شاركوني الرأي ( عاجل )

[حنيش الملز]

لنواكب التغيرات من حولنا لينعكس ايجابا على تنظيم حياتنا وعلى خزينة بلادنا ، ولا اخال الا كلا يؤيدني بهذا الطرح باذن الله من منطلقات ومعطيات عده /

من المعروف ان كل دول العالم تعتمد التاريخ الميلادي وهذا شأنهم طبعا ولنا شأننا ولكن المحور هنا ( عملية الرواتب وأن يكون صرفها بالميلادي بدل الهجري ) لمعطيات وحيثيات اهمها /

1 ــ حتى يتفق القطاع الخاص والعام باستلام الرواتب فالمعروف ان القطاع الخاص بما فيها البنوك تعتمد الميلادي حتى بصرف الرواتب مثلهم مثل الشركات والمؤسسات الأهليه والأجنبيه .
2 ــ تتنظيم حياة الموظف الأهلي والموظف العام سواء عسكري أو مدني بتوافق تواريخ الصرف للرواتب .
3 ــ بحساب بسيط سيتوفر من كل موظف سنويا ( 15 يوما ) تعود للخزينه طبعا وتصرف ( تصرف ) على مشاريع تعود بالخير على الوطن والمواطن أولا لدعم مثل ( الرعاية الاجتماعيه ، صناديق الاقراض ودعمها لتحل مشاكل اسكان ، والزواج وغيرها ......... )
4 ــ كون الميزانية العامه للدوله ايضا تتم بالسنة الميلاديه الآن وهذا طبعا معروفة أبعاده لمواكبة العالم ( ونحن جزءا من هذا العالم بل ومن أكبر المؤثرين فيه سياسيا واقتصاديا بفضل الله ) .

6 ــ هذا أي دفع الرواتب بالميلادي له فوائد عده كما أن الموظف سيرحب بها فعلا ، ناهيكم اذا ادجرك ماسينعكس عليه ذلك على التنميه وحياة المواطن ....
لنحسب حسبة بسيطه /
موظف راتبه 3000ريال شهريا ، بالسنه سيتوفر للخزينه 1500ريال سنويا واضربها في عدد موظفون من عسكريون ومدنيون ( كم الحاصل بعام واحد!!!؟ ) بدون أن يشعر بها المواظف وبدون أي ضرر عليه بل العكس ستكون مدعاة لفرحه وتعبيرا عن كونه يساهم بالتنميه الاجتماعيه .

أمثله /
موظف راتبه 6000ريال شهريا ، سيتوفر بالسنه ( 3000 ريال )
موظف راتبه 12000 ريال شهريا ، سيتوفر بالسنه ( 6000 ريال )

وهكذا

ولو أحصينا عدد الموظفين والموظفات والعسكريون ( لتخيلنا الرقم الذي سنصل اليه كل عام ، وهذا يذهب الى ماينعكس لدعم التنميه والخدمات التنمويه للمواطن فقط )


......

[عبدالله الحلوه]

صام دهراً وافطر بصلاً !!


اقول مصيفين اخوي حنيش


يجيب الله يسيل فيزيل الخبث من على وجه الأرض وينبت الربيع فتسمو الأنفس وتتطلع للخير من وجيه الخير




تقبل تحياتي ,,,,

[امرؤ القيس]

اهلا بحنيش الملز

انت تبي توفر للخزينة على حسابنا !!


الا مافي اشهر أقل من الهجري بعدد ايامه ؟

عموما الله لايسمع منك


قال ايه قال بالميلادي !!

[حنيش الملز]

اقتباس:  المشاركة الأصلية كتبت بواسطة عبدالله الحلوه     صام دهراً وافطر بصلاً !! اقول مصيفين اخوي حنيش يجيب الله يسيل فيزيل الخبث من على وجه الأرض وينبت الربيع فتسمو الأنفس وتتطلع للخير من وجيه الخير تقبل تحياتي ,,,,

أخوي عبدالله لاء بالعكس تونا مبكرين
مافهمت عليك وضح !!!! : يجيب الله يسيل فيزيل الخبث من على وجه الأرض وينبت الربيــع فتسمو الأنفس وتتطلع للخير من وجيه الخير !!!!!!

[حنيش الملز]

اقتباس:  المشاركة الأصلية كتبت بواسطة امرؤ القيس     اهلا بحنيش الملز انت تبي توفر للخزينة على حسابنا !! الا مافي اشهر أقل من الهجري بعدد ايامه ؟ عموما الله لايسمع منك قال ايه قال بالميلادي !!

الله يهديك ياامرؤ القيس
احسبهــا وتشوف الا كانك موظف أهلــي في بنك او غيره ماتفرق معك ( ياأخي كم تخسر بالسنه لو انت موظف حكومي ؟ قل لي ؟ ولا شيء تقريبا )
ثم مردوده لنا للمجتمع ليس للتوفير للخزينه بل لمساعدة الخزينه لنا ومن أجلنا ، واذا تنتظر أنت شي هذا شي ثاني ماأدري عنك ( الا تكون بس موظف قــطاع أهلي ، والا بنك ولا عليك ...!!!! )
واش معنى القطاع الخاص يوفرون لخزينتهم ؟
مايفهم علي الا اخوي لمبة شارع

[حنيش الملز]

ياناس الخير سيعم الجميع من جراء هذا الاقتراح
تنظيميا أولا
ثانيا / ينعكس على المجتمع الطبقة المحتاجه منه مثل ماذكرت
أنا ماقلت ينفق لشراء اسلحه او اقامة مدينه صناعيه او حديقه او تبرعات ( أنا قلت يجير للمحتاجون للداخل من مواطنون لدعم الصناديق مثل : التنميه العقاريه ومثل التسليف والزواج والعلاج ، وأسر السجناء ، والمطلقات والأرامل ...... الخ )

[لمبة شارع]

حنيش ...
اسمع


افصل افياش كمبيوترك وافتح الدريشة وعلى طول معها !!!

يعني لا عمرك تدخل نت ولا تفتح كمبيوتر !!!!

اجل ذا حكي الله يسهل عليك؟؟؟؟

يعني تبي تشخص وتأمرك على حسابنا ..!!!؟؟؟

وبعدين ترى الفرق 11 يوم بين الميلادي والهجري مش 15 يوم...!!

لكن والله لوتبي راتب 15 ثانية ماعندنا !!!

قال ايش قال مواكبة ... جنبا الى اجنب.... قطاع خاص مدري وشو!!!

يا شيخ ويييييييييييييييييييين ...!!!

[الذاهبة]

نعم

صحيح صحيح

بارك الله في الطرح و الطارح



هذه يا استاذ حنيش الملز طريقتنا المعتمدة في صرف رواتب العمالة عندنا

طبعاً نوفر .. مادري كم ريال

بالميلادي احس من الهجري


لكن إذا تضمن لنا أن التوفير سيصب في النقاط التي ذكرت وبكل أمانة ..

والله اكون أول موافق على اقتراحك .. و فوقه تبرع 4 % من راتبي المتواضع




بالتوفيق حنيش .. لا تهتم للمثبطين و الناس اللي ما تفكر

يكفيك إنك تمتلك دماغ ديناميكي ألف ماشاء الله تبارك الله .. حتى لو يشتغل غلط .. أهم شي .. it's Working !

معاً .. لغدِ أفضل .. مع أبو الحناتيش

[مقبل المقبل]

اقول الله لا يسفهك ساحنشهم

انت تبي توفر على الدولة !! والا بس فضاوة هالاقتراح

طيب جرب انت اول!! هالسنة اعتبر ان رواتبك بالميلادي واخصم 15 يوم وتبرع فيهن ومالك الا الاجر

[حنيش الملز]

اقتباس:  المشاركة الأصلية كتبت بواسطة لمبة شارع     حنيش ... اسمع افصل افياش كمبيوترك وافتح الدريشة وعلى طول معها !!! يعني لا عمرك تدخل نت ولا تفتح كمبيوتر !!!! اجل ذا حكي الله يسهل عليك؟؟؟؟ يعني تبي تشخص وتأمرك على حسابنا ..!!!؟؟؟ وبعدين ترى الفرق 11 يوم بين الميلادي والهجري مش 15 يوم...!! لكن والله لوتبي راتب 15 ثانية ماعندنا !!! قال ايش قال مواكبة ... جنبا الى اجنب.... قطاع خاص مدري وشو!!! يا شيخ ويييييييييييييييييييين ...!!!

لمبه ؟
حياك حياك
اولا انا ماعندي درايش في بيتي ، واشغل كمبيوتري على ماطور بلا هم كهرب وغثاهم !!!! خخخخخخخخ كهرررب
ثاني شي انت مع احترامي مرفوع عنك الدفتر مهوب القلم وبس
طاعوش جيدين بس تكسرون شيخاتي ؟ ياجماعه الدعوى تفاهم

حتى لو كان 11 يوم او حتى 10 ايام ماراح يتكون عندنا مليارات سنويا ؟ لتصب في المجتع وللمجتمع ( المواطنون فقط والأحق فالأحق ) وخل نسوي جدو ى اقتصاديه ونشوف

وأنا أ طالب أن تضمو صوتكم الى صوتي وأشجب وأستنكر وأدين من لايدلي بدلوه معي ومن ليس معي فهو ضدي

الدعوى مهيب تأمرك ( مع انني اتشرف بالأمركـــــه )
كل الدنيا ماشيه بالميلادي حتى عندنا بالقطاع الخاص? Is it Not

......

[حنيش الملز]

اقتباس:  المشاركة الأصلية كتبت بواسطة الذاهبة     نعم صحيح صحيح بارك الله في الطرح و الطارح هذه يا استاذ حنيش الملز طريقتنا المعتمدة في صرف رواتب العمالة عندنا طبعاً نوفر .. مادري كم ريال بالميلادي احس من الهجري لكن إذا تضمن لنا أن التوفير سيصب في النقاط التي ذكرت وبكل أمانة .. والله اكون أول موافق على اقتراحك .. و فوقه تبرع 4 % من راتبي المتواضع بالتوفيق حنيش .. لا تهتم للمثبطين و الناس اللي ما تفكر يكفيك إنك تمتلك دماغ ديناميكي ألف ماشاء الله تبارك الله .. حتى لو يشتغل غلط .. أهم شي .. it's Working ! معاً .. لغدِ أفضل .. مع أبو الحناتيش

اختي الذاهبه / انني أشعر بالاحباط والانهيار للردود المتتاليه التي دحرجتني بعد أن قرصتني
أعوذ بالله الجماعه ماعندهم تفاهم هنا ؟ معارف لي بالكاريبي يتفاهمون احسن من بعض ناس هنا مع احترامي للجميع / على كل ياأختي أنا قدمت اقتراح وجيــه وطبعا آليته وتنفيذه توضع من قبل مجلس الشورى
وأشكر لكي باسم الحنيشيون هذه اللطافه ورفــع المعنويه والرد المفحم لمن يحاول خذلي واحباطي ولكن لاء ...

[حنيش الملز]

اقتباس:  المشاركة الأصلية كتبت بواسطة مقبل المقبل     اقول الله لا يسفهك ساحنشهم انت تبي توفر على الدولة !! والا بس فضاوة هالاقتراح طيب جرب انت اول!! هالسنة اعتبر ان رواتبك بالميلادي واخصم 15 يوم وتبرع فيهن ومالك الا الاجر

يامقبل مهوب توفير للدوله ( اقر الموضوع تاني من جديد )
لو توفير كان اسألو الشركات والبنوك الأهليه تدفع بالميلادي ليش ؟!!! ليش ؟ كمان مره ليش ؟
بالدرجه الأولى علشان يوفرون من كل موظف نصف شهر سنويا او على قول ( لمبه ) 10 او 11 يوم ( يعني هم حلال والقطاع العام يكون لاء ؟

لو مليون موظف وفرت منه كل سنه لو 1000 ريال كم النتيجه ؟ كم قل لي .....
كم ستبني منزلا لفقير ، وتنقذ أسرة وأرمله ومطلقه وتقدم خدمات انسانيه ، اويقام منها مشروع يخدم المجتمع يوظف به الكادحون والي مهوب لاقين شغل ودخل المنتج يعود مرة اخرى ( يعني تدوير )

ماأحخد جاوب ليش الدوائر الغير عامه تدفع بالميلادي ليش ؟ مهوب توفير ؟ مادام الهجري اوفر خلهم يغيرون وهات آله حاسبه واحسب ولا تنسى السنه الكبيسه ( فبراير ) سنه 28 و سنه 29 ماأدري ايهن الكبيسه

مقبل اكيد انت عندك عمال والا مكتب استقدام والا مدير بنك والا شف وش الدبره

يامقبل ارجع اقر الموضوع من الأول

تبين اتبرع لحالي ؟ وأنت ليش ماتناقش بموظوعيه ياأخي

[الراي]

اخي حنيش .ياخي عندنا مليارات ما فيه حاجه لكي نوفر ...على الأقل.. قل يوفرون من رواتبنا وكل سنه يعطوننا اياهن
يمكن ننظر بالموضوع .....اما تبي تقلبها ميلادي ...هاذي اللي ما طار طيره................

........................ لا عمرك تعودله ........ودورلك موضوع ثاني ...مثل (الثروه الحيوانيه)مثلاً علشان

ندخل معك بالموضوع ....................تراك ازعلتنا ..............

[خالد التويجري]

حنيش .... حبيبي

تدري لو راتبك بمعدل 7000 ريال شهري وتكرف عند الدوله 40 سنه كم بتكلف الدوله رواتب ....؟؟؟!

حنوشي يابعدي 40 سنه يعني عمرك كله وبكم ...( ثلاثه مليون تقريباً ) (3000000 ريال) ...؟؟؟!

ياشيخ خاف الله بالمسلمين ثلاثه مليون بربعين سنه وش تشكل قدام مبيعات بترول بيوم واحد ... ولا فواتير كهرب بشهر ولا فواتير اتصالات بشهر ... ولا دخل موسم حج واحد .. ولا دخل موسم العمره برمضان ....ولا ...ولا ..ولا ....ولا

ياشيخ روح انت والخزنه قال توفر للخزنه قال................,؟!








تحياتي

[فريـــد]

الأكيد أنني مررت من هنا ..
فلم تعجبني الفكرة !