بسم الله الرحمن الرحيم
موضوعي يمكنه متكرر مادري لكن جد جد يعني وراه اغلب الشباب مايبون الا بنات بيض
يعني باختصار تلقاهم لاجو يخطبون قالوا نبي بيضاء يعني تلقاء ملامحه تجدع التسبد وشعره قراعيط بس اهم شي بيضاء>>ليش التفكير سطحي ليش الشهوه مبداء كل شخص لابغى الزواج واكبر دليل الشروط الشكليه ؟!! لهدرجه الشباب مايفكر بالزوجه العاقله الصبروه الصالحه مايفكر كيف يعمر بيت بتقوى الله ثم التفاهم والمود ؟!!
بيضاء بيضاء طيب وشي الميزه في اللون الابيض جميل صح طيب والروح والقلب بياضه مو مهم ..
مانخلق الانسان كامل عشان نلقى شروط الشباب جميله وبيضاء واخلاق كيف تجي ؟!!!
ولا شرط الجمال واللون طلب الامهات والاخوات ؟! رغم انه هذا شي كثير طلب الام والاخوات يبون جميله لولدهم وبيضاء مايفكرون بسعادة ولدهم الا بالشكل ؟!!
عمر الجمال واللون ماكان عامل اساسي للسعاده الزوجيه
والواقع اغلب البنات السمر يضرون ارواحاهن بكريمات ومبيضات يقولن نبي الزواج ؟! يعني معقوله تفكير اغلب شبابنا سطحي لهدرجه ،لدرجة ان السمراء تعنس والبيضاء توخذ، لاحد يرد علي يقول ذا شي بيد الله ورزق نعم اكيد والله اكيد وكلنا عارفينه بس ليش الانحطاط الفكري بالشكل بسسسس طيب بيضاء وجميل فلقة قمر لا اخلاق لا جمال روحي والنفسيه مخيسه وش الفايده اكيد الفايده بشي واحد بس الجنس لانها تشهي بس والله ماعندكم سالفه وذا التفكير الله المستعان
المهم اعذروني من لخبطة الكلام بس لاعت كبدي والله اشوف اغلب السمر معاناة مع مع الكريمات المبيضه والابر عشان العرس الحمدالله والشكر حتى ليت اللي يطلب بيضاء وجميله ، هو وسيم ورجل وراتب ومنصب عالي ايه يفتح الله بس حتى اللي يشتغلون بشريكات ويدخنون ورواتبهم ع 2000 يبون بيضاء مع الخير ي شقراء
ولا الحريم جميله بس السمراء شينه بس بيضاء ياللللللله قسم حامت تسبدي ماقدر اكمل
العرض الشجري