اقول :
يالحرار اللي على روس العوالي
ترقبـن فـوق الـمـراقـيـب الرفيعه
والله اني شفت شيٍ .. ماطرالي
شفت حاجه زي ما قالو .. فضيعه
غـيـر اردد كـل حـزه. . عـزتـالـي
ماعرفت النوم و العالم .. هجيعه
غدرة الشخص المقرّب والموالي
كيةٍ توجع ..وهي و الله . . شنيعه
والله ان القلب كنه فوق .. صالي
العزيز ... اليا أشتـرينا ... مـا نبيعه
كنت اعدك ياولد من روس مـالــي
ذاخرينـك ... للشدايد .... والفزيعه
ماهقيت انك تجي درب الخمالـي
ثم تِطلِع شي ..وتروح .. وتذيــعـه
مير اباخذها مثل صدر الـشـمالـي
واتجمل والجماله .. بـي طبـيـعـه
لجل عينك كم تحملت .. الثـقـالي
وتدري اني كم تجملت ... بصنيعه
ذكرت المعروف عيب .. أول وتالي
والمشاره والعتاب من .. الطبيعـه
و الله اني شره لكن انت .. خالّـي
مير فكر .. وانظر بعين .. الشريعه
تعتذر يامرحبا بك ... وانت .. غالي
وان بغيت تروح فأرض الله وسيعه
بيني وبينك ... طويلات ... الليالي
والزمن دوّار ... والدنيا ... سريعه
العرض الشجري