام - وشكرا لحضورالنجم المتألق في سما المنتدى
-----------
فهد الطويان :
حضورشاعر بحجمك يزيد الصفحة روعة فشكر لك دائما وابدا